Əsgərlərə göndərilən bağlamalar

Bir xoş söz yetər - Əsgərlərə dəstək göstərmək üçün möhtəşəm layihə

290
(Yenilənib 11:45 19.10.2020)
"Göndərdiyimiz bu bağlamaların üzərinə də yeni yaratdığımız qrupda paylaşılan məktubları çap edərək yollamaq istəyirik. Artıq məktubların çap edilməsinə başlamışıq və bundan sonrakı bağlamalar məktublu şəkildə əsgərlərə gödəriləcək" - Vəfadar Babayev

Nigar İsgəndərova, Sputnik Azərbaycan

BAKI, 9 oktyabr — Sputnik. Azərbaycanda martdan etibarən pandemiya rejiminin elan edilməsi ən çətin günlərdə insanların necə bir-birilə həmrəy olduğunu bir daha göstərdi. Pandemiya ən əsas da insanlara yardımlaşmaq ənənələrini bir daha xatırlatdı. Lakin son günlərdə cəbhə xəttində baş verən hadisələr, gərginliyin artması fonunda, demək olar ki, pandemiya yaddan çıxıb. Hər kəs qələbə xəbəri ümidi ilə xəbərləri mütəmadi olaraq yeniləyir.

© Photo : Orxan Azim
Əsgərlərə göndərilən bağlamalar

Bu günlərdə həmrəyliyə, dəstəyə böyük ehtiyac olduğu göz qabağındadır. Sosial şəbəkələrdə yardımlaşmaq məqsədilə yaradılan qruplar isə kömək və dəstək olmaq üçün böyük bir imkan qazandırır. Vəfadar Babayev də bu cür möhtəşəm layihələri reallaşdırmağı üzərinə götürüb. Pandemiya dövründə "Evdar Kişilər Klubu"nu yaradan V.Babayev son baş verən hadisələrlə əlaqədar olaraq qrupun adını dəyişərək "Kişilər Klubu" qoyub. O, əsgərlərə yardım üçün daha bir möhtəşəm layihənin rəhbəridir.

Vəfadar Babayev

Qruplar haqda V.Babayev özü Sputnik Azərbaycan-a ətraflı danışır: "Azərbaycan Memarlıq və İnşaat Universitetinin "Biznesin idarəedilməsi" fakültəsində təhsil almışam, hazırda isə "Gəncliyə Yardım" Fondunda çalışıram".

V.Babayev ən həssas dönəmlərdə də sosial şəbəkələr vasitəsilə insanlara yardımçı olmağa çalışır.

© Photo : Orxan Azim
Əsgərlərə göndərilən bağlamalar

V.Babayevin sosial şəbəkələrdə hər kəsin bu gün yaxşı tanıdığı "Evdar Kişilər Klubu"nu yaratmaqda məqsədi pandemiya dövründə müəyyən yardımlar göstərmək olub: "Pandemiya dövrü idi, kişilərin də bir qismi evdə oturmuşdu. Qrup yarandıqda müəyyən zarafatlar edilirdi, kişilər evdə oturaraq hansı işlə məşğul olduqları haqda paylaşımlar edirdilər. Hər kəs özünün yemək bişirmək, ev işləri, təmizliklə bağlı qabiliyyətlərini göstərməyə çalışırdı. Sonrakı mərhələdə qrupdakı vəziyyət bir qədər ciddiləşdi".

"Qrup üzvlərimizdən təkliflər gəldi ki, bəs işsiz qalanlara yardım edək. Beləcə, yardım aksiyalarına başladıq. Aksiyalara başladıqdan sonra üzvlərimiz özləri könüllü olaraq öz şəxsi avtomobilləri ilə yardımlar təşkil etdilər. Beləcə, pandemiya vaxtı təxminən 2 min 500 ailəyə ərzaq yardımı oldu. Bizim klub eyni zamanda da bir şəhid ailəsinin evinin tikilməsinə səbəb oldu. Klub üzvlərimiz həm fəhlə kimi işlədi, həm maddi dəstək göstərdi, həm də ev əşyalarının alınmasında yardımçı oldular", - deyə həmsöhbətimiz əlavə edib.

© Photo : Orxan Azim
Əsgərlərə göndərilən bağlamalar

46 mindən artıq üzvü olan klubun adı bir neçə gün öncə dəyişilib: "Taleh Yüzbəyovun təklifi ilə oktyabrın 1-də qrupun adını dəyişərək "Kişilər Klubu" qoyduq. Çünki hər gün onlarla kişi qrupda sağollaşaraq cəbhəyə yola düşür".

Həmsöhbətimiz həmçinin "Əsgərə Şanlı Məktub" qrupunun da yaradıcısıdır: "Bildiyiniz kimi, hər gün əsgərlərə lazım olan müəyyən aksesuarlar, vasitələr göndəririk. Göndərdiyimiz bu bağlamaların üzərinə də yeni yaratdığımız qrupda paylaşılan məktubları çap edərək yollamaq istəyirik. Artıq məktubların çap edilməsinə başlamışıq və bundan sonrakı bağlamalar məktublu şəkildə əsgərlərə gödəriləcək. Qeyd edim ki, artıq ilk gündə bu qrupa əsgərlər üçün xanımlar və kişilər tərəfindən onlarla şanlı məktub gəlib. Qrupumuzda böyük ruh yüksəkliyi var. Bu qrupun da yaradılmasında məqsəd əsgərlərimizə mənəvi dəstək olmaqdır".

  • Əsgərlərə göndərilən bağlamalar
    © Photo : Orxan Azim
  • Əsgərlərə göndərilən bağlamalar
    © Photo : Orxan Azim
  • Əsgərlərə göndərilən bağlamalar
    © Photo : Orxan Azim
  • Əsgərlərə göndərilən bağlamalar
    © Photo : Orxan Azim
  • Layihə iştirkaçıları
    © Photo : Orxan Azim
1 / 5
© Photo : Orxan Azim
Əsgərlərə göndərilən bağlamalar

"Bu gün qrupumuzun üzvləri olan yüzlərlə kişi təkər yükləməkdən tutmuş arxa cəbhədə müəyyən işlərlə məşğul olur. Eyni zamanda da yüzlərlə vətəndaş əsgərlərə lazım olan paylar gətirir", - deyə o əlavə edir.

V.Babayev deyir ki, son üç gündə xaricdə, Almaniyada, Böyük Britaniyada yaşayan yerli vətəndaşlarımız da dəstək olmağa çalışır, müəyyən maddi vəsait yollayırlar: "Vəsaitlə yanaşı, əsgərlərə pambıq, bint, spirt, corab, isti papaqlar və s. göndərilir. Beləcə, hər gün 3-5 maşın cəbhəyə yardım göndəririk".

290
Teqlər:
əsgər, Məktub, dəstək, yardım, klub, sosial şəbəkələr, arxa cəbhə, ön cəbhə, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə (1190)
Əlaqədar
Pensiyasını orduya bağışlayan Hikmət baba: "İndi ayaqqabı almağın vaxtı deyil..."
"Qarabağda müharibənin sonunadək hər əsgərə bir bağlama" - rusiyalı biznesmendən aksiya
Dəmiryolçulardan Azərbaycan Ordusuna dəstək gəldi
Həm ön, həm arxa cəbhədə birlik - hər kəs yardıma tələsir
Qızıldan qiymətli hədiyyə: lənkəranlı usta Qarabağı əl işləriylə bəzəmək istəyir - FOTO
Avropa İttifaqının bayrağı (Aİ), arxiv şəkli

Avropa İttifaqının canfəşanlığı: ikili standartlar keçmişdə qaldı?

114
(Yenilənib 17:33 16.04.2021)
Azərbaycan beynəlxalq səviyyədə tanınan sərhədlərinin Ermənistan tərəfindən də tanınmasını, bu ölkənin reallıqları qəbul edərək Azərbaycanla münasibətlərdə normal yanaşma sərgiləməsini gözləyir.

Elvin Səlimov, Sputnik Azərbaycan

BAKI, 16 aprel — Sputnik. Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Toivo Klaar "Twitter" hesabındakı paylaşımda Ermənistanla Azərbaycan arasında əməkdaşlıq üçün etimadın formalaşmalı olduğunu yazıb. Aİ-nin xüsusi nümayəndəsi tərəflər arasında inam və etimadın formalaşmasının vacib olduğunu qeyd edib.

Bəs Aİ Azərbaycan və Ermənistan arasında etimadın qurulması üçün hansı işləri görə bilər? Sputnik Azərbaycan Aİ-nin post-müharibə dövründəki rolu ilə bağlı Milli Məclisin deputatı Ramil Həsənin və politoloq Tofiq Abbasovun fikirlərini öyrənib.

Milli Məclisin deputatı Ramil Həsən bildirib ki, Azərbaycan və Aİ arasında milli maraqlarımıza və beynəlxalq hüquqa söykənən əməkdaşlıq platforması mövcuddur:

“Bizim münasibətlərimiz müxtəlif sahələrdə əməkdaşlıqların qurulması ilə davam etdirilir. Eyni zamanda ikitərəfli münasibətlərimizdə təzadlı yanaşmalar və ikili standartların ortaya çıxdığı məqamlar olub. Avropa İttifaqı Azərbaycan torpaqlarının işğalda olduğu dövrdə və 44 günlük Vətən müharibəsində konkret mövqe sərgiləməyib. Biz ölkəmizə yanaşmada ikili standartlar və qərəzli yanaşmalara şahid olmuşuq.

Azərbaycan beynəlxalq səviyyədə tanınan sərhədlərinin Ermənistan tərəfindən də tanınmasını, bu ölkənin reallıqları qəbul edərək Azərbaycanla münasibətlərdə normal yanaşma sərgiləməsini gözləyir. Azərbaycan Ermənistanla sülh müqaviləsi imzalamağa hazırdır. Amma gəlin baxaq görək Ermənistan buna hazırdırmı?! Azərbaycan bölgənin bütün ölkələri ilə sülh və əməkdaşlıq şəraitində mehriban qonşuluq siyasəti yürüdür. Azərbaycanın bu münasibəti qarşılığında Ermənistan tərəfindən sərsəm bəyanatlar verilməkdədir. Bu isə Ermənistan tərəfinin etimada söykənən əməkdaşlığa hazır olmadığını və problemlərin günahkarının bu ölkə olduğunu göstərməkdədir. Əgər normal münasibətlərin qurulmasını arzu edirlərsə, üzlərini Ermənistana tutsunlar və bunu onlardan tələb etsinlər”.

Politoloq Tofiq Abbasov isə deyib ki, münaqişənin davam etdiyi müddətdə və bu günə qədər Avropa İttifaqının oynadığı rol səmərəsizdir: “Bu qurum illərdir gəlişigözəl ifadələrlə Azərbaycanı yola gətirməyə çalışırdı. Uzun illərdir deyirdilər ki, sərhədlərin dəyişilməsi məqbuldur, siz onsuz da Avropa İttifaqının üzvü olacaqsınız. Belə yanaşma həm yanlış, həm də təhlükəli idi. Çünki Avropa İttifaqının rəsmiləri bununla Ermənistanın işğalçı siyasətini qidalandırırdılar. Buna görə də belə bir müstəvidə sağlam əməkdaşlıq qurula bilməzdi. Əgər Aİ sülhün və əməkdaşlığın qurulmasını istəyirsə, ilk növbədə Ermənistanla işləməli, lazım gələrsə, bu ölkəyə təzyiq mexanizmlərini işə salmalıdır. Biz post-müharibə dövrünü yaşayırıq və görürük ki, Ermənistan daxilindəki siyasi qüvvələr və qruplar Azərbaycana qarşı təxribatlarını qüvvədə saxlayırlar. Belə bir şəraitdə hansısa etimaddan danışmaq olmaz. Müharibə bitib, amma məğlub ölkə tərəfindən təxribatlar başa çatmır. Əminəm ki, Ermənistan tərəfindəki revanşist meyillər, təxribat planları Aİ-nin nümayəndələrinə də bəllidir. Amma onlar özlərini elə göstərirlər ki, sanki bütün bunlardan xəbərsizdirlər”.

“Əgər sülhə hazırlıqdan danışırıqsa, Aİ Ermənistana real situasiyanı anlatmalı və status-kvonun dəyişdiyini izah etməlidir. Ermənistan da anlamalıdır ki, hazırkı status-kvo bir daha onların xeyrinə dəyişilməyəcək. Heç bir havadar qüvvə bu vəziyyəti onların xeyrinə dəyişə bilməyəcək. Çünki Azərbaycan haqq işini başa çatdıraraq, torpaqların gerçək sahibinin özü olduğunu bütün dünyaya göstərdi.

Əgər bizim etimadımızı qazanmaq istəyirlərsə, mina xəritələrini Azərbaycana təqdim etsinlər. Bunu etsələr, əməli işlərə başlamaq üçün mühit yaranmış olacaq. Bu olmasa, hansısa sülhdən, ona hazırlıqdan söhbət gedə bilməz”, – deyə T.Abbasov bildirib.

114
Teqlər:
ikili standartlar, münasibətlər, münasibət, Ermənistan, Azərbaycan, Avropa İttifaqı
Səbuhi Hüseynlinin dəfni

Yeddi ay komada qalan şəhidimiz bu gün dəfn olunub - FOTO

174
(Yenilənib 16:14 16.04.2021)
Səbuhi Hüseynli oktyabrın 26-da Xocavənddə aldığı qəlpə yarasından baş beyninin zədələnməsi səbəbindən Silahlı Qüvvələrin Baş Kliniki Hospitalında və Neyrocərrahiyyə Xəstəxanasında müalicə olunurdu.

Leyla Abdullayeva, Sputnik Azərbaycan

BAKI, 16 aprel — Sputnik. Dünən Azərbaycan Ordusunun müddətdən artıq hərbi qulluqçusu, 24 yaşlı şəhid  Səbuhi Babək oğlu Hüseynli 7 ay komada qalıb və dünən şəhadətə yüksəlib. Sputnik Azərbaycan-ın verdiyi məlumata görə, bu gün şəhidimiz Xaçmazın Maqsudkənd kəndində torpağa tapşırılıb. S.Hüseynli Vətən müharibəsində gedən döyüşlərdə kəşfiyyat qrupunun üzvü kimi iştirak edib. O, oktyabrın 26-da Xocavənddə aldığı qəlpə yarasından baş beyninin zədələnməsi səbəbindən Silahlı Qüvvələrin Baş Kliniki Hospitalında və Neyrocərrahiyyə Xəstəxanasında müalicə olunurdu. Həkimlərin səyinə baxmayaraq onun həyatını xilas etmək mümkün olmayıb.

Şəhidimizin dəfnində Xaçmaz rayon ictimaiyyətinin nümayəndələri, yerli İcra Hakimiyyəti, hüquq-mühafizə orqanlarının, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəhbərləri, qulluq etdiyi MN-in Qusardakı hərbi hissəsinin əməkdaşları, kənd sakinləri iştirak ediblər. Xaçmaz İH başçısı Elnur Rzayev şəhidin doğmalarına dərin hüznlə başsağlığı verib, dərdlərinə şərik olub. O, şəhidin cənazəsinə bükülmüş üçrəngli bayrağımızı şəhidin iki yaşlı oğluna təqdim edib.

  • Səbuhi Hüseynlinin dəfni
    © Sputnik / Leyla Abdullayeva
  • Səbuhi Hüseynlinin dəfni
    © Sputnik / Leyla Abdullayeva
  • Səbuhi Hüseynlinin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Səbuhi Hüseynlinin dəfni

Daha sonra rayon rəhbəri Səbuhinin döyüşlərdə göstərdiyi şücaətlərdən danışaraq onun Qarabağ uğrunda gedən müharibədə fəal iştirak etdiyini, qəhrəmancasına şəhidlik zirvəsinə yüksəldiyini bildirib.

Onu da qeyd edək ki, şəhidimiz Səbuhi Hüseynli 2020-ci ilin aprelindən Qusardakı hərbi hissədə MAXE işləyib. Vətən müharibəsi başlayanda şəxsi heyətlə birgə cəbhəyə gedib və qəhrəmanlıqla vuruşub.

Şəhidimiz ailəli olub və bir oğul övladı var.

Allah rəhmət eləsin!

174
Teqlər:
Xaçmaz, koma, dəfn, şəhid
Raul Kastro

Raul Kastro istefa verib

0
(Yenilənib 23:38 16.04.2021)
Ordu generalı, ölkə rəhbərliyini bir qrup təlim keçmiş, inqilaba sadiq olan liderə təhvil verməkdən məmnun olduğunu söyləyib.

BAKI, 16 aprel - Sputnik. Raul Kastro Kuba Kommunist Partiyası Mərkəzi Komitəsinin birinci katibi vəzifəsindən istefa verib.

Sputnik Azərbaycan Report-a istinadla xəbər verir ki, bu barədə Kuba Kommunist Partiyasının mətbu orqanı “Granma” qəzeti məlumat yayıb.

“Ordu generalı, ölkə rəhbərliyini bir qrup təlim keçmiş, inqilaba sadiq olan liderə təhvil verməkdən məmnun olduğunu söyləyib”, - xəbərdə deyilir.

Raul Kastro 1959-2008-ci illərdə Kubanın lideri olmuş Fidel Kastronun qardaşı və silahdaşı olub.

0
Teqlər:
Kuba, Fidel Kastro, Raul Kastro