Ermənistanın sabiq prezidenti Serj Sarqsyan

Sarqsyandan etiraf: "Azərbaycanda hakimiyyət çəkişməsi Şuşanın taleyini həll etdi"

7080
(Yenilənib 13:03 10.05.2019)
Keçmiş dövlət başçısı: "Azərbaycan hərbçilərinin uğurlu hücumu nəticəsində ən yüksək döyüş qabiliyyətinə malik erməni batalyonu məhv edilmişdi"

BAKI, 10 may — Sputnik. Ermənistanın sabiq Prezidenti Serj Sarqsyan Azərbaycanın işğal altında olan Dağlıq Qarabağ bölgəsinə səfər edib. Bu barədə Sputnik Azərbaycan Ermənistanın "Aysor.am" nəşrinə istinadən xəbər verir.

Şuşanın işğalından danışan sabiq Prezident bildirib ki, Şuşa əməliyyatı zamanı müvəffəqiyyətsizlik ermənilərin məğlubiyyəti ilə nəticələnə bilərdi: "Məhz buna görə Şuşaya hücum əməliyyatı hazırlanarkən biz xeyli müzakirələr apardıq. Buna qədər biz iki dəfə əməliyyatı təxirə saldıq. Şuşaya hücum dörd istiqamətdən baş vermişdi".

Sarqsyan, həmçinin deyib ki, Şuşanın işğalından üç ay əvvəl - yanvar ayında Azərbaycan hərbçiləri böyük hücum həyata keçirmişdilər: "Azərbaycan hərbçilərinin uğurlu hücumu nəticəsində ən yüksək döyüş qabiliyyətinə malik erməni batalyonu məhv edilmişdi".

"Lakin həmin vaxt Azərbaycanda hakimiyyət uğrunda çəkişmə gedirdi, total nizamsızlıq mövcud idi və bu da bizə çox kömək etdi. Əməliyyatda yalnız könüllülər iştirak edirdi. Robert Koçaryan, Bako Saaakyan, Samvel Karapetyan da döyüşlərdə iştirak edirdi" - o vurğulayıb.

"Ümumi məsuliyyəti mən daşıyırdım. Mən Robert Koçaryan və Vazqen Sarkisyana məruzə edirdim. Şuşanın alınması barədə ayaqüstü danışmaq çətindir, lakin mən qətiyyətlə təkrar edirəm ki, Şuşanın alınması çox şeyi həll edirdi" - Saqrsyan əlavə edib.

7080
Teqlər:
Serj Sarqsyan, hücum, Azərbaycan, Şuşa şəhəri, Ermənistan
Əlaqədar
Ermənistan prezidenti ərazi bütövlüyümüzü pozdu, gözəl Şuşamıza gəldi
Şuşada ermənilər faciə ilə üzləşiblər
"Şuşanın dağları qara dumanlı" filmi təqdim olunub
Şuşasız dözə bildiyimiz 27 il...