Azərbaycanın Xairici İşlər naziri Elmar Məmmədyarov

Məmmədyarov Mnatsakanyanla görüşdən məyus olub: əsaslı danışıqlar lazımdır

442
(Yenilənib 14:55 17.10.2019)
Azərbaycanın Xarici İşlər naziri Rusiya KİV-nə müsahibəsində deyib ki, bu gün masada olan sənəd üzrə Yerevanla əsaslı şəkildə danışıqlar aparmaq lazımdır

BAKI, 17 oktyabr — Sputnik. Əgər Qarabağla bağlı münaqişəli tərəflər irəli getmək istəyirsə və həqiqətən bu siyasi mübahisənin həllini istəyirlərsə, onda əsaslı danışıqlar başlamalıdır. Sputnik Azərbaycan-ın məlumatına görə, bunu Azərbaycanın Xarici İşlər naziri Elmar Məmmədyarov "İzvestiya" qəzetinə müsahibəsində deyib.

Erməni həmkarı Zöhrab Mnatsakanyan ilə görüşləri barədə danışan Azərbaycan XİN başçısı xatırladıb ki, onunla sonuncu dəfə bir ay əvvəl ABŞ-da görüşüblər.

"Mən artıq bunu demişəm, təəssüf ki, biz danışıqlar barədə deyil, məhz görüş barədə danışmalıyıq. Erməni həmkarımızla sonuncu belə görüş Minsk qrupunun iştirakı ilə Nyu-Yorkda olub, düzünü desəm, mən o görüşdən bir az məyus olmuşam", - deyə o bildirib.

"Əgər Qarabağla bağlı münaqişəli tərəflər irəli getmək istəyirsə və həqiqətən bu siyasi mübahisənin həllini istəyirlərsə, onda əsaslı danışıqlar başlamalıdır", - Məmmədyarov deyib.

"Bəli, biz danışıqlar aparırdıq, lakin Minsk qrupu həmsədrləri bir məqamda dedilər: başa düşürsünüz, təmas xəttində hərbi əməliyyatlar gedir..." - XİN başçısı bildirib.

"Ancaq obyektivlik naminə deyək ki, son illər ərzində - yeri gəlmişkən, görün artıq neçə ildir - onlar Praqada başladılar, sonra bu Madrid sənədi ilə nəticələndi - bütün dövrlərdə təmas xətti kifayət qədər qaynar olub", - o əlavə edib.

Məmmədyarov onu da qeyd edib ki, yenə də tərəflər problemləri həll edə, irəli gedə və cari məsələlərin necə həll ediləcəyi ilə bağlı olduqca ciddi, addım-addım danışıqlar apara bilərlər. İlk növbədə hərbi qüvvələrin öz kazarmalarına və daimi yaşayış yerlərindən qovulan insanların öz evlərinə qayıtmalarını təmin etmək olar. Və bundan sonra bütün digər məsələlər həll oluna bilər.

Nazirin fikrincə, 2008-ci ildə Madrid sənədində, sonra 2010-cu il üçün yenidən işlənmiş versiyasında, sonra Kazan sənədində qoyulmuş məsələlərin hamısı işlənilir, həmçinin onlar prinsipcə danışıqlar üçün əsas olaraq qalır.

"Və biz həmişə bizim həmsədrlərə deyirik: heç yerə getməyəcəyik, oturmalıyıq və bu gün masada olan sənəd üzrə Yerevanla əsaslı şəkildə danışıqlar aparmalıyıq", - deyə Məmmədyarov vurğulayıb.

442
Teqlər:
Elmar Məmmədyarov, XİN, Ermənistan, Azərbaycan, Dağlıq Qarabağ problemi, Dağlıq Qarabağ
Əlaqədar
"Azərbaycanın dövlət başçısı izah etdi ki, "Dağlıq Qarabağ xalqı" anlayışı mövcud deyil"
"Qarabağın mənsubiyyəti Paşinyan kimilərin bəyanatı ilə dəyişdirilməyəcək"
Ərdoğan qətliam ünvanını göstərdi: “Siz Qarabağa baxın”
XİN həmsədrlərin Qarabağdan Bakıya gəlməsini şərh edib
Elmar Məmmədyarov BMT-nin Baş katibi ilə Dağlıq Qarabağ münaqişəsini müzakirə edib
Mübariz Əhmədoğlu, politoloq

Politoloq: “Zəngəzur dəhlizinin fəaliyyətə açılması daha tez başa gələcək”

32
(Yenilənib 17:01 23.07.2021)
Politoloq Mübariz Əhmədoğlu deyir ki, ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı
Mübariz Əhmədoğlu: “Bu məsələdə Azərbaycan və Rusiya birlikdə hərəkət edəcək”

“Bölgədəki bütün kommunikasiyaların açılması paralel olaraq həyata keçirilməlidir. Bu, Ermənistana Rusiya və İranla dəmir yolu əlaqəsi qurmağa imkan verəcək, Azərbaycan üçün bu, Naxçıvan Muxtar Respublikasına əlavə marşrut verəcək. Bölgədə 4 ölkə - Azərbaycan, İran, Rusiya və Türkiyə - bu yanaşmanı dəstəkləyir, Ermənistanın da buna müsbət reaksiyasını gözləyirik, amma bu yanaşma seçici olmamalıdır”. Bunu Azərbaycan Prezidenti İlham Əliyev Bakıda, Avropa Şurasının Prezidenti Şarl Mişel ilə görüşdən sonra keçirilən mətbuat konfransında deyib.

Politoloq Mübariz Əhmədoğlu Sputnik Azərbaycan-a deyir ki, Ermənistan kommunikasiyaların açılmasının əleyhinədir: “Bunu da müxtəlif formalarda təqdim edirlər. Ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı. Digər kommunikasiyaların bərpası ilə müqayisədə Zəngəzur dəhlizinin fəaliyyətə açılması daha tez başa gələcək. Mehri dəmiryolu Moskva-Tehran qatarının getdiyi marşrutdur. Yəni Rusiyanın qatarı İranın və Türkiyənin sərhəddi ilə gedirdi. Bu böyük geosiyasi üstünlükdür. Kommunkasiya məsələsində Azərbaycan tək deyil. Bu məsələlərin irəliləməsində Azərbaycan və Rusiya birlikdə hərəkət edəcək”.

Politoloqun geniş şərhinə audiofaylda qulaq asa bilərsiniz

32
Здание Министерства иностранных дел Азербайджанской Республики в Баку

Bakıdan növbəti xəbərdarlıq: ""Dağlıq Qarabağ" olmadığı kimi "status" məsələsi yoxdur"

54
Azərbaycan XİN rəsmisi qarşı tərəfin hay-küyünü şərh edib: Ermənistan “humanitar vəziyyət” adı altında öz siyasi oyunlarını davam etdirir".

BAKI, 24 iyul - Sputnik. Ermənistan XİN-in Azərbaycan dövlət başçısının müsahibələrini, çıxışlarını diqqətlə izləməsi, əlbəttə, yaxşıdır. Lakin bu müsahibələri sadəcə oxumaq deyil, düzgün anlamaq və nəticə çıxarmaq lazımdır.

Sputnik Azərbaycan-ın məlumatına görə, bunu Azərbaycan Respublikası Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in KİV və ictimai diplomatiya idarəsinin 23 iyul 2021-ci il tarixli açıqlamasına dair şərhində deyib.

"Birincisi, bəli, bizim dədə-babalarımız Zəngəzurda yaşayıblar, bu tarixi faktdır. Burada, eləcə də müasir Ermənistanın digər ərazilərində tarixən yaşayan soydaşlarımız etnik təmizləmə siyasətinin qurbanı olublar, evlərindən didərgin düşüblər, bu da bir tarixi reallıqdır. Azərbaycanın Ermənistan ərazilərini “işğal etməsi” ilə bağlı cəfəng iddiaya gəldikdə isə, Prezident İlham Əliyevin sözügedən müsahibəsində aydın şəkildə qeyd etdiyi kimi, biz öz sərhədlərimizə çıxmışıq, sərhədlərimizdə möhkəmlənirik. Postmüharibə dövrünün reallıqları ilə barışmaq istəməyən Ermənistan, onilliklər ərzində işğalçı ölkə kimi beynəlxalq hüquqa hörmətsizlik nümayiş etdirən bir ölkə kimi, bundan sonra da beynəlxalq hüquq normalarından danışmadan öncə düşünməlidir", - L.Abdullayeva vurğulayıb.

O, eləcə də Ermənistan XİN-ə xatırlatma edib: "İkincisi, Dağlıq Qarabağ Muxtar Vilayəti Azərbaycan Respublikasının Parlamenti tərəfindən 1991-ci ilin noyabrında qanuni şəkildə ləğv edilib. AR Prezidentinin 7 iyul 2021-ci il tarixli Sərəncamı ilə isə Şərqi Zəngəzur və Qarabağ iqtisadi rayonları yaradılıb. Bu ərazi Azərbaycanın tərkib hissəsidir və burada yaşayan ermənilər də, azərbaycanlılarla birgə bizim vətəndaşlarımız kimi yaşaya bilərlər.

Üçüncü, “Dağlıq Qarabağın statusu” məsələsini süni şəkildə gündəmə gətirmək istəyənlər birdəfəlik anlamalıdırlar, “Dağlıq Qarabağ” olmadığı kimi “status” məsələsi də yoxdur.

Növbəti, Azərbaycanı “humanitar vəziyyəti pisləşdirməkdə” ittiham edən Ermənistana xatırladırıq ki, hərbi əməliyyatlar bitdikdən dərhal sonra Azərbaycan ərazisindən humanitar yükün daşınmasına şərait yaradıb. Beynəlxalq humanitar təşkilatlarla bölgəyə missiyanın göndərilməsinə dair tərəfimizdən əldə olunan razılığa məhz Ermənistan əngəl törətməyə çalışır. Bu isə onu göstərir ki, Ermənistan “humanitar vəziyyət” adı altında öz siyasi oyunlarını davam etdirir".

"Qanunsuz güc tətbiqinin bölgədə sülh və təhlükəsizliyə maneə olduğunu Ermənistan hamıdan yaxşı bilməlidir, çünki bunu onilliklərlə özü edib. Azərbaycan isə BMT Nizamnaməsinə uyğun olaraq və beynəlxalq humanitar hüquqa riayət etməklə ərazilərini işğaldan azad edib, ərazi bütövlüyünü təmin edib və hazırda bölgədə sülh və tərəqqinin təmin olunmasına çalışır", - deyə Azərbaycan XİN rəsmisi yekunlaşdırıb.

Eləcə də oxuyun:

54
Teqlər:
Qarabağ, cavab, Ermənistan XİN, Leyla Abdullayeva, Azərbaycan XİN

Füsunkar Pirqulu dağ-meşə massivi

0
Belə bir məkanın məhz vətənimiz Azərbaycanda olmasına görə fəxr etməmək qısa desək, sadəcə mümkün deyildir.

Müasir dövrdə ekoturizmin geniş yayılmış növlərindən biri də safari turizmidir. Ölkəmizin müxtəlif guşələrində xüsusi mühafizə olunan təbiət əraziləri - milli parklar, qoruqlar xarici turistlərin belə turlara cəlb edilməsində mühüm rol oynaya bilər.

Safari parkına getmək üçün Şamaxı-Dəmirçi-Lahıc yolu ilə bir xeyli məsafə qət etdikdən sonra ​​Pirqulu adlanan dağ-meşə massivinə çatırsan. Ümumi ərazisi​ 1200 hektar olan parkın​ 830 hektarlıq hissəsi beynəlxalq standartlara uyğun formada ​çəpərlənib. Latviya, Polşa, Slovakiya, Çexiya və Macarıstandan gətirilən nəcib maral, xallı maral, Altay maralı, muflonlar, yəni dağ qoyunları, alpaka və lamanın​ xüsusi mühafizə olunan əraziyə buraxılması təmin edilib. Görülən seleksiya və baytarlıq tədbirləri nəticəsində bu heyvanların sayı iki dəfəyə yaxın artıb.

Safari parkı vəhşi dırnaqlılar və maral fermerlərinin Beynəlxalq Assosiasiyasına - IDUBA-ya üzv olub. Hər il orada konfranslar keçirilir və yarışlar olur. 2019-cu ildə parkın marallarından biri 3-cü yer, 2020-ci ildə isə Xan ləqəbli maral 1-ci yeri tutub. Yarış üçün erkək fərdlər seçilir və buynuzun şaxələrinə görə, böyüklüyünə görə marala qiymət verilir.

 

0