Türkiyə Silahlı Qüvvələrin Baş Qərargah rəisi Hulusi Akar, 16 iyul 2016-cı il

Hulusi Akar: "Ermənistan həddini aşdı, bizimsə daha 30 il gözləməyə səbrimiz yoxdur"

285
(Yenilənib 16:14 08.10.2020)
Türkiyənin Milli Müdafiə naziri: "Ermənistan Azərbaycanın ikinci böyük şəhəri olan Gəncəni, oradakı mülki əhalini atəşə tutmaqla bütün sərhədləri aşıb".

BAKI, 8 oktyabr — Sputnik. Türkiyənin Milli Müdafiə naziri Hulusi Akar dünyada sülh və sabitlik yaratmaq uğrunda mübarizə aparan qurumların Dağlıq Qarabağ münaqişəsinə yanaşmasını ikiüzlülük kimi qiymətləndirib.

Sputnik Azərbaycan-ın Anadolu Agentliyinə istinadən verdiyi məlumata görə, Akar sözügedən qurumların Ermənistan silahlı qüvvələrinin Azərbaycanın mülki şəxslərinə qarşı hücumları qarşısında susmalarını sərt sözlərlə tənqid edib: "Xocalıda uşaq, qadın, yaşlı demədən o qədər insanı vəhşicəsinə qətlə yetirən erməni vandallarının bu hərəkətinə, Azərbaycanın torpaqlarının 20 faizini işğal etməsinə göz yuman həmin qurumlar indi tərəfləri atəşkəsə çağırmaqdansa, işğalçıların Qarabağdan çıxmasını təmin etsələr, daha doğru addım atmış olarlar. Bu təşkilatların Azərbaycanın bütün diplomatik səylərinə baxmayaraq Ermənistanın mülki şəxsləri hədəf alması qarşısında susmaları ikiüzlülükdən başqa bir şey deyil".

H.Akarın sözlərinə görə, Ermənistan Azərbaycanın ikinci böyük şəhəri olan Gəncəni, oradakı mülki əhalini atəşə tutmaqla bütün sərhədləri aşıb: "Ermənistan artıq müharibənin bütün qayda-qanunlarını pozub. Bunu bütün dünya ictimaiyyətinə çatdırmaq lazımdır. Azərbaycan bu vəhşiliyin qarşısında susa bilməzdi və susmadı. Bizim bundan sonra 30 il də gözləməyə səbrimiz yoxdur".

285
Əlaqədar
Hülusi Akar Türkiyənin B və C planlarından danışdı
Akar: "Azərbaycanla Türkiyə hər cür təhdid və təhlükəyə qarşı həmişə bir yerdə olacaq"
Hulusi Akar: "Ermənistan muzdlu hərbçiləri, terrorçuları geri göndərməlidir"
Hülusi Akar: “Dünən də Azərbaycanın yanındaydıq, bu gün varıq, sabah da olacağıq”
“Professor Gül” gəmi-bərəsi, arxiv şəkli

Bakı limanında gəmilər sevinc fiti verdilər

3
Bakı portundakı gəmilər Zəngilanın Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

BAKI, 20 oktyabr — Sputnik. Bakı portundakı gəmilər Zəngilan şəhəri və digər yaşayış məntəqələrimizin Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

Bu barədə Sputnik Azərbaycan-a hadisənin şahidi olan sosial şəbəkə istifadəçiləri məlumat veriblər.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

3
Əlaqədar
İyirmi yeddi ildən sonra gələn azadlığın adı - Zəngilan
İşğaldan azad edilmiş Zəngilan şəhərində Azərbaycan bayrağı dalğalanır - VİDEO
Ali Baş Komandan: Zəngilan bizimdir!
(1:22 / 8.24Mb / просмотров видео: 6)

“Ölməyə hazıram, təki torpaqlar qayıtsın”: Ağdamda mərmi yağışı davam edir video

3
(Yenilənib 18:15 20.10.2020)
Ermənistan Silahlı Qüvvələri Ağdam rayonunu durmadan ağır artilleriyadan atəşə tutmağa davam edir. Paşabəyli kəndində 23 yaşlı qadın evinə qayıdarkən xəsarət alıb. Daha ətraflı – videomuzda.

Ağdamın Paşabəyli kənd sakinləri mərmi səslərinə artıq alışıblar. Amma buna baxmayaraq, onlar təsərrüfat işləri ilə məşğul olmağa, sahələrində işləməyə davam edirlər. Bəlkə, məhz bu, onların həyatlarını qurtarmağa kömək edib. Belə ki, mərmi kənd sakini İlqar Məmmədovun evinə düşdüyü anda bütün ailə sahədə çalışırmış.

Daha bir mərmi dirəyə dəyərək partlayıb. Sahədən qayıdan 23 yaşlı Çiçək Məhyəddinli xəsarət alıb. O, dərhal Ağdam MRX-ya çatdırılıb, qəlpələri çıxarılıb. Həkimlər onun vəziyyətinin kafi olduğunu deyiblər.

Atılan mərmilərdən Bənövşələr qəsəbəsində də 3 nəfər mülki şəxs xəsarət alıb.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

© Sputnik / Leyla Orujova / Ibrahim Həşimov

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

© Sputnik / Leyla Orujova / Ibrahim Həşimov

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

3