Füzuli rayonu

Füzuli şəhərinin ən son əldə olunmuş peyk təsviri

461
(Yenilənib 16:36 17.10.2020)
Özünəməxsus təbiəti olan Füzuli ərazisində Ermənistanın işğalı nəticəsində uzunömürlü Şərq çinarları, o cümlədən Ərgünəş meşəsinin böyük hissəsi məhv edilib

BAKI, 17 oktyabr — Sputnik. Hər birimizin qürur mənbəyi olan Silahlı Qüvvələrimiz bu gün də cəbhədən şad xəbərlər göndərib. Bu gün Füzuli şəhərinin erməni işğalından azad olunması bizi çox da uzaqda olmayan qələbəmizə daha da yaxınlaşdırır. Sputnik Azərbaycan "Azersky" peyki vasitəsilə Füzuli şəhərinin ən son əldə olunmuş peyk təsvirini təqdim edir.

Mədəniyyət və memarlıq abidələri ilə zəngin olan Füzuli şəhəri tam 27 ildir ki, erməni vandalizminin qurbanına çevrilib. Özünəməxsus təbiəti olan Füzuli ərazisində Ermənistanın işğalı nəticəsində uzunömürlü Şərq çinarları, o cümlədən Ərgünəş meşəsinin böyük hissəsi məhv edilib. Bu gün artıq Ali Baş Komandan İlham Əliyevin rəhbərliyi və ordumuzun şücaəti sayəsində Vətənimizin ərazi bütövlüyünün tam bərpa olunmasına sayılı günlərin qaldığına əminik! Zəfər bizimdir! Qarabağ Azərbaycandır!

461
Teqlər:
azad edilmə, işğal, erməni təxribatı, Ermənistan-Azərbaycan, Dağlıq Qarabağ münaqişəsi, təsvir, Azercosmos, Füzuli
Mövzu:
Azərbaycan və Ermənistan arasında müharibə (1184)
Əlaqədar
Füzuli şəhəri tam azad edildi - Azərbaycan Prezidenti
Bir gözümüz gülür, bir gözümüz ağlayır - Füzulili deputat
Füzuli rayonunun işğaldan azad olunan Horadiz kəndindən yeni VİDEO
Füzuli rayonu müxtəlif istiqamətlərdən atəşə tutulub, yaralılar var
Qarabağlı köçkün: "Anam yuxuma girdi, dedi ki, oktyabrda Füzuliyə qayıdacaqsız"
Şuşada vəziyyət

Şuşanı işığa qərq elədilər - VİDEO

2
(Yenilənib 15:51 16.01.2021)
Şuşa şəhərinin elektrik enerjisi ilə təchizatı nəticəsində Yuxarı Gövhər ağa məscidi və əsas küçələr işıqlandırılıb

BAKI, 16 yanvar — Sputnik. "Azərişıq" ASC Şuşa şəhərini elektrik enerjisi ilə təchiz edib. Qurumdan Sputnik Azərbaycan-a verilən məlumatda bildirilir ki, işğaldan azad edilmiş Şuşa şəhərinin elektrik enerjisi ilə təchizatı nəticəsində Yuxarı Gövhər ağa məscidi və əsas küçələr işıqlandırılıb.

Qeyd edək ki, ötən gün Prezident İlham Əliyev Şuşa şəhərinə səfər edib və çıxışı zamanı şəhərə elektrik enerjisinin verildiyini bildirib.

Xatırladaq ki, 2020-ci il sentyabrın 27-də Müzəffər Ali Baş Komandan İlham Əliyevin rəhbərliyi altında qəhrəman əsgərlərimiz əks-hücum əməliyyatlarına başlayaraq 44 gün ərzində 27 illik işğala son qoyublar. 2020-ci ilin noyabrın 8-də Şuşa şəhəri işğaldan azad edilib.

2
Teqlər:
elektrik enerjisi, "Azərişıq" ASC, Şuşa

Vəzir ailəsinin kəndi görün haldadır: yol var, çay var, adam yoxdur - VİDEO

6
(Yenilənib 14:25 16.01.2021)
Yaşayış məntəqəsi Qarabağ xanları nəslindən olan vəzir və tarixçi Mirzə Camal Cavanşirə (təqr. 1773-1853) məxsus ailələrin məskunlaşması nəticəsində yaranıb və onun adı ilə adlanıb

BAKI, 16 yanvar - Sputnik. Füzuli rayonunun Mirzəcamallı kəndindən videogörüntülər yayılıb. Sputnik Azərbaycan Müdafiə Nazirliyinə istinadən görüntüləri təqdim edir.

Yaşayış məntəqəsi Qarabağ xanları nəslindən olan vəzir və tarixçi Mirzə Camal Cavanşirə (təqr. 1773-1853) məxsus ailələrin məskunlaşması nəticəsində yaranıb və onun adı ilə adlanıb. XVIII əsrdə Türkman, XIX əsrdə Tərəkəmə adlanıb. 1842-ci ildən bəri Mirzə Camal bəy Məhəmmədxan bəy оğlu Hacılı-Cavanşirin adıyla bağlıdır. Kənd Köndələnçayın sahilində, dağətəyi ərazidədir.

Xatırladaq ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Düşmən tərəfindən yaşayış məntəqələrinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüblər.

Azərbaycan Ordusu əks-hücum əməliyyatı başlayandan sonra 44 gün ərzində Qarabağımız düşmən tapdağından azad olunub. Füzuli şəhəri oktyabrın 17-də, bütövlükdə rayon isə noyabrın 7-dək erməni işğalçılarından təmizlənib.

6
Teqlər:
video, işğaldan azad edilmiş ərazilər, kənd, Azərbaycan, Qarabağ, Füzuli