Rusiya Federasiya Şurasının Beynəlxalq Məsələlər üzrə komitəsinin rəhbərinin birinci müavini Vladimir Cabarov

Qarabağ münaqişəsinin hələ ki, siyasi yolla həlli yoxdur Rusiya Federasiya Şurası

2120
(Yenilənib 13:40 29.10.2019)
"Hansı xalqın daha qədim və müdrik olmasını müəyyənləşdirmək lazım deyil, ümumi böyük işdə təmas nöqtələrini tapmaq lazımdır"

BAKI, 29 oktyabr — Sputnik. Rusiya Ermənistan və Azərbaycanın sülh şəraitində yaşamasında maraqlıdır.

Sputnik Azərbaycan xəbər verir ki, bunu "Parlament qəzeti"-nə müsahibəsində Rusiya Federasiya Şurasının Beynəlxalq Məsələlər üzrə komitəsinin rəhbərinin birinci müavini Vladimir Cabarov "Bəzi iştirakçı ölkələr arasında kəskin fikir ayrılıqları nəzərə alındıqda MDB ölkələrinin Parlamentlərarası Assambleyası müstəvisində münaqişələrdən necə yayınmaq olur?" sualını cavablandırarkən bildirib.

Jurnalist nümunə kimi Azərbaycan və Ermənistan arasında Dağlıq Qarabağ probleminə dair fikir ayrılığını misal gətirib.

Cabarov qeyd edib ki, beynəlxalq müstəvidə Ermənistan və Azərbaycan ikitərəfli əlaqələrlə bağlı bu və ya digər problemlərə dair öz mövqelərini kəskin şəkildə səsləndirsələr də, MDB ölkələrinin Parlamentlərarası Assambleyasında bu ölkədən olan nümayəndə heyətləri bir masada oturaraq, normal şəkildə ünsiyyətdə olurlar:

"Bu cür addımlar "özünü Avropaya tanıtmaq" kimi dəyərləndirilə bilər. MDB məkanında isə hamı bir-birini çox yaxşı tanıyır və ona görə də rezonans xarakterli bəyanatların səsləndirilməsinin, münaqişə yaratmağın mənası yoxdur".

Dağlıq Qarabağ münaqişəsinə gəldikdə isə, bu məsələdə Cabarov vurğulayıb ki, Rusiya nə Ermənistanın, nə də Azərbaycanın mövqeyini tamamilə qəbul edə bilər: "Biz hamımız nə vaxtsa böyük bir ölkədə yaşamışıq və hər iki respublika bizim üçün eyni dərəcədə əzizdir. Mənim fikrimcə, biz Azərbaycanla münasibətlərin pisləşməsi hesabına Ermənistanla münasibətləri yaxşılaşdıra və ya bunun əksini edə bilmərik".

Paşinyan təcili Təhlükəsizlik Şurasını topladı – Gündəmdə Qarabağ da var>>

Yaxın gələcəkdə Qarabağ münaqişəsinin sülh yolu ilə həllinin mümkün olub-olmaması barədə sualı cavablandıran komitə rəhbərinin müavini xatırladıb ki, bu münaqişə postsovet məkanında mövcud olan ən uzunmüddətli münaqişələrdən biridir.

O, eyni zamanda hazırda münaqişə tərəflərinin mövqelərinin bir-birinə tamamilə zidd olmasına görə də təəssüflənib:

"Çox təəssüf ki, hələlik bu münaqişənin siyasi həll yolu yoxdur, lakin tamamilə aydındır ki, münaqişənin hərbi yolla da həlli yoxdur. Uzun müddətli və mürəkkəb danışıqlar lazımdır. Ən əsası - bütün tərəflər qarşılıqlı güzəştlərə, hətta kompromis xarakterli qərarlara hazır olmalıdır".

Cabarov eyni zamanda qeyd edib ki, münaqişənin bütün tərəflərində xeyli sayda inciklik və qarşılıqlı iddialar yığılıb: "Axı 30 ildə Sovet İttifaqı tərkibində iki xalqın sülh şəraitində yaşadığı vaxtları xatırlamayan iki nəsil formalaşıb.

Bilirsiniz, mən optimistəm və inanıram ki, Cənubi Qafqazın üç ölkəsi - Azərbaycan, Gürcüstan və Ermənistanın mehriban qonşu olduqları vaxt gələcək. Ən əsası - bizim ölkəmizin böyük dostu olacaqları zaman yetişəcək", - deyən komitə sədrinin müavini əlavə edib ki, məhz Rusiya ilə dostluq bu ölkələrə çiçəklənmə və müstəqilliyə dair zəmanət verə bilər.

Cabarov bildirib ki, Rusiya Ermənistan və Azərbaycanın sülh şəraitində yaşamasında maraqlıdır: "Bu ölkələri isə iqtisadiyyat sahəsi daxil olmaqla, müxtəlif inteqrasiya proseslərində birgə iş birləşdirə bilər. Mən bilirəm ki, azərbaycanlılar və ermənilər nəinki MDB ölkələrinin Parlamentlərarası Assambleyası çərçivəsində, hətta məişət səviyyəsində dil tapa bilərlər. Hansı xalqın daha qədim və müdrik olmasını müəyyənləşdirmək lazım deyil, ümumi böyük işdə təmas nöqtələrini tapmaq lazımdır. Bu məsələdə isə regional inteqrasiya birlikləri çərçivəsində parlamentlərarası dialoq pozitiv rol oynaya bilər".

2120
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

81
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

81
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı
Sami Yusuf, arxiv çəkli

Azərbaycan əsilli müğənnidən növbəti dəstək

49
(Yenilənib 22:40 27.10.2020)
Müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib

BAKI, 27 oktyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna növbəti dəfə dəstəyini ifadə edib. Sputnik Azərbaycan xəbər verir ki, müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib.

Qeyd edək ki, Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar dəfələrlə Azərbaycan Ordusuna dəstəyini ifadə edib: "Davamlı uğurlarınız, firavanlığınız və torpağınızın və suverenliyinizin qorunması üçün dua edirəm".

49
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Biz Qarabağda oyanmaq istəyirik - VİDEO
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"