Qarabağ müharibəsində itkin düşən İlqar Heybətağa oğlu Heybətovun şəkilləri

Bir gecədə saçları ağappaq olan ananın fəryadı: "Mən 25 ildir yaşamıram"

10933
(Yenilənib 14:36 26.02.2019)
İlqarın anası, bacıları bir gün onun ölüm və ya qalım xəbərini eşidəcəkləri günü səbirsizliklə gözləyirlər

Leyla Abdullayeva, Sputnik Azərbaycan

BAKI, 26 fevral — Sputnik. Qarabağ müharibəsində ölənlərlə, yaralananlarla, əsir götürülənlərlə yanaşı, xeyli sayda həmvətənimizin nə ölüsündən bir xəbər ala bildik, nə dirisindən. İtkin düşənlərdən birinin - İlqar Heybətağa oğlu Heybətovun  anası və bacıları onun acı həyat hekayəsini Sputnik Azərbaycan-a danışdı.

Qarabağ müharibəsində itkin düşən İlqar Heybətağa oğlu Heybətovun  anası
© Sputnik / Leyla Abdullayeva
Qarabağ müharibəsində itkin düşən İlqar Heybətağa oğlu Heybətovun  anası

İlqar Heybətov 1974-cü ildə Siyəzənin Böyük Həmyə kəndində anadan olub. 1993-cü ilin avqust ayında Dəvəçi Rayon Hərbi Komissarlığı tərəfindən hərbi xidmətə çağırılıb.

İlqarın böyük bacısı Hümbətova Gülarə həmin gün yaşananları göz yaşı  içərisində anlatdı: "İlqar orta məktəbi qurtaran il ali məktəbə qəbul ola bilmədi. Atam israrla İlqar üçün komissarlıqdan möhlət istədi ki, qardaşım yenidən hazırlaşıb imtahan versin. Qardaşım da atamla razılaşdı. Bir gün səhər dişini çəkdirmək adı ilə evdən çıxdı və 2 saat sonra evə zəng elədi, "hərbi komissarlıqdayam, əlim-qolum bağlı otura bilmərəm, əsgər gedirəm" dedi. Qardaşım Tağıyev qəsəbəsində yerləşən N saylı hərbi hissəyə hərbi xidmətə göndərildi. İdmanla məşğul olduğuna görə hərbi hissənin kəşfiyyat bölüyündə xidmət etməyə başladı. Sonra eşitdik ki, o, döyüş bölgəsinə -Tərtər rayonuna gedib”.

“Atamgil bayramqabağı ərzaq yığıb qardaşımın yanına getdilər. Ancaq həmin ərazidə qızğın döyüş getdiyinı görə qardaşımı tapa bilməyib geri qayıtmışdı. Bugünkü kimi yadımdadır, anam ərzaqları geri qaytardığına görə bir neçə gün atamı danışdırmadı. Deyirdi ki, "ərzaqları İlqara verə bilmədin, heç olmasa, ordakı əsgərlərə verərdin"” – deyə o kədərlə əlavə etdi.

Həmin günlər İlqarın ailəsi üçün çox çətin keçib. Onlar övladlarının bir həftəyə məzuniyyətə gələcəyini gözləsələr də, onun qara xəbərini alıblar. Şəhidin kiçik bacısı Zəminə Heybətova həmin gün baş verənləri iniltili səslə pıçıldadı: "Qardaşımın itkin düşməsindən bizdən başqa bütün kəndin xəbəri olub. Axşamüstü qonşumuz anamı görüb, "can, ay Leyla, can" deyib. Anam da məəttəl qalıb ki, qonşumuz nə üçün belə deyir. Qohum-qonşu hamı bizdən soruşurdu ki, "İlqardan nə xəbər?", anam da deyirdi ki, "bir həftəlik məzuniyyətə gələcək". Anamın xəbərsiz olduğunu bilib susurmuşlar. Ertəsi gün məktəbdə müəllimlər, uşaqlar soruşdu ki, “İlqardan nə xəbər var”?”. Mən cavab verəndə ki, 1 həftəyə gələcək, hamı mənə qəribə baxırdı. İkinci dərsdə dayım gəldi ki, “dur gedək, nənən can üstədir".

Qarabağ müharibəsində itkin düşən İlqar Heybətağa oğlu Heybətovun  bacısı
© Sputnik / Leyla Abdullayeva
Qarabağ müharibəsində itkin düşən İlqar Heybətağa oğlu Heybətovun  bacısı

"Dayım gedib anamla bacımı da götürdü. Nənəmgilin həyətinə girəndə gördük ki, həyət adamla doludur. Babam da başıaşağı oturub .Anamla bacım içəri girdi, babam məni bərk-bərk qucaqlayıb ağladı. Həmin an içəridən qışqırıq qopdu. Tez evə qaçdım, elə bildim ki, nənəm dünyasını dəyişib. İçəri daxil olanda anamın özündən getdiyini, nənəminsə saçlarını yolduğunu gördüm. Tez qışqırdım, soruşdum ki, anama nə olub. Onda dayım dedi ki, İlqardan qara xəbər var” – deyən bacı hönkürtü ilə ağladı.

Bir qədər özünü ələ alandan sonra yenidən danışmağa başladı: “Həmin an özümdən getmişəm, ayılanda gördüm ki, atam başımı qucaqlayıb yalvarır, "qızım özünə gəl, birini itirmişəm, bəsimdir, sizə də nəsə olsa, necə dözərik". Səhəri gün dayım anamı qucaqlayıb ağlayanda anamın başından yaylıq açıldı. Hamı dəhşətə gəldi. Anamın bir gecədə saçları ağappaq olmuşdu".

Qarabağ müharibəsində itkin düşən İlqar Heybətağa oğlu Heybətovun  bacısı
© Sputnik / Leyla Abdullayeva
Qarabağ müharibəsində itkin düşən İlqar Heybətağa oğlu Heybətovun  bacısı

Söhbətimizin bu yerində hər kəs ağladı, ardınca isə evə bir neçə dəqiqəlik dəhşətli sükut çökdü. Sonra yenidən böyük bacı danışmağa davam etdi: “Atam kənd sovetliyində çalışırdı. Bu hadisədən sonra işdən ayrılıb qardaşımı axtarmağa başladı. Bəlkə nəsə nəsə öyrənər deyə, günlərlə, aylarla evə gəlmədi. İlqarın xidmət etdiyi hərbi hissənin komandiri ilə görüşüb. Polkovnik-leytenant Eldar Ağayev İlqarın lənkəranlı döyüşçü ilə birlikdə ermənilərin pusqusuna düşdüyünü bildirib. Ermənilər bizim dildə danışaraq onları aldadıblar və İlqarı əsir götürüblər. İlqarla birlikdə olan əsgər hərbi hissəyə qayıdaraq komandirlərinə bu barədə xəbər verib".

"Atam həmkəndlisi, əslən Gürcüstanın  Marneuli rayonundan olan Abdulla İsayevdən erməni kəndinə gedərək İlqardan bir xəbər gətirməsini xahiş edib. A.İsayev  atama həmin kəndə bir neçə dəfə getdiyini və ermənilərdən öyrəndiyi məlumata görə, İlqarın Ermənistanın Masis rayonunda əsir kimi saxlandığını deyib. Onunla xidmətdə olan başqa bir əsgər yoldaşı isə bizə İlqarın həlak olduğunu söylədi. Bu xəbəri eşidən kimi babamın ürəyi dayandı, dünyasını dəyişdi" – deyən bacının boğazında qəhər düyünləndi.

İlqarın ölüm və itkin xəbərinin gəlməsinə baxmayaraq, Heybətovlar ailəsinin gözü hələ də yoldadır. İlqarın anası Umleyla xanım İlqarla əsgərlikdə olan, onu tanıyan komandir və əsgər yoldaşlarının oğlundan bir xəbər verəcəkləri günün xəyalı ilə yaşadığını bildirdi.

“25 ildir mən yaşamıram. Hər gün oğlumun gələcəyi günü gözləyirəm. Qızlarım ailəli olduğundan rayonda, oğlum isə Moskva şəhərində yaşayır. Evdə tək qalsam da, tək deyiləm, hər gün xəyallarımda, yuxularımda İlqarımla danışıram. Ölüm haqdır, amma itkin düşmək  dəhşətlidir. Bir anaya 25 il gözü qapıda qalmaq, oğlunun sağ olub-olmadığını dayanmadan fikirləşmək və sağdırsa, düşmənin əlində hansı əzablara dözdüyünü düşünmək qədər ağır cəza ola bilməz” – dərdli ana söylədi.

Qarabağ müharibəsində itkin düşən İlqar Heybətağa oğlu Heybətovun  anası
© Sputnik / Leyla Abdullayeva
Qarabağ müharibəsində itkin düşən İlqar Heybətağa oğlu Heybətovun  anası

Ailə üzvləri deyir ki, ötən 25 ildə bu evdə bircə dəfə də olsun, bayram süfrəsi açılmayıb: “İlk illərdə qohum-əqrəba bayramlarda qorxudan içəri girə bilmirdi. Çünki demişdim ki, kim qapıya bayram təbrikinə gəlsə, qovulacaq. Gecə şirniyyat dolu torbanı qapıdan asıb gedirdilər. Səhərsə mən o şirniyyatları itlərə tökürdüm. Nəvələrim dünyaya gələndən sonra bir qədər yumşaldım, amma içimdəki dərd məni yeyib bitirdi”.

İlqarın bacıları hələ də toylarda əllərinə xına qoymurlar. Tez-tez analarının başına toplaşır, ağlaşır, bir gün onun haqqında ölüm və ya qalım xəbərini eşidəcəkləri günü gözləyirlər: “İlqarla xidmət edən əsgər və komandir heyətindən xahiş edirəm ki, İlqarımla bağlı düzgün xəbəri olan varsa, bizə bildirsin. Gözüm yolda ölmək istəmirəm".

Qeyd edək ki, İlqar Heybətova 1999-cu ildə şəhidlik statusu verilib.

10933
Teqlər:
Siyəzən, ana, şəhid, əsir, itkin, müharibə, Qarabağ
Əlaqədar
Dağlıq Qarabağ münaqişəsinin nizamlanması artıq reallıq olur
Ermənistan Qarabağ danışıqlarından nə istədiyini açıqladı
Brüsseldə ümumavropa Qarabağ mitinqi olub
Qırmızı Xaç Komitəsinin avtomobilləri, arxiv şəkli

Azərbaycanla Ermənistan əsirlərin dəyişdirilməsi barədə razılığa gəlirlər

62
(Yenilənib 20:16 04.12.2020)
Dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

BAKI, 4 dekabr — Sputnik. Ermənistan və Azərbaycan əsir və itkin düşmüş hərbçilərin və mülki şəxslərin siyahılarını mübadilə edib. Sputnik Ermənistan xəbər verir ki, bunu Ermənistan Baş nazirinin müavini Tiqran Avinyanın aparatı məlumat yayıb.

Qeyd olunur ki, münaqişə tərəfləri şəxslərin qarşılıqlı qaytarılması məqsədilə vətəndaşların adları olan siyahıları Beynəlxalq Qırmızı Xaç Komitəsinə veriblər.

Xatırladaq ki, dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

"Bundan əlavə, heç bir ilkin şərt olmadan yeni əsrlərin geri qaytarılması mexanizmi də təklif olunur", - deyə Avinyan qeyd edib.

O, həmçinin Qarabağda hərbi əməliyyatların dayandırılması və atəşkəs rejiminin bərqərar olmasına görə Rusiya tərəfinə təşəkkür edib.

Görüş zamanı tərəflər girovların qaytarılması, itkin düşənlərin axtarışı və ölənlərin cəsədlərinin axtarışı ilə bağlı məsələləri də müzakirə ediblər.

62
Ceyhun Bayramov, arxiv şəkli

Bayramov Rinkeviç Qarabağı müzakirə etdilər

14
Nazirlər, həmçinin ölkələr arasında mövcud olan ikitərəfli münasibətlərdən bəhs edib və çoxtərəfli formatlarda əməkdaşlıq məsələlərini müzakirə ediblər.

BAKI, 4 dekabr — Sputnik. Bu gün xarici işlər naziri Ceyhun Bayramovun Latviya Respublikasının xarici işlər naziri Edqars Rinkeviç ilə telefon danışığı olub.

Bu barədə Sputnik Azərbaycan-a Azərbaycan Xarici İşlər Nazirliyindən məlumat verilib.

Nazirlər bölgədə mövcud olan son vəziyyət, 10 noyabr 2020-ci il tarixli birgə bəyanatın icrası ilə bağlı məsələlər ətrafında fikir mübadiləsi aparıblar.

Nazirlər, həmçinin ölkələr arasında mövcud olan ikitərəfli münasibətlərdən bəhs edib və çoxtərəfli formatlarda əməkdaşlıq məsələlərini müzakirə ediblər.

Eyni zamanda telefon danışığı zamanı Avropa İttifaqının Şərq Tərəfdaşlığı Proqramında iştirakla bağlı məsələlər nəzərdən keçirilib.

Tərəflər, habelə qarşılıqlı maraq doğuran digər məsələləri müzakirə ediblər.

14
Teqlər:
XİN, Qarabağ
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

0
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

0
Teqlər:
Nəsimi rayonu, Bakı şəhəri, sahibkarlıq subyektləri