Jurnalist, arxiv şəkli

Cəbhə jurnalistlərinin təhlükəsizliyi necə təmin olunub?

178
(Yenilənib 22:44 02.10.2020)
"Cəbhəyə ezam olunmuş bütün əməkdaşlarımızın formaları var, onlar sırf qoruyucular vasitəsilə hərəkət edirlər"

Zülfiyyə Quluyeva, Sputnik Azərbaycan

BAKI, 2 oktyabr — Sputnik. Müharibə şəraitində cəbhədə baş verən hadisələrin daha operativ və dolğun şəkildə ictimaiyyətin diqqətinə çatdırılmasında, əhalinin məlumatlandırılmasında KİV-in üzərinə böyük məsuliyyət düşür. Artıq bir neçə KİV öz əməkdaşlarını cəbhə bölgəsinə ezam edib. Sputnik Azərbaycan son günlər sosial şəbəkələrdə də müzakirə mövzusuna çevrilmiş məsələni, cəbhə bölgəsinə ezam olunmuş jurnalistlərin həyati təhlükəsizliyi üçün görülmüş tədbirləri araşdırıb.

"APA Holding" MMC-nin prezidenti Vüsalə Mahirqızı Sputnik Azərbaycan-a açıqlamasında bildirib ki, holdinq cəbhə bölgəsinə ezam edilmiş əməkdaşlarının təhlükəsizliyi üçün bütün zəruri tədbirləri görüb: "Biz cəbhə bölgəsində çalışan əməkdaşlarımızı lazımi geyimlərlə təmin etmişik. Onlar hazırda daha çox təhlükəli olan, amma dinc əhalinin yaşadığı bölgələrdə baş verən dağıntıları çəkirlər. Ona görə də biz həmin əməkdaşlarımızı yüngül geyim formaları ilə təmin etmişik. Tam ön cəbhə üçün isə geyimlər sifariş etmişik. Yaxın günlərdə onları da əldə edib göndərəcəyik. Cəbhəyə ezam olunmuş bütün əməkdaşlarımızın formaları var, onlar sırf qoruyucular vasitəsilə hərəkət edirlər".

"Yeni Müsavat" qəzetinin baş redaktoru Rauf Arifoğlu da Sputnik Azərbaycan-a açıqlamasında cəbhə bölgəsinə ezam olunmuş əməkdaşlarının qoruyucu jilet və dəbilqə ilə təmin edildiyini söyləyib.

"Baku TV"nin Xəbər departamentinin rəhbəri Səma Camal isə altı əməkdaşın cəbhə bölgəsinə ezam edildiyini söyləyib. O bildirib ki, bütün əməkdaşları qoruyucu geyimlərlə təmin ediliblər.

Elə cəbhə bölgəsindəki müxbirlər də təhlükəsizlikləri üçün bütün tədbirlərin görüldüyünü təsdiqləyirlər. APA TV-nin cəbhə bölgəsinə ezam olunmuş müxbiri Elvin Paşazadə Sputnik Azərbaycan-a açıqlamasında bildirib ki, artıq beş gündür, çəkiliş qrupu cəbhəyanı ərazilərdədir: "Cəbhə bölgəsində müxbir olaraq fəaliyyət göstərmək təhlükəli olsa belə, qürurludur. Bizim təhlükəsizliyimiz üçün hər bir tədbir görülüb. Qoruyucu jilet və dəbilqələrimiz var. Burada Müdafiə Nazirliyinin nümayəndəliyinin təhlükəsizliklə bağlı tövsiyələri əsasında işləyirik. Biz əlbəttə ki, bu şəraitdə qoruyucu geyimlər olmadan çəkilişlər edə bilmərik. Çünki, erməni təxribatçıları mülkü əhali, uşaq, böyük tanımır. Hətta bağçaları, xəstəxanaları belə hədəf alırlar. Belə bir şəraitdə jurnalistlərin də işləməsi təbii ki, çətindir. Biz buraya gələndən üç dəfə təhlükə ilə üzləşmişik. Ermənilər media nümayəndələrini də atəşə tuturlar. Çünki, onlar dinc sakinlərə qarşı törətdikləri vəhşiliklərin çəkilib göstərilməsini, bundan dünya ictimaiyyətinin xəbər tutmasını istəmirlər".

E.Paşazadə deyir ki, güllə səsləri, mərmi partlayışları altında müxbir kimi fəaliyyət göstərmək təhlükəli olsa belə, cəbhəyanı kəndlərdə əhalinin əzmi onlara güc verir:

"Biz cəbhə bölgəsinə gedirik, reportajlar edirik. O insanların əzmini görüb daha da ürəklənirik. Reportajlara getdikdə cəbhəyə ən yaxın qəsəbələrdə oluruq, gözümüzlə görürük ki, insanlar təhlükəyə baxmayaraq evlərində yaşayırlar. Deyirlər ki, bu gün biz geri çəkilsək, orduda ruh düşkünlüyü olar. Hətta elə evlər var ki, qonşunun evinə mərmi düşüb, buna rəğmən həyat öz axarında davam edir. Biz də bunları görüb daha da güclü oluruq".

"Yeni Müsavat" qəzetinin əməkdaşı İlkin Muradov Sputnik Azərbaycan-a açıqlamasında bildirib ki, cəbhə bölgəsinə ezam olunan gündən onlara redaksiya tərəfindən kaska və qoruyucu jilet verilib: "Biz  reportaj hazırlayanda təhlükəsizliyimizi bununla təmin etməyə çalışırıq. Jurnalistlərə atəşə tutulan kəndlərə girməyə icazə verilmir. Amma iki gün öncə Horadiz şəhərinə erməni hərbiçilərinin top mərmisinin atması nəticəsində bir mülkü şəxs dünyasını dəyişdi. Biz həmin hadisədən iki saat öncə  Horadiz şəhərindən reportaj hazırlamışdıq. Biz şəhərdən çıxandan bir neçə saat sonra həmin əraziyə top mərmisi atıldı. Burada sağ qalmaq həm də bir şans məsələsidir. Çünki, qarşı tərəf dinc əhalini də hədəfə alır.  Top mərmisi iki yüz metr kənara düşsə  belə, istər-istəməz hər bir insanı həyəcanlandırır. Biz 2012-cü ildən cəbhə bölgəsindən reportajlar hazırladığımızdan, özünümüdafiə ilə bağlı əldə etdiyimiz təcrübədən bu gün də istifadə edirik".

 

178
“Professor Gül” gəmi-bərəsi, arxiv şəkli

Bakı limanında gəmilər sevinc fiti verdilər

2
Bakı portundakı gəmilər Zəngilanın Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

BAKI, 20 oktyabr — Sputnik. Bakı portundakı gəmilər Zəngilan şəhəri və digər yaşayış məntəqələrimizin Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

Bu barədə Sputnik Azərbaycan-a hadisənin şahidi olan sosial şəbəkə istifadəçiləri məlumat veriblər.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

2
Əlaqədar
İyirmi yeddi ildən sonra gələn azadlığın adı - Zəngilan
İşğaldan azad edilmiş Zəngilan şəhərində Azərbaycan bayrağı dalğalanır - VİDEO
Ali Baş Komandan: Zəngilan bizimdir!
(1:22 / 8.24Mb / просмотров видео: 6)

“Ölməyə hazıram, təki torpaqlar qayıtsın”: Ağdamda mərmi yağışı davam edir video

3
(Yenilənib 18:15 20.10.2020)
Ermənistan Silahlı Qüvvələri Ağdam rayonunu durmadan ağır artilleriyadan atəşə tutmağa davam edir. Paşabəyli kəndində 23 yaşlı qadın evinə qayıdarkən xəsarət alıb. Daha ətraflı – videomuzda.

Ağdamın Paşabəyli kənd sakinləri mərmi səslərinə artıq alışıblar. Amma buna baxmayaraq, onlar təsərrüfat işləri ilə məşğul olmağa, sahələrində işləməyə davam edirlər. Bəlkə, məhz bu, onların həyatlarını qurtarmağa kömək edib. Belə ki, mərmi kənd sakini İlqar Məmmədovun evinə düşdüyü anda bütün ailə sahədə çalışırmış.

Daha bir mərmi dirəyə dəyərək partlayıb. Sahədən qayıdan 23 yaşlı Çiçək Məhyəddinli xəsarət alıb. O, dərhal Ağdam MRX-ya çatdırılıb, qəlpələri çıxarılıb. Həkimlər onun vəziyyətinin kafi olduğunu deyiblər.

Atılan mərmilərdən Bənövşələr qəsəbəsində də 3 nəfər mülki şəxs xəsarət alıb.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

© Sputnik / Leyla Orujova / Ibrahim Həşimov

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

© Sputnik / Leyla Orujova / Ibrahim Həşimov

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

3