Əllərində Azərbaycan və Türkiyə bayraqları olan kişilər

Qardaş ölkənin dəstəyi davam edir - "İki dövlət, bir millət" təkcə şüar deyil"

266
(Yenilənib 18:10 07.10.2020)
Türk vətəndaşı: "Azərbaycanın işğal altında olan torpaqları uğrunda yürütdüyü haqlı mübarizədə biz də yanındayıq"

Şahpəri Abbasova, Sputnik Azərbaycan

BAKI, 7 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl şəhəri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına "bürünüb".

Türkiyənin müxtəlif bölgələrində yaşayan insanlar Azərbaycana dəstəklə bağlı fikirlərini Sputnik Azərbaycan-a danışıblar. 57 yaşlı Mehmet Mustafa Özdoğan Ankarada yaşayır. Deyir ki, hər an Azərbaycan Ordusunda vuruşmağa hazırdır: "Xüsusi təyinatlı polisəm. Qardaş ölkəmdə gedən döyüşlərdə könüllü olaraq savaşmaq istəyirəm. Azərbaycanın işğal altında olan torpaqları uğrunda yürütdüyü haqlı mübarizədə biz də yanındayıq. Ehtiyac olarsa, vuruşmağa hazıram".

Türkiyənin Nazilli bölgəsində yaşayan Sərvət Uğur deyir ki, "biz bütün varlığımızla Azərbaycan türklərinin yanındayıq: "Qardaş Azərbaycanın öz torpaqlarında erməni işğalına kor və kar qalan dünyaya türkün dastanını yazdırmaq üçün, varlığımı türk varlığına ərməğan etmək üçün dövlətimizdən əmr istəyirik. Rəbbim Qarabağ səmalarına Azərbaycan bayrağını sancan əsgərlərdən biri eləsin məni. "İki dövlət, bir millət" təkcə şüar deyil. Biz bütün varlığımızla Azərbaycan türklərinin yanındayıq. Nazillidə bələdiyyəmizin yaratdığı Qarabağ parkının açılışında Qənirə Paşayevanın dünyaya hayqırtısını hələ də unutmamışam. Bu gün də biz hayqırırıq - bu can Qarabağa fəda olsun!"

Daha bir Nazilli sakini Barış Irqat da hisslərini bizimlə bölüşüb: "Hər an qardaş Azərbaycanın yanındayıq. Ağlımız, fikrimiz sizin yanınızdadır. Əmr olunsa, gələcəyik. Türkiyənin digər bölgələrində olduğu kimi, bizdə də Azərbaycan bayraqları hər tərəfi bəzəyib. Qafqaz dağlarında açan çiçəklərlə İzmirin dağlarında açan çiçəklər birdir. Bütün dostlarımı evlərində, iş yerlərində şanlı türk bayrağını - Azərbaycan bayrağını asmağa dəvət eləmişəm.

Uğur Terin babası Kamal bəy əslən azərbaycanlıdır. Dediyinə görə, son günlər ordumuzun əldə etdiyi qələbələr babasını hədsiz sevindirib: "Mənim babam irəvanlıdır. 15 yaşında olanda məcburən öz torpaqlarından çıxardılıblar. Hazırda İzmirdə yaşayır. Bütün günü Azərbaycan televiziyasına baxır. Babam Yerevandan gələndə özü ilə buxara papaq gətirib. Başından çıxarmır. Deyir, azərbaycanlılar üçün çox dəyərlidir papaq. Babam ümidlə Qarabağın azad olunacağı günü gözləyir".

"Qarabağın azad olacağına əvvəllər inanmırdım. Amma bu hadisələrdən sonra inam gəlib. İyul ayında mən də könüllü gəlmək istədim. Amma düşünürəm ki, Azərbaycan Ordusunun heç kimə, heç nəyə ehtiyacı yoxdur".

Antalyada yaşayan həmyerlimiz Günel Mirzəyeva da yaşadığı şəhərdəki ab-havadan danışıb: "Olduqca böyük coşqu var. Dünən Antalyada "Səninləyik, Azərbaycan" adlı mitinq baş tutdu. Yaşından, cinsindən aslı olmayaraq hər kəs döyüşməyə hazırdır. Ehtiyac olsa, döyüşə gedərlər. Amma ordumuzun ehtiyacı yoxdur. Antalyanın dörd bir yanı Azərbaycan və Türkiyə bayraqlarına bürünüb".

"Tovuz hadisələrində Antalyada və digər şəhərlərdə mitinqlər təşkil olundu, əksəriyyətində mən də iştirak etdim. Havanın həddindən artıq isti olmasına rəğmən yürüşü dayandırmırdılar. Çox şükür ki, biz bu tarixi anlara şahidlik edirik".

266
Teqlər:
dəstək, Türkiyә, Azərbaycan, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə (751)
Əlaqədar
Ukrayna XİN rəhbəri: "Hər zaman Azərbaycanı dəstəkləyirik, əlavə sözə ehtiyac yoxdur"
Türkiyəli deputatlar səfirliyə müraciət etdi: Dəstək üçün Bakıya gəlmək istəyirlər
Bir millət, iki dövlət olduğumuzun əyani sübutu: İstanbul Azərbaycanı necə dəstəklədi
"İndi qardaşlıq zamanıdır!" - İstanbul Bakıya dəstək üçün coşdu
Əfqanıstan Azərbaycanı dəstəklədiyini bəyan etdi
Azərbaycan hərbçiləri, arxiv şəkli

Azərbaycan qarşı tərəfin törətdiyi təxribatlara təmkinlə yanaşaraq adekvat tədbir görür

40
Azərbaycan öz ərazilərinə təhdid təşkil edən istənilən legitim hərbi hədəfləri yerləşdiyi ərazidən asılı olmayaraq məhv etmə hüququna malikdir.

BAKI, 27 oktyabr — Sputnik. Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq yalnız adekvat tədbirlər görür.

Bu barədə Müdafiə Nazirliyi və Dövlət Sərhəd Xidmətinin birgə bəyanatında deyilir.

Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə vəziyyəti məqsədyönlü şəkildə gərginləşdirməklə növbəti təxribatlarına zəmin yaradır.

Ermənistan rəhbərliyi artıq dərk etməli və hesablaşmalıdır ki, bərpa edilmiş dövlət sərhədləri münaqişə zonası deyil və Azərbaycanın tam hüquqlu suveren ərazilərini müəyyən edən beynəlxalq birlik tərəfindən tanınan dövlət sərhədidir. Dövlət sərhədinin toxunulmazlığı təmin edilməlidir. Bu istiqamətdə baş verən istənilən təxribat ərazi bütövlüyümüzə təcavüz kimi dəyərləndirilir.

Bu baxımdan Azərbaycan öz ərazilərinə təhdid təşkil edən istənilən legitim hərbi hədəfləri yerləşdiyi ərazidən asılı olmayaraq məhv etmə hüququna malikdir.

40
Mövzu:
Azərbaycan və Ermənistan arasında müharibə (751)
Tərtər rayonunda erməni qüvvələrinin açdıqları atəşin nəticəsi

Nazirlik: Tərtər şəhəri rayonun kəndləri atəşə tutulur

10
Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

BAKI, 27 oktyabr — Sputnik. Yeni humanitar atəşkəs rejimini kobudcasına pozan Ermənistan silahlı qüvvələri Tərtər şəhəri və rayonun kəndlərini artilleriya atəşinə tutur.

Bu barədə Sputnik Azərbaycan-a Müdafiə Nazirliyinin Mətbuat Xidmətindən məlumat verilib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

10
Mövzu:
Azərbaycan və Ermənistan arasında müharibə (751)
Bakıda maska taxmış şəxs

DİN koronavirusla bağlı əhaliyə müraciət etdi

0
"Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq".

BAKI, 27 oktyabr — Sputnik. Daxili İşlər Nazirliyi (DİN) koronavirus pandemtyası ilə bağlı əhaliyə müraciət edib.

Sputnik Azərbaycan həmin müraciəti təqdim edir:

"Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik".

0