Xankəndi şəhəri

Xankəndi şəhəri ətrafında hücum həyata keçirilən bazalar sıradan çıxarılıb

307
Hikmət Hacıyev: "Bu, Böyük Vətən Müharibəsidir. Azərbaycan Ordusunun həyata keçirdiyi tədbirlərin, əldə etdiyimiz uğurların fövqündə Ermənistan təxribatlara əl atır"

BAKI, 4 oktyabr - Sputnik. Düşmənə adekvat cavabların verilməsi bundan sonra da davam etdiliəcək.

Sputnik Azərbaycan-ın məlumatına görə, bunu Azərbaycan Respublikası Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev bu gün keçirdiyi brifinqdə bildirib.

Yola düşərək partlamayan raketi göstərən H. Hacıyev bunların “SMERÇ” tipli sistemlərdən atılmış raket olduğu deyib.

Onun sözlərinə görə, Xankəndi şəhəri ətrafında hücum həyata keçirilən bazalar sıradan çıxarılıb: 

 “Azərbaycanın döyüş meydanında qazandığı uğurların müqabilində Ermənistan belə təxribatlara əl atır. Mən Gəncədə, Tərtərdə dostlarla əlaqə saxladım, hər kəs öz evindədir. Dünən hər birimiz sevindik. Ali Baş Komandanın rəhbərliyi ilə ordumuz çətin dağlıq şəraitdə keçmiş adı Madagiz, hazırkı adı Suqovuşan olan əraziləri azad etdi. Ermənistan qorxaqcasına elə addımlar atır. Ancaq Azərbaycan xalqı əmin olsun ki, işğal olunmuş ərazilərdəki legitim hərbi hədəflər sıradan çıxarılır. Ermənistan ərazisindən endirilən zərbələrə gəlincə, bu, təxribatdır və nə məqsədə xidmət etdiyi bizə məlumdur. Onlar bu gün xarici medianı toplayaraq guya Xankəndində yanğınlar barədə yalan məlumat verirlər. Xankəndi ətrafında Tərtər şəhərini vurmaq üçün istifadə edilən “SMERÇ” sistemləri vardı, onlar sıradan çıxarılıb".

H. Hacıyev erməni silahlı qüvvələri işğal olunmuş ərazilərimizdən çıxarılmayana qədər Ermənistanın təxribatlarının hər zaman baş verə biləcəyini də vurğulayıb. O, cəbhədə əzmlə döyüşlər aparan Azərbaycan Ordusuna uğurlar arzulayıb.

307
Əlaqədar
Prezidentin köməkçisi Gəncə, Tərtər və Horadizin atəşə tutulması barədə
Müdafiə Nazirliyi: “Azərbaycan Ordusunun əks-hücum əməliyyatları uğurla davam edir”
Prezidentin köməkçisi: "Bunkerdə gizlənən Arayik Arutunyan ağır yaralanıb"
Hikmət Hacıyev: Ermənistandan Azərbaycana 10 mindən artıq mərmi atılıb
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

20
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

20
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

35
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

35