MN: Ermənistana məxsus taktiki PUA Tovuz üzərində məhv edildi

75
(Yenilənib 14:51 17.10.2020)
Düşmənin növbəti PUA-sı Hava Hücumundan müdafiə bölmələrimiz tərəfindən dərhal aşkar olunaraq məhv edilib

BAKI, 17 oktyabr — Sputnik. Oktyabrın 17-si gündüz saatlarında Ermənistan silahlı qüvvələrinin bölmələri taktiki pilotsuz uçuş aparatı (PUA) vasitəsilə Ermənistan-Azərbaycan dövlət sərhədinin Tovuz rayonu istiqamətindəki mövqelərimiz üzərində uçuşlar keçirməyə cəhd göstərib.

Bu barədə Sputnik Azərbaycan-a Azərbaycan Müdafiə Nazirliyinin Mətbuat Xidmətindən məlumat verilib.

"Düşmənin növbəti PUA-sı Hava Hücumundan müdafiə bölmələrimiz tərəfindən dərhal aşkar olunaraq məhv edilib", - məlumatda bildirilib

75
Mövzu:
Azərbaycan və Ermənistan arasında müharibə (1184)
Əlaqədar
Ordumuz erməni silahlı qüvvələrinin xeyli sayda canlı qüvvəsini məhv edib - VİDEO
Ermənistan ordusunun Su-25 təyyarəsi məhv edilib
Prezidentin xalqa müraciəti: "Ermənistana qaçaq yollarla silahlar, texnika göndərilir"
Ermənistana məxsus S-300 zenit-raket kompleksi belə məhv edildi - VİDEO
MN: Ermənistanın xeyli sayda canlı qüvvəsi və hərbi texnikası məhv edilib - VİDEO

Rusiya Müdafiə Nazirliyi: Sülhməramlılar Qarabağda təlimlər keçirirlər - VİDEO

26
(Yenilənib 11:43 25.01.2021)
Rusiya sülhməramlıları müşahidə postlarını "Blokpost" fortifikasiya istehkamları ilə təchiz ediblər.

BAKI, 25 yanvar — Sputnik. Azərbaycanın Dağlıq Qarabağ bölgəsinə yerləşdirilən Rusiya sülhməramlıları ərazidəki müdafiə-müşahidə məntəqələrində müntəzəm olaraq antiterror təlimlər keçirirlər. Sputnik Azərbaycan xəbər verir ki, bu barədə Rusiya Müdafiə Nazirliyinin yaydığı məlumatda bildirilir.

Məlumatda bildirilir ki, Rusiya sülhməramlıları müşahidə postlarını "Blokpost" fortifikasiya istehkamları ilə təchiz ediblər. Bu istehkam qurğuları hərbçiləri atıcı silahlar və qəlpələrdən qorumaq, həmçinin yaxınlıqdakı ərazini dairəvi müşahidə etmək imkanı verir", - deyə Rusiya Müdafiə Nazirliyinin məlumatında bildirilir.

Qeyd olunur ki, postun iki yeni infrastrukturu iki yaşayış modulundan, yemək hazırlamaq üçün blok moduldan, eyni zamanda daimi elektrik enerjisi verən nəqliyyat və texnoloji moduldan ibarətdir. Bütün modullar məişət texnikası, elektrik cihazları, istilik və kondisioner sistemləri ilə təchiz olunub.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

26
Teqlər:
video, təlim, sülhməramlılar, rus, Azərbaycan, Qarabağ
Avtomat və güllələlər, arxiv şəkli

Əsir götürülmüş azərbaycanlılarla bağlı hesabat hazırlandı

17
(Yenilənib 10:40 25.01.2021)
Hesabatın hazırlanması zamanı həmin əsir və girovların ifadələri, sosial şəbəkələrdə yayılmış materiallar və əldə edilmiş digər faktlardan istifadə edilib

BAKI, 25 yanvar — Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva müvafiq beynəlxalq təşkilatlara 27 sentyabr 2020-ci il tarixindən başlayan hərbi əməliyyatlar zamanı Ermənistan tərəfindən əsir götürülmüş Azərbaycan Silahlı Qüvvələrinin hərbi qulluqçuları, həmçinin 2014-cü ildən Ermənistan tərəfindən girovluqda saxlanılan azərbaycanlı mülki şəxslərlə rəftara dair hesabat ünvanlayıb.

Ombudsman Aparatından Sputnik Azərbaycan-a verilən məlumata görə, hesabatda bildirilib: "Məlum olduğu kimi, Ermənistan və Azərbaycan arasında dekabrın 14-dən başlayaraq hərbi əsir, eyni zamanda girovların dəyişdirilməsi prosesi başlanıb. Ombudsman Səbinə Əliyevanın geri qaytarılan hərbi əsir və girovlarımıza baş çəkərkən apardığı fərdi söhbətlər zamanı onlar Ermənistanda məruz qaldıqları işgəncə və qeyri-insani rəftar halları barədə məlumat veriblər. Hesabatın hazırlanması zamanı həmin əsir və girovların ifadələri, sosial şəbəkələrdə yayılmış materiallar və əldə edilmiş digər faktlardan istifadə edilib".

Hesabatda Ermənistan tərəfindən əsirlik və girovluqda saxlandıqları müddət ərzində azərbaycanlılara qarşı işgəncə və digər qəddar, qeyri-insani və ləyaqəti alçaldan rəftar halları sübutlarla təqdim olunub. Eyni zamanda, Azərbaycanda saxlanılan erməni hərbi əsirlərə qarşı münasibət və onların hüquqlarının təmini vəziyyətinin Azərbaycan Ombudsmanı tərəfindən monitorinq edildiyi də diqqətə çatdırılıb. Yekunda Ermənistan hərbi-siyasi rəhbərliyinin beynəlxalq humanitar hüquq normaları, xüsusən Cenevrə Konvensiyalarının müddəalarını kobud şəkildə pozmaqla törətdiyi cinayətlərlə bağlı müvafiq beynəlxalq qurumlara çağırış edilib və təqsirkar şəxslərin məsuliyyətə cəlb olunması tələb olunub. Qeyd olunmalıdır ki, 27 sentyabr 2020-ci il tarixindən başlayaraq Ermənistanın Azərbaycanda mülki əhali və obyektləri hədəfə alan hücumları ilə bağlı Azərbaycan Ombudsmanı tərəfindən beynəlxalq təşkilatlara ümumilikdə 8 hesabat, 8 bəyanat və videomüraciətlər də daxil olmaqla 14 müraciət ünvanlanıb.

17
Teqlər:
hesabat, ombudsman, əsir, girov
Qandal, arxiv şəkli

Astarada "zəncirvari" həbslər

0
Astarada bir neçə gün ərzində iki cinayətkar saxlanılıb. Araşdırma zamanı məlum olub ki, birinci ikincini narkotiklərlə təmin edirmiş

 

Rahim Muradov, Sputnik Azərbaycan

BAKI, 25 yanvar — Sputnik. Astara Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində 4 kiloqramdan artıq narkotik vasitə qanunsuz dövriyyədən çıxarılıb.

Astara Rayon Polis şöbəsinin İstintaq Bölməsinin müstəntiqi Toğrul Əhədzadənin Sputnik Azərbaycan-ın bölgə müxbirinə verdiyi məlumata görə, Astara RPŞ-nin əməkdaşlarının daxil olan məlumat əsasında keçirdikləri əməliyyat tədbirləri nəticəsində Astara şəhər sakini Bəxtiyar Quliyev 9 qramdan artıq narkotik vasitə tiryəki satarkən cinayət başında saxlanılıb: “Onun üzərinə baxış keçirilən zaman üzərindən əlavə olaraq bir büküm heroin aşkarlanaraq götürülüb. Keçirilən əməliyyat tədbirlərinin davamı olaraq B.Quliyevin yaşadığı evə baxış aparılarkən oradan 2 ədəd sellofan bağlamada ümumi çəkisi 4 kiloqram 54 qram tiryək aşkar edilib".

© AR Ministry of Internal Affairs
Bəxtiyar Quliyev

T.Əhədzadə həmçinin qeyd edib ki, B.Quliyevin həmin narkotik vasitəni əldə etdiyi rayon sakini İmran Məmmədov da bir neçə gün əvvəl Astara RPŞ-nin əməkdaşları tərəfindən saxlanılıb. Faktla bağlı araşdırmalar davam etdirilir.

0
Teqlər:
Astara, həbs, narkotacir, narkotik