Cocuq Mərcanlı kəndində

Sakinlər: "Bizim Cocuq Mərcanlını yenidən tərk etmək fikrimiz yoxdur"

241
(Yenilənib 18:20 03.10.2020)
"Biz bu torpağa 23 ildən sonra qayıdanda içimizdə yalnız bir hiss olub. Öz doğma torpağımızı bir daha tərk etmədən, ata-babalarımızdan bizə əmanət olan yurdumuzda yaşamaq!"

Zülfiyyə Quluyeva, Sputnik Azərbaycan

BAKI, 3 oktyabr — Sputnik. Cəbrayılın Cocuq Mərcanlı kəndinə Ermənistan silahlı qüvvələri tərəfindən atəş zərbələri səngimək bilmir. Sputnik Azərbaycan kənd sakinləri ilə danışaraq cəbhəyanı kəndlərdə vəziyyəti öyrənib.

Cocuq Mərcanlı kəndinin bərpasından sonra buraya ilk köçən sakinlərdən olan Şahəddin Hüseynov Sputnik Azərbaycan-a açıqlamasında bildirib ki, qarşı tərəf bütün cəbhəyanı ərazilərdə yaşayış məntəqələrini hədəfə alır. Cocuq Mərcanlı isə cəbhədə vəziyyət gərginləşən ilk günlərdən atəş altındadır: "Qardaşım Şahinin evinə mərmi düşdü. İndi, demək olar ki, Cocuq Mərcanlıda evlərin mütləq əksəriyyəti yaşayış üçün yararsız vəziyyətə düşüb. Dövlətimiz tərəfindən yenidən qurulan Cocuq Mərcanlıda qarşı tərəfin təxribatları nəticəsində infrastruktur dağıdılıb, yaşayış evləri yararsız vəziyyətə salınıb. Ona görə də biz uşaqları və qadınları təhlükəsiz yerlərə yerləşdirmişik. Amma kəndin kişilərinin hamısı ön cəbhədədir. Bizim Cocuq Mərcanlını yenidən tərk etmək fikrimiz yoxdur. Biz bu torpağa 23 ildən sonra qayıdanda içimizdə yalnız bir hiss olub. Öz doğma torpağımızı bir daha tərk etmədən, ata-babalarımızdan bizə əmanət olan yurdumuzda yaşamaq!

Bizi nə raket zərbələri qorxudur, nə də ki atəş səsləri. Çünki hər zərbəyə Ordumuzun bir cavabı var. Ordumuzun gücü, döyüş əzmi bizi qələbəyə ruhlandırır. Biz əminik ki, qarşı tərəf bizdən bir daha bir qarış belə torpaq ala bilməyəcək. İndi hamı bu kənddə qələbə ruhundadır. Hamımız qələbəyə köklənmişik. 27 ildir ki, işğal altında olan torpaqlarımızın azad edilməsi bizi daha güclü edir".
© Sputnik
Hüseynovlar ailəsi

Sputnik Azərbaycan-a danışan Cocuq Mərcanlı kənd sakini Gülxarə Kazımzadə bildirib ki, Ermənistan silahlı qüvvələrinin dinc sakinləri hədəfə alması onları doğma yurd-yuvalarından ikinci dəfə didərgin salıb: "Biz atılan raketlərə baxmayaraq öz evimizi tərk etmək istəmirdik. Amma raket zərbələri kənddə yeni inşa edilən evlərimizi yararsız vəziyyətə salıb. Ona görə də biz evlərimizdən çıxıb sığınacaqlara sığınmışıq. Cəbhəyanı kənd və qəsəbələrdə təhsil dayandırılıb. Mənim bir uşağım məktəblidir. Arzumuz odur ki, Ordumuz irəliləsin. Uşaqlarımız təhlükəsiz mühitdə yaşasınlar, məktəbə getsinlər. Mən istəyirəm ki, mənim də övladım bütün uşaqlar kimi, heç bir qorxu keçirmədən dərsə gedə bilsin. Bunun bir yolu var, o da torpaqlarımızın işğaldan azad olunmasıdır".

© Sputnik
Hüseynovlar ailəsi

Qeyd edək ki, 1994-cü ildə həyata keçirilmiş “Horadiz” əməliyyatı zamanı Füzuli rayonunun 20-dən çox yaşayış məntəqəsi ilə yanaşı, Cəbrayıl rayonunun Cocuq Mərcanlı kəndi də işğaldan azad edilib. Lakin Lələtəpə yüksəkliyinin erməni işğalçılarının nəzarətində olması kənd sakinlərinin oraya qayıtmasını mümkünsüz edirdi. 2016-cı ilin aprel ayında Azərbaycan Ordusunun həyata keçirdiyi uğurlu əks-hücum hərbi əməliyyatı nəticəsində Lələtəpə” yüksəkliyi erməni işğalından azad edildiyindən kənddə insanların təhlükəsiz yaşaması mümkün olub. Bununla da, tarixən burada yaşamış dinc əhalinin öz doğma yurdlarına qayıtması üçün Azərbaycan Silahlı Qüvvələrinin tam nəzarətinə keçmiş həmin ərazilərdə əsaslı yenidənqurma işlərinin başlanmasına şərait yaranıb.

24 yanvar 2017-ci il tarixdə Prezident İlham Əliyev Cəbrayıl rayonunun Cocuq Mərcanlı kəndinin bərpası ilə bağlı Sərəncam imzalayıb. Bu sərəncama əsasən, kəndin ərazisi minalardan təmizlənərək ilkin mərhələdə kənddə yaşayış evlərinin, məktəb binasının və digər müvafiq infrastrukturun tikintisinə başlanılıb.

241
Əlaqədar
Qarabağlı köçkün: "Anam yuxuma girdi, dedi ki, oktyabrda Füzuliyə qayıdacaqsız"
Ağdam rayonunda ailələr evsiz qalıblar – bombalanmış evlərdən VİDEO
Ordumuz Ermənistanın Füzuli istiqamətində yerləşən taborunu ağır artilleriya atəşinə tutub
Füzuli istiqamətində Ermənistan SQ-nin əks-hücum cəhdi dəf edilib
Ermənistan silahlı qüvvələrinin atəşi nəticəsində Cocuq Mərcanlıda 14 yaşlı uşaq yaralandı
Kəlbəcər, arxiv şəkli

Ermənistanın ekoloji cinayətləri - işğal olunmuş ərazilərdə məhv edilmiş flora fauna

14
Ekologiya və Təbii Sərvətlər naziri Muxtar Babayev : İşğal olunmuş ərazilərimizdə 24 fauna və 69 flora növü qorunurdu ki, bunların da əksəriyyəti artıq məhv edilib.

BAKI, 20 oktyabr — Sputnik. Erməni işğalçılarının tapdağı altında qalmış 43 min hektar sahəsi olan xüsusi mühafizə olunan təbiət ərazilərində - Bəsitçay və Qaragöl dövlət təbiət qoruqları, Arazboyu, Laçın, Qubadlı və Daşaltı dövlət təbiət yasaqlıqlarında "Azərbaycan Respublikasının Qırmızı Kitabı"na daxil edilmiş 24 fauna və 69 flora növü qorunurdu ki, bunların da əksəriyyəti artıq məhv edilib.

Sputnik Azərbaycan xəbər verir ki, bu barədə Ekologiya və Təbii Sərvətlər naziri Muxtar Babayev "Beynəlxalq bitki sağlamlığı ili"nə həsr olunmuş bitki sağlamlığı və elmi tədqiqatlar" mövzusunda regional tədbirdə çıxış edərkən deyib.

O bildirib ki, işğal olunmuş ərazilərdə 460 növdən çox yabanı ağac və kol bitkiləri bitir. Bunlardan 70-i dünyanın heç bir yerində təbii halda bitməyən endemik bitkilərdir:

"İşğal altında olan Dağlıq Qarabağ və ətraf rayonların florası barədə geniş məlumatlar yoxdur. Bunu nəzərə alaraq, həmin ərazilər tezliklə işğaldan azad olunandan sonra nadir və nəsli kəsilməkdə olan flora növlərinin araşdırılmasına başlanılacaq. Bu məqsədlə Azərbaycan Respublikası "Qırmızı Kitabı"nın III nəşrinin hazırlanması və nəşri planlaşdırılır".

Qeyd edək ki, sentyabrın 27-də Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Bu günədək Azərbaycanın onlarla yaşayış məntəqəsi işğaldan azad edilib. Lakin təəssüflə qeyd etməliyik ki, ermənilər işğal etdikləri ərazilərdəki hər şeyi, eləcə də flora və faunanı məhv ediblər.

14
Türkiyə Prezidenti Rəcəb Tayyib Ərdoğan, arxiv şəkli

Ərdoğan yenə Azərbaycana dəstək verdi: Bizə uzadılan hər bir əli kəsirik kəsəcəyik!

62
(Yenilənib 22:01 20.10.2020)
Türkiyə Prezidenti Rəcəb Tayyib Ərdoğan deyib ki, Türkiyə Azərbaycanın işğal altındakı torpaqlarını azad etməsi uğrunda mübarizəsinə dəstək verdi və verəcək.

BAKI, 20 oktyabr - Sputnik. Türkiyə Prezidenti Rəcəb Tayyib Ərdoğan bu gün nazirlərlə keçirilən növbəti iclasdan sonra verdiyi açıqlamasında Azərbaycana yenə də dəstək mesajı ünvanlayıb. 

Sputnik Azərbaycan-ın məlumatına görə, Ərdoğan bildirib ki, Türkiyə Azərbaycanın işğal altındakı torpaqlarını azad etməsi uğrunda mübarizəsinə dəstək verdi və verəcək.

O, həmçinin, vurğulayıb ki, Balkanlardan Qafqaza, Asiyadan Afrikaya qədər Türkiyəyə dəstək üçün üz tutan hər kəsə kömək əli uzadılıb və bu, davam edəcək:

"Ölkəmizin də daxil olduğu coğrafiyada yaşananlara baxdığımızda Türkiyənin uzun illərdən bəri mübarizələrə ev sahibliyi etdiyini görürük. Türkiyə sülh, əmin-amanlıq istəsə də, ölkəmizi regionumuzdakı bütün münaqişələrə cəlb etmək istəyirlər. Buna nail olmayacaqlar. Vətənimizə uzadılan hər bir əli kəsirik və kəsəcəyik".

62
Əlaqədar
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Ərdoğan afrikalılara müraciət etdi: "Azərbaycanın yanında olacağınızı düşünürəm"
Putin və Ərdoğan Dağlıq Qarabağ münaqişəsini müzakirə ediblər
Ərdoğan: Vətən uğrunda mübarizəsində qardaşlarımızın yanında olmaqda davam edəcəyik
Ərdoğan nazirləri toplayır, Qarabağdakı durum müzakirə olunacaq
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0