Ambulans maşını

Həkimlərin yaşlı yaşıl yoldaşı: Onu xidmətdən çıxarmırlar, axı bir gün Laçına qayıdacaq...

430
32 yaşlı ambulans - O, doxsanıncı illərin müharibəsində çox istifadə edilsə də, o illərdə güllə zədəsi alsa da, hazırda da xidmətdədir

Nigar İsgəndərova, Sputnik Azərbaycan

BAKI, 5 oktyabr — Sputnik. İnsanlıq tarixinin ən dəhşətli üzü müharibədir. Qorxunc səhnələr, faciələr bir ömür boyu yaddaşlardan silinmir. Bu canlı, qanlı tarixin şahidləri isə yalnız insanlar deyil. 

Laçın Rayon Mərkəzi Xəstəxanasının Təcili və Tibbi Yardım Xidmətinə məxsus, 30 ildən artıq yaşı olan ambulans 2 ildən çox müddətdə müharibədə istifadə edilib, yüzlərlə yaralı və şəhid daşıyıb. Azərbaycanın tanınmış jurnalisti Salatın Əsgərova da şəhid olduqdan sonra məhz bu ambulansla gətirilib.

Laçın Rayon Mərkəzi Xəstəxanasının Təcili Yardım şöbəsinin müdiri Orxan Cəbrayıl Sputnik Azərbaycan-a bu ambulansın tarxiçəsindən danışıb: "Bizim xəstəxana hazırda Ağcabədi rayonunun Taxtakörpü qəsəbəsində yerləşir. 90-cı illərdə müharibəyə göndərilən, şəhid və yaralılarımızı daşıyan həmin ambulans o zamanlar Laçın Təcili Tibbi Yardım Xidmətinin balansında olub. Müharibə vaxtı isə bu ambulans orduya, Laçın alayının balansına verilib. Bu avtomobil müharibədən qayıtdıqdan sonra yenidən xidmət üçün xəstəxanaya qaytarılıb".

© Sputnik
Ambulans maşını

Orxan Cəbrayıl deyir ki, hazırda da işlək vəziyyətdə olan ambulans Daşaltı əməliyyatı zamanı yaralıların çıxardılaraq Bakıya, xəstəxanaya gətirilməsində də iştirak edib. Bundan başqa, 1993-cü ildə Laçının şimalında 40 kəndin azad olunmasında da xidməti olub və yaralıları xəstəxanaya məhz bu ambulansla daşıyıblar: "Müharibə zamanı avtomobilin mühərrikində problem yarandığından sonradan ona başqa bir maşının mühərriki qoyulub və bu səbəbdən ambulans dövlət nömrə nişanı ala bilməyib və əvvəlki nömrə ilə xidmət göstərir. Hazırda avtomobil daxili ərazidə, kənara çıxmamaqla xidmət göstərir. Bizdə iki belə ambulans var. Bu avtomobili də bacardığımız qədər qoruyub saxlamağa çalışırıq. Bu səbəbdən də həmin avtomobili ancaq 5 gündən bir xidmətə çıxarırıq".

O.Cəbrayılın sözlərinə görə, 1988-ci ildən xidmətdə olan avtomobil bu günədək bir dəfə də olsa estetik təmir olunmayıb. Avtomobilin yalnız müharibədə zədə görən hissələri rənglənib.

"Budəfəki döyüşlərdə də bu avtomobilin xidməti nəzərdə tutulurmu?" sualına cavab olaraq isə bildirilib ki, müasir ambulanslar üstünlük təşkil etdiyindən lazım olduqda xidmət üçün onlar göndərilir: "Bizim balansımızda da başqa avtomobillər var, hansı ki, qeydiyyata alınıb və ehtiyac olduqda onlar da ordunun balansına veriləcək. Qeyd edim ki, bu avtomobildə hər hansı nasazlıq yoxdur, tam işlək vəziyyətdədir. Amma onu da vurğulayım ki, zamanla yeni ambulanslar verilib, bundan sonra da veriləcək, lakin biz bu avtomobili xidmətdən çıxartmayacağıq. Çünki avtomobil xidmət göstərmədikdə daha tez sıradan çıxır, yararsız olur".

© Sputnik
Sultan Fətullayev, ambulansın ilk sürücüsü

Söhbət əsnasında öyrənirik ki, müharibə şahidi olan, bəlkə də yüzlərlə canın xilas olmasında aparıcı rol oynayan bu ambulansın ilk sürücüsü Sultan Fətullayev olub. O, həmçinin müharibə illərində də həmin ambulansın yeganə sürücüsü olub. Müharibə illərində 70 yaşı olan və böyük əzmlə tibbi heyətin tərkibində müharibədə iştirak edən S.Fətullayev 1997-ci ildə dünyasını dəyişib. Oğlu Mirheydər Fətullayev elə 1997-ci ildən eyni avtomobili idarə edir və atasından qalan bu yadigarı göz bəbəyi kimi qoruyub saxlayır.

Laçın Rayon Mərkəzi Xəstəxanasının Təcili Yardım Şöbəsinin sürücüsü Mirheydər Fətullayev deyir ki, müharibə gedən vaxtı onun 29 yaşı olub. Müharibədə iştirak edən həmsöhbətimiz deyir ki, 1992-ci il mayın 11-dək bu avtomobil polis batalyonunda olub. 1993-cü ilin sentyabrından avtomobil yenidən onların bazalarına qaytarılıb: "Atam 1933-cü ildə doğulub, o, 1962-1997-ci illərdə Laçın Rayon Mərkəzi Xəstəxanasında sürücü olaraq çalışıb".

Həmin dövrdə Laçın Rayon Təcili Yardım şöbəsinin müdiri Zahid Əhmədov olub. O, müharibə başlayanda könüllü olaraq Laçın alayında zabit, hərbi həkim kimi xidmət göstərib, eyni zamanda da Könüllülər Alayının Tibbi Xidmət rəisi olub. Hazırda Laçın Rayon Mərkəzi Xəstəxanasının baş həkimi olan həmsöhbətimiz Şuşa əməliyyatlarında da yaralılara yaxından köməklik edib: "Bizim təcili yardım briqadasının ambulansları, bəlkə də hər dəfə ən azı 50 reys edib yaralı və dünyasını dəyişənləri xəstəxanaya çatdırıb. Bəlkə də 500-dən çox yaralı və şəhidi oradan götürmüşük. Bu ambulans eyni zamanda Qubadlıya yaralıların daşınması əməliyyatında da iştirak edib. Çünki Laçın vurulduğundan yaralılar Qubadlı xəstəxanasına aparılırdı. Oradan da helikopterlə ağır xəstələr Bakıya çatdırılırdı".

© Sputnik
Zahid Əhmədov

"Laçından Qubadlıya gedən yolun üstündə yerləşən, təzə salınmaqda olan "Qayğı" adlı qəsəbə var idi. Bizim ordumuz həmin qəsəbədə ermənilərin "Timsah" adlanan iki helikopterinin hücumuna məruz qalmışdı. İki ağır yaralı əsgərimiz oldu, həmin yaralılar da bu ambulansla məhz Qubadlıya çatdırıldılar. Hadisələr çoxdur, bəlkə də yüzlərlə belə hadisə baş verib və bu ambulans da həmin o hadisələrə şahidlik edib", - deyə Z.Əhmədov əlavə edib.

O illəri yada saldıqca kövrələn həmsöhbətimiz müharibə illərində 23-24 yaşlarında olub: "Biz Sultan kişi ilə birgə bu ambulansla cəbhə bölgəsinə yollanan jurnalistimiz Salatın Əsgərovanı gətirməyə getmişdik. Onun da olduğu avtomobil vurulmuşdu. Biz oraya çatanda artıq Salatın Əsgərova şəhid olmuşdu".

© Sputnik
Zahid Əhmədov (sağda)

Füzuli, Ağdərə, Qubadlı, Zəngilan, Cəbrayıl istiqamətində gedən döyüşlərdə də yaxından iştirak edən həmsöhbətimiz müharibəyə yollanmaq üçün könüllü olaraq müraciət edib və əmr gözləyir: "Yaşım 56 olsa da, yenə də döyüşlərə getməyə hazıram və müraciət etmişəm, çağırılsam, gedəcəyəm. Qardaşlarım, qardaş balalarım orada döyüşür, mən isə burada oturmuşam, sümüklərim sızıldayır".

430
Teqlər:
Ağcabədi, Qubadlı, maşın, təcili yardım, ambulans, Laçın, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
O qürurlu an: əsgərimiz Azərbaycan bayrağını azad edilmiş Suqovuşana sancır - VİDEO
Qarabağlı köçkün: "Anam yuxuma girdi, dedi ki, oktyabrda Füzuliyə qayıdacaqsız"
Kəndləri işğaldan azad olmuş tanınmışlar - "27 ildir ki, ürəyimdə bir arzum var..."
İşğaldan azad edilmiş ərazilərimizdən yeni VİDEO
Sakinlər: "Bizim Cocuq Mərcanlını yenidən tərk etmək fikrimiz yoxdur"
General Hikmət Həsənov: "Hədəfimiz ərazi bütövlüyümüzün tam bərpa olunmasıdır"
Azərbaycan Respublikasının Xarici İşlər Nazirliyi

Rusiyalı diplomat Azərbaycan XİN-ə çağırıldı

3
(Yenilənib 19:34 26.01.2021)
Səfirlik əməkdaşı ilə görüşdə Dövlət Dumasının üzvünün Azərbaycan əleyhinə atdığı növbəti təxribatçı addımı Azərbaycan və Rusiya arasında mövcud olan yüksək səviyyəli münasibətlərə tamamilə zidd olduğu vurğulanıb

BAKI, 26 yanvar - Sputnik. Bu gün Rusiya Federasiyasının Bakıdakı səfirliyinin müvəqqəti işlər vəkili Xarici İşlər Nazirliyinə çağırılıb.

Sputnik Azərbaycan bildirir ki, bu barədə Azərbaycan XİN-in məlumatında deyilir.

Görüşdə Rusiya Dövlət Dumasının hakim “Vahid Rusiya” partiyasından olan üzvü Vitali Milonovun erməni KİV-nə müsahibəsi zamanı Azərbaycan dövlətinə və xalqına qarşı qəbuledilməz ifadələr işlətməsi məsələsi Rusiya səfirliyinin müvəqqəti işlər vəkili qarşısında qaldırılıb, Dövlət Dumasının üzvünün bu davranışını qəti şəkildə pislənilib.

Həmçinin Rusiya Dövlət Dumasının üzvü V.Milonovun Azərbaycan əleyhinə atdığı növbəti təxribatçı addımı Azərbaycan və Rusiya arasında mövcud olan yüksək səviyyəli münasibətlərə tamamilə zidd olduğu vurğulanıb. V.Milonovun səsləndirdiyi fikirlərin Moskvanın rəsmi mövqeyini əks etdirmədiyi və bu kimi addımların ölkələr arasında münasibətlərə xələl gətirmək və əldə olunan razılaşmanın həyata keçirilməsinə əngəl törətmək məqsədi daşıdığı vurğulanıb.

3
Teqlər:
diplomat, səfirlik, Rusiya, Azərbaycan, XİN

Dəmirçilər kəndində sükut qulaq batırır - VİDEO

6
(Yenilənib 18:16 26.01.2021)
Azərbaycan Müdafiə Nazirliyi işğaldan azad edilmiş Qubadlı rayonundan yeni videogörüntülər paylaşıb. Həmin görüntülərə Sputnik Azərbaycan-da baxa bilərsiz.

BAKI, 26 yanvar — Sputnik. Qubadlı rayonunun Dəmirçilər kəndindən videogörüntülər yayılıb.

Sputnik Azərbaycan Müdafiə Nazirliyinə istinadla həmin kənddən çəkilmiş videogörüntüləri təqdim edir.

Dəmirçilər kəndi rayon mərkəzindən 5 km cənubda, Bazarçayın sağ sahilində, dağətəyi ərazidədir. Yaşayış məntəqəsi dəmirçilər nəslinə mənsub ailələrin məskunlaşması nəticəsində yaranıb. XVI əsrdə qızılbaş tayfaları sırasında adları çəkilən dəmirçilər sonralar qazax tayfa birliyinin ən qüdrətli tirələrindən biri olub. 

Bir zamanlar həyat qaynayan kəndi 1993-cü ildə Ermənistan ordusu işğal edərək viran qoyub. 2020-ci il sentyabrın 27-də başlanan Vətən müharibəsində Azərbaycan Ordusu Dəmirçilər kəndini də düşmən tapdağından xilas edib.

6
Teqlər:
video, kənd, Dəmirçilər, Azərbaycan, Qarabağ, Qubadlı
Miri Yusif

Miri Yusif qazilər üçün pul toplayacaq

0
(Yenilənib 19:13 26.01.2021)
İTV-nin efirində yayımlanacaq və müğənninin ən sevilən mahnılarından ibarət konsertin aparıcıları Nərgiz Cəlilova və Saleh Bağırov olacaq

BAKI, 26 yanvar — Sputnik. Yanvarın 31-də Xalq artisti Miri Yusifin "Yaşat" adlı televiziya konserti olacaq.

Sputnik Azərbaycan xəbər verir ki, konsert Vətən müharibəsində canından keçən müqəddəs şəhidlərimizin ailələrinə və qəhrəman qazilərimizə dəstək məqsədi daşıyır. Konsert zamanı hər bir izləyici ianə edə biləcək və bu ianələr "YAŞAT" Fonduna köçürülərək birbaşa şəhid və qazi ailələrinə yönləndiriləcək.

Konsert "SS Production" şirkətinin və İctimai Televiziyanın birgə təşkilatçılığı ilə reallaşacaq.

İTV-nin efirində yayımlanacaq və müğənninin ən sevilən mahnılarından ibarət konsertin aparıcıları Nərgiz Cəlilova və Saleh Bağırov olacaq. Konsertin informasiya dəstəkçisi "Nargis" jurnalıdır.

Təşkilatçılar hər kəsi yanvarın 31-də saat 18:15-də yayımlanacaq konserti izləməyə və qələbəni bizə yaşadanlara dəstək olmağa çağırır!

0
Teqlər:
ianə, YAŞAT Fondu, mahnı, konsert, Miri Yusif