Türkiyə XİN-nin binası, arxiv şəkli

Türkiyə Ermənistanı seçim etməyə çağırdı: Ya sülh, ya da müharibə

2194
(Yenilənib 19:28 02.10.2020)
Türkiyənin Xarici İşlər naziri Mövlud Çavuşoğlu deyib ki, Azərbaycana dəstək məsələsində heç kimin Türkiyəni qınamağa haqqı yoxdur.

BAKI, 2 oktyabr — Sputnik. Ermənistan hazırda bölgədə özünü təcrid etmiş vəziyyətdədir. Sputnik Azərbaycan Türkiyə mediasına istinadla xəbər verir ki, bunu Türkiyənin Xarici İşlər naziri Mövlud Çavuşoğlu italiyalı həmkarı Luici Di Maio ilə birgə keçirdiyi mətbuat konfransında deyib.

O qeyd edib ki, Ermənistan buna başqasının torpaqlarını işğal edərək nail olub. Dağlıq Qarabağ münaqişəsinin həlli, sülh ilk növbədə Ermənistanın xeyrinə olar.

Çavuşoğlunun fikrincə, Ermənistan ya sülh yolunu, ya da müharibəni seçdiyi ilə bağlı konkret qərar verməlidir:

"Regionda sülhün bərqərar olması hər bir ölkənin xeyrinədir. Beynəlxalq təşkilatlar da bu məsələdə Ermənistanı münaqişəyə yox, sülhə həvəsləndirməlidir. Hazırda Azərbaycan öz torpaqlarında terrorizmlə mübarizə aparır. Cənab Prezidentimiz Rəcəb Tayyib Ərdoğan da dəfələrlə bildirib ki, Azərbaycanın atəşkəs elan etməsi üçün Ermənistanın işğal etdiyi torpaqlardan geri çəkilməsi lazımdır".

Nazir onu da qeyd edib ki, hazırda Azərbaycanın kifayət qədər hərbi gücü var və bu günədək Türkiyədən hərbi dəstək üçün heç bir istəyi olmayıb.

"Fəqət Azərbaycan dəstək istəsə, biz tərəddüd etmədən dəstək verməyə hazırıq. Azərbaycana dəstək məsələsində heç kimin Türkiyəni qınamağa haqqı yoxdur. Çünki həmişə demişik və yenə də deyilir ki, biz bir millət, iki dövlətik".

2194
Əlaqədar
Türkiyə Milli Müdafiə Nazirliyi: Ermənistan özünə dəstəyi artırmaq üçün Türkiyəyə şər atır
Çavuşoğlu: "Azərbaycanın yanındayıq. Bu məsələni kökündən həll etmək istəyirik"
Ermənistan ağlını başına yığsın, Azərbaycanın yanındayıq – Çavuşoğlu
Mövlud Çavuşoğlu: "Ermənistanı ağlını başına toplamağa çağırıram"
Çavuşoğlu və Lavrov Qarabağdakı son durumu müzakirə etdilər

İdman zalı sağlam qidalanma: rus sülhməramlıları Qarabağda necə yaşayır

29
(Yenilənib 10:26 15.01.2021)
Rus hərbçiləri Dağlıq Qarabağda üç blok-modul tipli şəhərcik inşa edib. Orada təhlükəsizliyi təmin etmək və atəşkəs rejiminə nəzarət məqsədi ilə təxminən 400 sülhməramlı yerləşdirilib.

Videodakı kadrlardan da göründüyü kimi yaradılmış infrastruktur hərbçilərə özlərini evlərindəki kimi hiss etməyə imkan verir. Hər belə obyekt avtonom olmaqla yanaşı, istənilən təbii şərait üçün uyğundur.

Modul tipli şəhərcik fasiləsiz elektrik, su və istilik təchizatı ilə təmin olunub. Hərbi şəhərciklərin ərazisində idman zalı, hamam, yeməkxana, istirahət otağı və tibb məntəqəsi də var. Yaşayış hissəsi bütün lazımi mebel və məişət texnikası ilə təchiz edilib.

Yaxın gələcəkdə daha beş belə obyektin inşası planlaşdırılır ki, orada da təxminən 540 hərbçinin yerləşdirilməsi nəzərdə tutulur.

29

Ağdam rayonunun Şelli kəndi - VİDEO

7
Noyabrın 10-da imzalanmış üçtərəfli bəyanata görə, erməni işğalçıları Ağdam rayonunu 2020-ci il noyabrın 20-də tərk ediblər

BAKI, 16 yanvar — Sputnik. Müdafiə Nazirliyi erməni işğalından azad olunan Ağdam rayonunun Şelli kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

7
Teqlər:
video, kənd, Ağdam
Əli qandallanmış kişi polis bölməsində, arxiv şəkli

Sumqayıtda arvadını qətlə yetirən ər saxlanıldı

0
(Yenilənib 13:42 17.01.2021)
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, müvafiq ekspertizalar təyin edilib.

BAKI, 17 yanvar - Sputnik. Yanvarın 17-də saat 7 radələrində Sumqayıt şəhər ərazisində yerləşən otellərin birində 1997-ci il təvəllüdlü Həsənova Aişən Məhərrəm qızının meyitinin aşkar edilməsi barədə Sumqayıt şəhər Prokurorluğuna məlumat daxil olub.

Sumqayıt şəhər Prokurorluğundan "Report"a verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış araşdırmalarla zərərçəkmişin əri 1991-ci il təvəllüdlü Həsənov Orxan Qorxmaz oğlunun qısqanclıq zəminində aralarında yaranmış münaqişə zamanı yastıqla Aişən Həsənovanı boğaraq sonuncunu qəsdən öldürməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, müvafiq ekspertizalar təyin edilib.

Orxan Həsənov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

0