Qardaş ölkənin məşhurları: "Hər zaman, hər vəziyyətdə yanınızdayıq. Dualarımız sizinlə"

317
(Yenilənib 21:04 17.10.2020)
"Savaşlar geridə yıxılmış evlər, yetim uşaqlar buraxır. Ümid edirəm, bu müharibə çox böyüməz. Və tezliklə qalıcı bir barış ortamı olar"

Şahpəri Abbasova, Sputnik Azərbaycan

BAKI, 17 oktyabr — Sputnik. Ötən gecə Gəncədə baş verən terror hadisəsi ilə bağlı Türkiyənin məşhur insanlarının paylaşımı davam edir. Sputnik Azərbaycan xəbər verir ki, bu xəbər onları da sarsıdıb. Türkiyənin tanınmış müğənnisi və rejissoru Mahsun Kırmızıgül öz "instagram" səhifəsində bu sözləri yazıb: "Gəncə və Mingəçevir şəhərində sivil insanlara və uşaqlara yatarkən raket atan Ermənistanın ağlını itirmiş yöntəmi müharibə və insanlığa qarşı cinayət törədir. Ölənlərə Allah rəhmət eləsin, yaralılara şəfa diləyirəm. Savaşlar geridə yıxılmış evlər, yetim uşaqlar buraxır. Ümid edirəm, bu müharibə çox böyüməz. Və tezliklə qalıcı bir barış ortamı olar".

Ebru Gündeş isə öz "facebook" səhifəsində bu sözləri yazıb: "Canım Azərbaycana. Məsumları hədəf alınaraq xaincə etdiyi hücumu şiddətlə qınayır, itirdiyimiz bacı-qardaşlarımıza Allahdan rəhmət, yaralılara şəfa diləyirəm. Hər zaman, hər vəziyyətdə yanınızdayıq. Dualarımız sizinlə".

Türkiyənin məşhur müğənnisi Hadisə və rejissor-aktyor Oqtay Kaynarca da "intagram" səhifələrində Gəncə terroruna münasibətlərini bildiriblər.

317
Əlaqədar
Azərbaycan xalqını qorxutmaq mümkün olmayacaq – Diaspor Komitəsinin sədri
Türkiyənin daha bir ulduzu Gəncə ilə bağlı paylaşım etdi
Roma Azərbaycan naminə ayağa qalxdı
Türkiyəli məşhurlar Gəncə terroruna səssiz qalmayıblar
Məşhur amerikalı aparıcıdan ermənilərə sərt cavab: "Bizdən bunu etməyi gözləməyin!"

Diplomatik korpusların nümayəndələri Bərdə Tərtərə gedir

4
(Yenilənib 09:47 29.10.2020)
Oktyabrın 28-də saat 13 radələrində Ermənistan silahlı qüvvələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

BAKI, 29 oktyabr - Sputnik. “Ermənistanın günahsız mülki şəxslərə qarşı qəsdən hazırladığı hərbi cinayətləri beynəlxalq media və diplomatik korpuslara göstərmək üçün Bərdə və Tərtərə gedirik”.

Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev tvitterdə yazıb.

“Ermənistanın siyasi-hərbi rəhbərliyinin cinayətlərini yerindəcə görəcəklər. Bizim diplomatik korpusumuza canı yanma üçün təşəkkür edirik!”

Oktyabrın 28-də saat 13 radələrində Ermənistan silahlı qüvvələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

Nəticədə 21 nəfər həlak olub, 70-dən çox şəxs isə yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

4
Azərbaycan Respublikası Müdafiə Nazirliyinin binası

Füzuli, Xocavənd Qubadlıda Ermənistan ordusunun hücum cəhdlərinin qarşısı alınıb

65
(Yenilənib 08:04 29.10.2020)
Cəbhənin müxtəlif istiqamətlərində Ermənistan silahlı qüvvələrinə qarşı görülən cavab tədbirləri nəticəsində düşmənin şəxsi heyəti arasında ölən və yaralananlar var.

BAKI, 29 oktyabr - Sputnik. Ermənistan silahlı qüvvələrinin bölmələri oktyabrın 28-i gün ərzində və 29-na keçən gecə cəbhənin müxtəlif istiqamətlərində Azərbaycan Ordusu bölmələrinin yerləşdiyi mövqeləri və yaşayış məntəqələrimizi müxtəlif silahlardan, o cümlədən artilleriya və raketlərdən atəşə tutub. Bu barədə Sputnik Azərbaycan Müdafiə Nazirliyinə istinadən xəbər verir.

Döyüş əməliyyatları əsasən cəbhənin Xocavənd, Füzuli və Qubadlı istiqamətlərində davam edib. Düşmənin hücum etmək cəhdlərinin qarşısı qətiyyətlə alınıb.

Cəbhənin müxtəlif istiqamətlərində Ermənistan silahlı qüvvələrinə qarşı görülən cavab tədbirləri nəticəsində düşmənin şəxsi heyəti arasında ölən və yaralananlar var.

Dünən gün ərzində və gecə saatlarında cəbhənin müxtəlif istiqamətlərində düşmənin xeyli sayda canlı qüvvəsi, 2 ədəd T-72 tankı, 2 ədəd BM-21 “Qrad” yaylım atəşli reaktiv sistemi, 14 ədəd müxtəlif tipli topu, bir neçə dayaq məntəqəsi və 6 ədəd avtomobil texnikası məhv edilib və sıradan çıxarılıb.

Hazırda qoşunlarımız əməliyyat şəraitinə nəzarət edir.

65
Mövzu:
Azərbaycan və Ermənistan arasında müharibə