BMT-nin baş katibi Antonio Quterreş

BMT Baş katibi Dağlıq Qarabağla bağlı bəyanat verdi

470
(Yenilənib 11:04 30.03.2019)
Baş katib İlham Əliyev və Nikol Paşinyan arasında Vyanada baş tutan ilk görüşü alqışlayıb

BAKI, 30 mart — Sputnik. BMT-nin baş katibi Antonio Quterreş ATƏT-in Minsk Qrupu çərçivəsində Azərbaycan Respublikasının Prezidenti İlham Əliyev və Ermənistan Respublikasının Baş naziri Nikol Paşinyan arasında martın 29-u Vyanada baş tutan ilk görüşü alqışlayıb.

Sputnik Azərbaycan-ın məlumatına görə, bu barədə BMT baş katibinin sözçüsünün Dağlıq Qarabağ münaqişəsi ilə bağlı bəyanatında bildirilib.

Baş katib ölkə rəhbərlərinin sülhə şərait yaradan mühitin əldə olunması və uğurlu danışıqların aparlması üçün əlavə tədbirlərin görülməsinə önəm vermələrini müsbət qarşılayıb. O, həmçinin atəşkəsin gücləndirilməsi, humanitar problemlərin aradan qaldırılması,eləcə də münaqişənin sülh yolu ilə həlli üçün dialoqun davam etdirilməsinə dair ölkə rəhbərlərinin öz öhdəliklərinə sadiq qalmasını alqışlayıb.

Baş katib ATƏT-in Minsk qrupu həmsədrlərini vacib vasitəçilik rolunu yüksək qiymətləndirir və onların davamlı səylərinə BMT-nin tam dəstəyini yenidən bəyan edir.

470
Əlaqədar
Prezident İlham Əliyevin Vyanada Avstriyanın Federal Kansleri ilə görüşü olub
Əliyev və Paşinyan 1,5 saatdan çox təkbətək görüş keçirib
İlham Əliyev-Nikol Paşinyan görüşü başladı - VİDEO
Minsk qrupu Azərbaycan prezidenti ilə Ermənistan baş nazirinin görüşü barədə bəyanat yayıb