Paşa Həsənov 30 ildir bir kəndin düşmənlə mübarizə statistikasını aparıb

Bu adam otuz ildir bir kəndin düşmənlə mübarizə statistikasını aparır

734
(Yenilənib 09:51 11.09.2019)
Tovuz sakini münaqişənin başlandığı gündən bu yana Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib, baş verən hadisələrin statistikasını aparıb.

İlham Mustafa, Sputnik Azərbaycan

BAKI, 11 sentyabr — Sputnik. Müharibə dövründə sərhəd bölgəsində yaşayan insanların da özlərinə xas məşğuliyyəti olur. Kimi həyətlərə, evlərə düşən güllə ucluğu və qəlpələri toplayır, kimi də döyüşən əsgərlərə aid olan hər hansı əşyaları toplayaraq saxlayır. Tovuz rayonunun Ermənistanla ən yaxın təmas xəttində yerləşən Əlibəyli kənd sakini Paşa Həsənovun da məşğuliyyəti insanlarda maraq doğurur. O, münaqişənin başlandığı gündən bu yana Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib, baş verən hadisələrin statistikasını aparıb. O, 30 ildir statistika aparmağı davam etdirir.

80 yaşlı Paşa Həsənov Sputnik Azərbaycan-ın bölgə müxbirilə söhbətində başladığı işin bu qədər uzanacağını heç ağlına belə gətirmədiyini söyləyib:

Paşa Həsənov Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib
© Sputnik / Ilham Mustafa
Paşa Həsənov Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib

“Müharibə başlanan gündən yazıram. O vaxt məktəbdə təsərrüfat müdiri işləyirdim. Axşamlar isə balta, dəhrə, bıçaq götürüb kəndin ətrafında qazdığımız səngərlərdə keşik çəkirdik. Elə səngərdə dayandıqca, hər atılan gülləni başladım qeyd etməyə. Fikirləşirdim ki, tezliklə bu münaqişə də bitər, mənim marağım da. Amma illər keçdikcə, artıq bu, məşğuliyyətə çevrildi”.

Köhnə döyüşçü və şəhid atası olan P.Həsənov o gündən bəri Ermənistan ordusu tərəfindən kənd istiqamətində atılan güllələrin sayının, atəşin hansı mövqedən açıldığının və atəşkəsin pozulma vaxtlarının qeydiyyatını aparıb. Atılan güllələrin səslərindən atıldığı silahları da seçməyi bacaran Əlibəyli sakini onların adını, həmçinin nə qədər davam etdiyini də qeyd edib. O, bu qeydlərin nə vaxtsa lazım olacağına inandığını deyib:

Paşa Həsənov Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib
© Sputnik / Ilham Mustafa
Paşa Həsənov Ermənistan silahlı qüvvələrinin Əlibəyli kəndi istiqamətində atəşkəsi pozmasını tarix, saat və dəqiqəsinə qədər qeyd edib

“Artıq iki ilə yaxındır intensiv atəşkəs olmur. Son qeydlərim 2017-ci ilin avqust və oktyabr aylarında olub. Ondan sonra ara sıra güllə atılan vaxtlar olub. Hamısını qeyd etmişəm, itib batmasın deyə surətini də çıxarmışam. Bir surətini də Qırmızı Xaç cəmiyyəti istədi, onlara verdim. Mən bu işi bir döyüşən sərhəd kəndinin sakini olaraq aparmışam. Yəqin nə vaxtsa kiməsə lazım olar”.

  • Tovuz rayonunun Əlibəyli kənd sakini Paşa Həsənov
    Tovuz rayonunun Əlibəyli kənd sakini Paşa Həsənov
    © Sputnik / Ilham Mustafa
  • 80 yaşlı Paşa Həsənovun gündəliyi
    80 yaşlı Paşa Həsənovun gündəliyi
    © Sputnik / Ilham Mustafa
  • Tovuz rayonunun Əlibəyli kənd sakini Paşa Həsənovun təqdim etdiyi şəkillər
    Tovuz rayonunun Əlibəyli kənd sakini Paşa Həsənovun təqdim etdiyi şəkillər
    © Sputnik / Ilham Mustafa
1 / 3
© Sputnik / Ilham Mustafa
Tovuz rayonunun Əlibəyli kənd sakini Paşa Həsənov

Paşa Həsənov həmçinin atəşkəsdən sonra Əlibəylidə düşmən gülləsindən ölən və yaralanan dinc sakinlərin adlarına da gündəliyində yer ayırıb.

734
Azərbaycan Xarici İşlər Nazirliyinin binası, arxiv şəkli

XİN: Ermənistana yaxşı bəllidir ki, Qarabağ xalqı adlı anlayış mövcud deyil

7
Ermənistan XİN-in görüşlə bağlı yaydığı açıqlama işğalçı ölkənin ənənəvi olaraq sərgilədiyi tamamilə əsassız mövqeyi növbəti dəfə təkrarlayır.

BAKI, 1 iyul — Sputnik. "ATƏT-in Minsk Qrupunun həmsədrləri və ATƏT-in Fəaliyyətdə olan sədrinin şəxsi nümayəndəsinin iştirakı ilə Azərbaycan və Ermənistan xarici işlər nazirlərinin 30 iyun tarixində keçirilən videokonfrans formatında görüşü ilə bağlı AR XİN-in rəsmi açıqlaması yayıldı. Qeyd etdiyimiz kimi, görüş zamanı nazir Elmar Məmmədyarov Azərbaycanın işğal olunmuş ərazilərində Ermənistan tərəfindən həyata keçirilən qeyri-qanuni fəaliyyəti, o cümlədən həyata keçirilən infrastruktur dəyişiklikləri məsələsini qaldırdı. Nazir, həmçinin məhz Ermənistanın təxribatçı əməllərinin ritorikanın alovlanmasına xidmət etdiyini vurğuladı".

Sputnik Azərbaycan xəbər verir ki, bunu Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva KİV-in sualını cavablandırarkən deyib.

"Ermənistan XİN-in görüşlə bağlı yaydığı açıqlama işğalçı ölkənin ənənəvi olaraq sərgilədiyi tamamilə əsassız mövqeyi növbəti dəfə təkrarlayır. Aydındır ki, bölgədəki gərginliyin, ritorikanın, qarşıdurmanın, düşmənçiliyin kökündə Ermənistanın təcavüzkar siyasəti, Azərbaycanın beynəlxalq tanınmış ərazilərini hərbi işğal altında saxlaması və bu ərazilərdəki çoxsaylı yerli azərbaycanlıya qarşı etnik təmizləmə həyata keçirməsi durur. Əhalini sülhə hazırlamaq öhdəliyindən danışan Ermənistan, bu öhdəliyinə əməl edərək işğalçı qüvvələrini Azərbaycanın Dağlıq Qarabağ və ətraf rayonlarından çıxarmalı və məcburi köçkünlərin öz evlərinə geri dönməsinə maneə yaratmamalıdır.

O ki qaldı Ermənistan XİN-in istinad etdiyi Qarabağ "xalqı" ifadəsinə, hamıya elə Ermənistanın özünə də çox yaxşı bəllidir ki, Qarabağ xalqı deyə anlayış mövcud deyil. Qarabağda yaşayan ermənilər Azərbaycanın bu bölgəsində yaşayan iki icmadan birini təşkil edir; Qarabağın azərbaycanlı icması Ermənistanın təcavüzü nəticəsində evlərindən didərgin düşüb, məcburi köçkünə çevrilib. Münaqişənin həlli üzrə aparılan danışıqların məqsədi də elə bu insanların pozulmuş fundamental hüquq və azadlıqlarının bərpa edilməsidir, Ermənistan silahlı qüvvələrinin Azərbaycanın ərazilərindən çıxarılmasının təmin edilməsidir. Bölgədə davamlı sülh, sabitlik və təhlükəsiliyin təmin olunmasının başqa yolu yoxdur", - L.Abdullayeva qeyd edib.

7
Təlim, arxiv şəkli

Ermənistan ordusu əsgərlərimizin səbrini tarıma çəkdi

20
(Yenilənib 11:45 27.06.2020)
Ermənistan silahlı qüvvələrinin bölmələri cəbhənin müxtəlif istiqamətlərində gərginliyi artırmaq məqsədilə iriçaplı silahlardan da istifadə etməklə sutka ərzində atəşkəs rejimini 45 dəfə pozub

BAKI, 27 iyun — Sputnik. Ermənistan Respublikası Çəmbərək rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinin mətbuat xidmətinə istinadən bildirir ki, işğal altında olan Ağdam rayonunun Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qərvənd, Qaraxanbəyli, Aşağı Seyidəhmədli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Düşmən cavab atəşi ilə susdurulub, əməliyyat şəraiti bölmələrimizin tam nəzarəti altındadır.

20
Günəş, arxiv şəkli

Yunanıstanda maraqlı təbiət hadisəsi baş verib

0
"Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

BAKI, 2 iyul — Sputnik. Yunanıstanda "Günəş iti" adlanan nadir bir təbiət hadisəsi baş verib.

Sputnik Azərbaycan xəbər verir ki, hadisənin video görüntüsü "Youtube"-da paylaşılıb. Videoda Günəşin su üzərində dayandığı an təsvir olunur. Göy gövdəsi yarıya qədər buludla örtülüb. Nəticədə günəşin "ikiqat olması" xəyalı yaranır. "Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

Xatırladaq ki, kameralar 2019-cu ilin dekabrında Amerikanın Missuri ştatındakı Sent-Luis şəhəri üzərində səmada Yer atmosferinə daxil olan meteoru çəkmişdi.

0
Teqlər:
Günəş, Yunanıstan