Bakı, arxiv şəkli

Rəsmi Bakı Parisin qeyri-qanuni "saziş"lərin ləğv olunmasına dair qərarını alqışlayıb

9
(Yenilənib 17:14 27.09.2019)
Bu günədək Fransanın şəhərləri ilə Azərbaycanın işğal olunmuş ərazilərindəki qondarma rejim tərəfindən yaradılan "yerli hakimiyyət orqanları" arasında imzalanan 9 qanunsuz "müqavilə" Fransa Respublikasının müvafiq məhkəmə qərarları ilə ləğv olunub

BAKI, 27 sentyabr — Sputnik. Azərbaycan Respublikası Xarici İşlər Nazirliyi (XİN) Fransa Respublikasının Lion/Lyon/ inzibati məhkəməsinin bu ölkənin Desin-Şarpyö/Decines-Charpieu şəhəri ilə Azərbaycanın işğal olunmuş Xocavənd rayonunun inzibati bölgələrindən biri və Sen-Etyen/Saint-Etienne/ şəhəri ilə Azərbaycanın işğal olunmuş Şuşa şəhəri arasında müvafiq olaraq 25 sentyabr 2017-ci il və 21 oktyabr 2018-ci ildə imzalanan qeyri-qanuni "saziş"lərin ləğv olunmasına dair cari ilin 19 sentyabr tarixli qərarını alqışlayır.

Bu barədə Sputnik Azərbaycan-a XİN-in Mətbuat xidməti idarəsindən məlumat verilib.

Xatırladaq ki, sözügedən qeyri-qanuni "sənədlər" Azərbaycan və Fransanın milli qanunvericiliyi, xüsusilə də Fransa Konstitusiyasının 73-cü maddəsi, "Ərazi Vahidləri Ümumi Məcəlləsi"nin maddələri və 24 may 2018-ci il tarixində Daxili işlər və Avropa və xarici işlər nazirləri tərəfindən imzalanmış sirkulyar sənədin müddəalarına zidd olaraq imzalanıb.

Bu günədək Fransanın şəhərləri ilə Azərbaycanın işğal olunmuş ərazilərindəki qondarma rejim tərəfindən yaradılan "yerli hakimiyyət orqanları" arasında imzalanan 9 qanunsuz "müqavilə" Fransa Respublikasının müvafiq məhkəmə qərarları ilə ləğv olunub.

"Azərbaycan tərəfi hazırda qüvvədə qalan digər qeyri-qanuni "sənədlərin" də tezliklə Fransa məhkəmələri tərəfindən ləğv ediləcəyinə ümid edir", - deyə XİN-dən bildirilib.

9
Əlaqədar
Fransa səfiri Bakını tərk edir
Fransadakı "Qarabağ" Azərbaycan məktəbi genişlənir
Azərbaycan Fransaya nota verdi
Prezident səfirliyə getdi, Jak Şirakla bağlı ürək sözlərini yazdı - FOTOLAR
Avtomatdan atəş, arxiv şəkli

Cəbhədə gərgin gecə

7
(Yenilənib 10:21 02.06.2020)
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 24 dəfə pozub

BAKI, 2 iyun — Sputnik. Ermənistan Respublikası Berd rayonunun Çinari kəndində yerləşən mövqelərdən Tovuz rayonunun Muncuqlu kəndində, Krasnoselsk rayonunun Cil kəndində və adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinin mətbuat xidmətinə istinadən bildirir ki, Tərtər rayonunun işğal altında olan Göyarx, Ağdam rayonunun Tağıbəyli, Füzuli rayonunun Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

7
Azərbaycanın işğal edilmiş Şuşa şəhərində məscid minarəsi, arxiv şəkli

Qarabağın azərbaycanlı icması: Erməni icmasını dialoqa dəvət edirik

7
(Yenilənib 18:52 01.06.2020)
Əminik ki, azərbaycanlı və erməni uşaqlar yenidən Qarabağda birgə bağçalara, məktəblərə gedəcək, idman yarışlarında iştirak edəcəklər.

 

Eldar Tanrıverdiyev, Sputnik Azərbaycan

BAKI, 1 iyun — Sputnik. "BMT Baş Assambleyası tərəfindən qəbul edilmiş Uşaq Hüquqları Bəyannaməsi, BMT-nin Uşaq Hüquqları haqqında Konvensiyası hər bir uşağın irq, din və milli mənsubiyyət baxımından ayrıseçkilik edilmədən bərabər hüquqlara malik olduğunu vurğulayır".

Sputnik Azərbaycan xəbər verir ki, bunu 1 iyun – Uşaqların beynəlxalq müdafiəsi günü ilə bağlı Azərbaycan Respublikası Dağlıq Qarabağ bölgəsinin azərbaycanlı icmasının əməkdaşı Samir Məmmədov bildirib.

"Təəssüf hissi ilə bildiririk ki, hazırda Azərbaycan Respublikasında 140 minədək uşaq məcburi köçkün kimi yaşamaqda davam edir. Həmin uşaqların ən təməl hüquqları Ermənistan tərəfindən Azərbaycan ərazilərinin işğalı nəticəsində pozulmuşdur. Ermənistan Silahlı Qüvvələri tərəfindən azərbaycanlılara qarşı törədilmiş Xocalı soyqırımı zamanı 63 uşaq qətlə yetirilmiş, 76 uşaq müxtəlif dərəcəli bədən xəsarətləri almış və yüz minlərlə azərbaycanlı uşaq heç vaxt unutmayacaqları psixoloji travmaya məruz qalıb. 2017-ci ildə Ermənistan ordusunun mina və qumbaratanlardan açdığı atəş nəticəsində 2 yaşlı Zəhra Quliyeva qətlə yetirilib. Mən Kəlbəcər rayonundan məcburi köçkün kimi uşaqlığımı Ermənistanın işğalı nəticəsində Azərbaycanda yaranmış humanitar böhranın doğurduğu çətinliklərlə keçirmişəm. Evsizlik, kasıblıq və çətinliklər mənə o qədər normal gəlirdi ki, elə bilirdim elə bütün dünya belə yaşayır – heç kimin evi yoxdur, hamının evini ermənilər dağıdıb. Amma zamanla anladım ki, mən və mənim kimi minlərlə uşaq vətənimizə qarşı başladılmış ədalətsiz müharibənin qurbanları olmuşuq. Bizi sırf etnik mənsubiyyətimizə - azərbaycanlı olduğumuza görə öz yurdumuzdan qovublar, evlərimizi dağıdıblar", - deyə o bildirib.

S.Məmmədov qeyd edib ki, Azərbaycan dövləti məcburi köçkünlərin problemlərinin həlli və məcburi köçkün uşaqların hüquqlarının müdafiəsi üçün çox böyük işlər görüb: "Lakin BMT Təhlükəsizlik Şurasının 822, 853, 874 və 884 saylı qətnamələrində və bir çox digər beynəlxalq sənədlərdə yer almış çağırışlara baxmayaraq Azərbaycan ərazilərinin Ermənistan tərəfindən işğalının davam etməsi səbəbindən biz öz doğma yurdlarımıza qayıda bilmirik. Azərbaycan Respublikası Dağlıq Qarabağ bölgəsinin azərbaycanlı icması olaraq irqindən, dinindən və milli mənsubiyyətindən asılı olmayaraq dünyanın bütün uşaqlarının bayramını təbrik edirik! Bütün uşaqlara müharibələrsiz, aclığın olmadığı, etnik təmizləmələrin baş vermədiyi gözəl həyat arzulayırıq. Dünyanı və regionumuzu özümüz və gələcək nəsillər üçün daha təhlükəsiz bir yerə çevirmək üçün, Azərbaycan Respublikası Dağlıq Qarabağ bölgəsinin erməni icmasını sülhə və dialoqa dəvət edirik. Əminik ki, azərbaycanlı və erməni uşaqlar yenidən Qarabağda birgə bağçalara, məktəblərə gedəcək, idman yarışlarında iştirak edəcəklər. Bir daha bəyan edirik ki, Azərbaycan Respublikasının Dağlıq Qarabağ bölgəsinin azərbaycanlı icması Ermənistan-Azərbaycan münaqişəsinin dinc yolla həllini dəstəkləyir və Azərbaycanın Dağlıq Qarabağ bölgəsinin hər iki icmasının sülh şəraitində birgə yaşaması və inkişafı yolunda aktiv fəaliyyətini davam etdirir".

7
Ticarət və xidmət obyektlərində xüsusi karantin rejimi qaydalarına əməl olunmasına dair monitorinq

Nazirlik utanc damarına basmağa qərar verdi - FOTO

0
(Yenilənib 19:46 02.06.2020)
Mayın 22-dən iyunun 1-dək 2 385 sahibkarlıq subyektində monitorinq keçirilib və 1 141 obyektdə zəruri sosial davranış qaydalarına və sanitar-epidemioloji tələblərin pozulması hallarına rast gəlinib

BAKI, 2 iyun — Sputnik. İqtisadiyyat Nazirliyi Azərbaycan Nazirlər Kabinetinin qərarları ilə müəyyən olunmuş xüsusi karantin qaydalarına, Nazirlər Kabineti yanında Operativ Qərargahın müəyyənləşdirdiyi zəruri sosial davranış qaydalarına və sanitar-epidemioloji tələblərə əməl edilməsinə nəzarətin gücləndirilməsi məqsədilə aidiyyəti dövlət qurumları ilə birgə monitorinqləri davam etdirir.

Bu barədə Sputnik Azərbaycan-a Nazirliyin mətbuat xidmətindən məlumat verilib.

  • Ticarət və xidmət obyektlərində xüsusi karantin rejimi qaydalarına əməl olunmasına dair monitorinq
    © AR Ministry of Economy
  • Ticarət və xidmət obyektlərində xüsusi karantin rejimi qaydalarına əməl olunmasına dair monitorinq
    © AR Ministry of Economy
  • Ticarət və xidmət obyektlərində xüsusi karantin rejimi qaydalarına əməl olunmasına dair monitorinq
    © AR Ministry of Economy
1 / 3
© AR Ministry of Economy
Ticarət və xidmət obyektlərində xüsusi karantin rejimi qaydalarına əməl olunmasına dair monitorinq

İyunun 1-də keçirilmiş monitorinqlərdə Suraxanı rayonunda "Ballı market"də, "Adana dönər" ictimai iaşə obyektində, Binəqədi rayonunda "Senti" və Vaqif Hüseynova məxsus geyim mağazalarında, "X petrol" yanacaqdoldurma məntəqəsində, Sabunçu rayonunda "Döneretto" ictimai iaşə obyektində, Xəzər rayonunda "Yeni Bakı" kafesində, Xətai rayonunda "Hakara poliqrafiya" xidmət obyektində, Nizami rayonunda Şamil Cəlalzadəyə məxsus uşaq geyimləri mağazasında, Yasamal rayonunda "Köz dönər" və Zaur Xəlilova məxsus ictimai iaşə obyektlərində, Nəsimi rayonunda "Tana" MMC-yə məxsus uşaq geyimləri mağazasında, Abşeron rayonunda "Pizza Line" ictimai iaşə obyektində, Tahir Əliyev və Bəhruz Qasımova məxsus bərbərxanalarda, Qobustan rayonunda "Dokta" aptekində, Göygöl rayonunda "Helenendorf" otelində və "Oba market"də, Masallı rayonunda "44 Dönər Evi"ndə, "Hector" mağazasında, "Karal" oteldə, Zaqatala rayonunda "Kibel" parfümeriya mağazasında, "Meydan" kafesində, "Ekonom Univermaq"da, Ağdam rayonunda "Zeytun" aptekində, "İstanbul kafe"də, Siyəzən rayonunda "Sky Elektroniks", "Al Market", "Y.T Moda", "Çıraq Qala un və un məmulatları" mağazalarında və s. ticarət və xidmət obyektlərində ümumilikdə, gün ərzində monitorinq aparılan 401 obyektin 191-də zəruri sosial davranış qaydalarına və sanitar-epidemioloji tələblərə əməl olunmaması halları müəyyən edilib.

Qeyd edək ki, mayın 22-dən iyunun 1-dək 2 385 sahibkarlıq subyektində monitorinq keçirilib və 1 141 obyektdə zəruri sosial davranış qaydalarına və sanitar-epidemioloji tələblərin pozulması hallarına rast gəlinib.

0
Əlaqədar
Koronavirusa qarşı "milli" mübarizə: kişi arvadını yaba ilə "sağaltmaq" istədi
Deputatlarımız nöqtəni qoydular: əməl etməsəniz, 100 manatla vidalaşın
Azərbaycanlılar karantində otura-otura Türkiyədə özlərinə mülklər alıblar
Bakı əhli: Biz karantin dönəmi görmüş adamlarıq... - FOTO
Alış-veriş "dəliləri", kim tutar sizi? - FOTO