Qondarma Dağlıq Qarabağ Respublikasının təhlükəsizlik şurasının katibi Vitaliy Balasanyan

Qondarma rejim Ermənistanın tələbini yerinə yetirdi

34
Onun gələn il Azərbaycanın işğal olunmuş torpaqlarında keçiriləcək "prezident seçkiləri"ndə iştirak etmək niyyətində olduğu bildirilir.

BAKI, 11 iyun — Sputnik. Qondarma "Dağlıq Qarabağ Respublikası"nın "təhlükəsizlik şurasının katibi" Vitaliy Balasanyan öz "vəzifəsindən" azad edilib.

Sputnik Ermənistan xəbər verir ki, bu haqda "fərman" Azərbaycanın Ermənistan tərəfindən işğal edilmiş torpaqlarında yaradılmış qanunsuz rejimin "rəhbəri" Bako Saakyan tərəfindən imzalanıb.

Məlum olub ki, Balasanyan gələn il işğal olunmuş torpaqlarda keçiriləcək "prezident seçkiləri"ndə iştirak etmək niyyətindədir.

Balasanyanın son zamanlar Ermənistan hökumətinin ünvanına tənqidi fikirlər səsləndirdiyi bildirilir.

Bir qədər əvvəl Sputnik Azərbaycan Ermənistanın "Politik" nəşrinə istinadən xəbər verirdi ki, Nikol Paşinyan hökuməti Dağlıq Qarabağ separatçılarının maliyyə köməyi barədə xahişini rədd edib.

Məlumata əsasən, Yerevan rəhbərliyi maliyyə köməyi qarşılığında Balasanyanın istefaya göndərilməsini tələb edib.

Qeyd edək ki, daha əvvəl Saakyan Balasanyanla görüşüb və ona istefaya getməyi təklif edib. Saakyan Balasanyana izah edib ki, onun istefasını Ermənistan rəhbərliyi tələb edib.

34