Moskvada Kremlə mənzərə, arxiv şəkli

Kreml Türkiyənin Qarabağ danışıqlarına qoşulması ideyasını şərh edib

123
(Yenilənib 15:00 14.10.2020)
Bundan əvvəl Türkiyə Prezidentinin mətbuat katibi İbrahim Kalın bəyan edib ki, Ankara Azərbaycan Prezidenti İlham Əliyevin Qarabağ problemi ilə bağlı Bakı, Yerevan, Ankara və Moskvanın iştirakı ilə dördtərəfli danışıqların aparılmasına dair təklifinə etiraz etmir.

BAKI, 14 oktyabr — Sputnik. Rusiya Moskva görüşünün iştirakçılarının danışıqlar formatının dəyişməzliyini təsdiqləməsini əsas götürür.

Sputnik Azərbaycan RİA Novosti-yə istinadən xəbər verir ki, bunu Rusiya Prezidentinin mətbuat katibi Dmitri Peskov Türkiyənin Dağlıq Qarabağla bağlı danışıqlara qoşulması ideyasını şərh edərkən bildirib.

Bundan əvvəl Türkiyə Prezidentinin mətbuat katibi İbrahim Kalın bəyan edib ki, Ankara Azərbaycan Prezidenti İlham Əliyevin Qarabağ problemi ilə bağlı Bakı, Yerevan, Ankara və Moskvanın iştirakı ilə dördtərəfli danışıqların aparılmasına dair təklifinə etiraz etmir.

"Moskva hər şeydən əvvəl bu yaxınlarda üç xarici işlər nazirinin Moskva görüşü zamanı tərəflərin hər üçünün danışıqlar formatının dəyişməzliyi prinsipini təsdiqləməsini əsas götürür", – Peskov jurnalistlərə bildirib.

 

123
Teqlər:
Azərbaycan, Türkiyə, Rusiya, danışıqlar, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
Hacıyev: "Ermənistan silahlı muzdluların istifadəsini qanuniləşdirmək istəyir"
Prezident İlham Əliyev: "Danışıqlar Ermənistan və Azərbaycan arasında aparılacaq
Hikmət Hacıyev: "Ermənistan çalışır ki, üçüncü tərəfləri münaqişəyə cəlb etsin"
Aleksey Çepa: Türkiyəni Qarabağla bağlı danışıqlar prosesindən kənarlaşdırmaq olmaz"
Lavrov Qarabağ barədə: "Təbii ki, siyasi nizamlama mümkündür"

Eyvazov: Heç bir təxribat qələbə əzmimizə zəfər yolumuza mane ola bilməz

1
Humanitar atəşkəs rejimini kobud şəkildə pozaraq şəhər və rayonlarımıza atəş açan Ermənistan ordusunun qüvvələri Ordumuz tərəfindən darmadağın edilib.

BAKI, 28 oktyabr — Sputnik. "Düşmən bilməlidir ki, Azərbaycanda dövlət-xalq-ordu birliyi sarsılmazdır. Heç bir təxribat qələbə əzmimizə və zəfər yolumuza mane ola bilməz".

Sputnik Azərbaycan xəbər verir ki, bunu Azərbaycan Müdafiə Nazirliyinin mətbuat katibi, polkovnik-leytenant Anar Eyvazov keçirdiyi brifinqdə deyib.

"Humanitar atəşkəs rejimini kobud şəkildə pozaraq şəhər və rayonlarımıza atəş açan düşmənin qüvvə vasitələri Ordumuz tərəfindən darmadağın edilib. Qələbə bizimlədir", - o bəyan edib.

1
Mövzu:
Azərbaycan və Ermənistan arasında müharibə
Elnur Hüseynov, arxiv şəkli

"Eurovision" ulduzlarından Gəncə terroru barədə klip

8
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

8
Mövzu:
Azərbaycan və Ermənistan arasında müharibə