İşğal altında olan ərazilərdə qeyri-qanuni fəaliyyətlərin qarşısının alınması üzrə beynəlxalq konfrans

Bakıda ermənilərin dəhşətli əməli barədə həyəcan siqnalı verildi

8554
(Yenilənib 11:54 05.03.2019)
Muxtar Babayev: "Ermənilər qışda su anbarını açıb suyu buraxırlar, yayda isə qarşısını kəsir və süni quraqlıq yaradırlar"

Eldar Tanrıverdiyev, Sputnik Azərbaycan

BAKI, 5 mart — Sputnik. "Ermənistan tərəfindən Azərbaycanın işğal altında olan torpaqlarında qəsdən törədilən yanğınlar zamanı 100 min hektar ərazi və bu ərazilərdə yaşayan canlılar məhv olub".

Sputnik Azərbaycan xəbər verir ki, bunu ekologiya və təbii sərvətlər naziri Muxtar Babayev Bakı Biznes Mərkəzində Hərbi işğal altında olan ərazilərdə iqtisadi və digər fəaliyyətlərin qeyri-qanuniliyi, üçünçü tərəflərin öhdəlikləri və münaqişənin həllinə təsirlərinə dair Beynəlxalq konfransda deyib.

Nazir vurğulayıb ki, hazırda işğal altında olan ərazilərin təbii sərvətləri ermənilər tərəfindən talan edilir: "Bunlarla yanaşı, Sərsəng Su Anbarı hazırda qəzalı vəziyyətdədir. Bu hal ətraf ərazilərdə yaşayan 4 min sakin üçün ciddi təhlükə yaradır".

Muxtar Babayevin sözlərinə görə, ermənilər məqsədli şəkildə yayda su anbarına yaxın ərazilərdə quraqlıq yaradırlar: "Onlar qışda su anbarını açıb suyu buraxırlar. Yayda isə qarşısını kəsirlər və süni quraqlıq yaradılır. Yəni onlar əhalini qəsdən sudan məhrum edirlər. Lakin AŞPA-da Sərsəng Su Anbarı ilə bağlı qəbul edilən qətnamənin tələblərinə əməl edilmir".

8554
Teqlər:
Muxtar Babayev, nazir, Sərsəng Su Anbarı, erməni, Ermənistan
Əlaqədar
AŞPA-da Sərsəng su anbarı ilə bağlı sənəd qəbul edilib

Topçu Vüsal məsələsində son nöqtə qoyuldu - "Məqsədimiz..."

3
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

3
 Rusiya sülhməramlıların Xankəndində hospitalı

Rusiya sülhməramlıları Xankəndində hospital açıb

16
(Yenilənib 14:45 30.11.2020)
Hospitalda reanimasiya şöbələri, funksional diaqnostika, laboratoriya diaqnostikası, əməliyyat bölməsi, stomatologiya və oftalmologiya kabinetləri var

BAKI, 30 noyabr — Sputnik. Rusiya Müdafiə Nazirliyi Xankəndidə səhra hospitalı yaradıb. Bu barədə Sputnik Azərbaycan "RİA Novosti"-yə istinadən xəbər verir.

"Pnevmokarkas modulların yerləşdirilməsi başa çatıb. İlk növbədə biz sülhməramlı kontingentin tibbi təminatını həyata keçirəcəyik. Biz dinc əhaliyə də yardım etməyə hazırıq. Öz fondumuz hesabına 40-a qədər insanı hospitalda yerləşdirə bilərik", - deyə tibbi bölmənin rəisi Yaroslav İvanov jurnalistlərə açıqlamasında bildirib.

Onun sözlərinə görə, hospitalda reanimasiya şöbələri, funksional diaqnostika, laboratoriya diaqnostikası, əməliyyat bölməsi, stomatologiya və oftalmologiya kabinetləri var: "Hospitalda süni nəfəs aparatı, UZİ və rentgen cihazları da var".

16
Teqlər:
laboratoriya, Rusiya, sülhməramlılar, Xankəndi