Yerevan

Yerevanda böyük çaşqınlıq: Dağlıq Qarabağ üzrə mövqelər əldən gedir

7215
(Yenilənib 12:00 04.02.2019)
"Təcili vəziyyəti dəyişmək lazımdır, əks halda Ermənistan rəhbərliyinin təcrübəsizliyi ciddi nəticələrə səbəb olacaq"

BAKI, 4 fevral — Sputnik. "Rusiya xarici işlər nazirinin müavini Qriqori Karasinin Ermənistana səfəri digər məsələlərlə yanaşı, həmçinin Ermənistanın Qarabağla bağlı heç də aydın olmayan mövqeyini öyrənmək məqsədi daşıyıb". Bunu Sputnik Ermənistan-a açıqlamasında politoloq Ervand Bozoyan deyib. 

"Karasinin səfəri daha çox qeyri-formal xarakter daşıyırdı. Davosda görüşdən sonra (İlham Əliyevlə – red) və Nikol Paşinyanın Con Boltonla danışmasından sonra hər hansı bir prosesinin getməsi təəssüratı yaranıb. Erməni cəmiyyəti də daxil olmaqla, bir çoxlarında narahatlıq var idi. Rusiyada isə Qarabağ münaqişəsinin nizamlanmasına dair təşəbbüsü ABŞ-ın üzərinə götürməsinə dair narahatlıq yaranıb" - deyə Bozoyan qeyd edib.

Onun sözlərinə görə, Rusiya yaxın perspektivdə nəyi gözləməli olduğunu, danışıqlar prosesi çərçivəsində Ermənistanın mövqeyinin nədən ibarət olduğunu anlamaq istəyir: "Paşinyanın "sülh qarşılığında ərazi formulu" üzrə danışıqlar aparmamasına dair bəyanatı Azərbaycanı ciddi şəkildə təəccübləndirib. Həm Azərbaycan, həm də Ermənistanın ekspert dairələrində nələrin baş verməsinə dair təsəvvür yoxdur. Hazırda kifayət qədər ziddiyyətli proses gedir, danışıqların əsaslandığı prinsiplər aydın deyil. Erməni rəhbərliyi Madrid prinsiplərini dəyərləndirməkdən yayınır, lakin digər bazis də göstərmirlər".

Bozoyan xatırladıb ki, Ermənistan tərəfi Dağlıq Qarabağ adından danışıqlar aparmayacağını bildirirdi: "Lakin XİN rəhbərləri 4 dəfə görüşüb. Onlar nədən danışıblar? Hava haqqında danışdıqlarını düşünmürəm. ATƏT-in Minsk qrupunun həmsədrlərinə gəldikdə isə, hər bir həmsədr ölkə əsas vasitəçi missiyanı öz üzərinə götürmək istəyib. Vaşinqton, Paris və Moskva daim bu məsələ də bir-birini əvəzləyib".

"Ermənistanda hakimiyyət dəyişdikdən sonra "Bolton modeli" formalaşdı. O, regiona səfərindən sonra münaqişənin tezliklə həllinin vacibliyini vurğulayaraq danışıqlar prosesində aktiv şəkildə iştirak etməyə başladı. Bu mərhələdə ABŞ-ın aktivliyi Rusiyada narahatlıq yaratdı. Lakin nə Moskva, nə də Vaşinqton Yerevanın mövqeyini anlayır ki, Ermənistanın güzəştlər məsələsində "qırmızı xətti" hansıdır" - deyə politoloq vurğulayıb.

Ekspert qeyd edib ki, bu reallıq Ermənistanın danışıqlar prosesində "fundamental üstünlüyünü" itirməsinə gətirib çıxarır: "Bu prosesin davam etməsi həmsədrlər üçün Yerevan və Bakını bərabərləşdirəcək. Lakin əvvəllər ilk növbədə güzəştlər Azərbaycan tərəfindən gözlənilirdi. Bu, həm Kazanda, həm Madriddə, həm də Ki-Uestdə belə olub".

Bozoyanın sözlərinə görə, təcili vəziyyəti dəyişmək lazımdır, əks halda Ermənistan rəhbərliyinin təcrübəsizliyi ciddi nəticələrə səbəb olacaq.

7215
Teqlər:
danışıq, ABŞ, Rusiya, Dağlıq Qarabağ, Azərbaycan, Ermənistan
Əlaqədar
Koçaryan həbsdən səsləndi: “Paşinyan Qarabağ danışıqlarında səhvlər edib”
Münhendə Qarabağa dair Ermənistan – Azərbaycan görüşünün keçirilməsi gözlənilir
Rusiya XİN-dən Dağlıq Qarabağla bağlı mühüm bəyanat
Politoloq: “Rusiyanın iradəsi Qarabağ münaqişəsini ölü nöqtədən çıxaracaq”
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

75
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

75
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

43
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

43
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ