İlham Əliyevin və Ermənistanın baş naziri Nikol Paşinyanın Davosda qeyri-rəsmi görüşü olub

Nikol Paşinyan İlham Əliyevin "tələ"sinə düşdü Ermənistanda acı etiraf

8431
(Yenilənib 15:53 29.01.2019)
Eduard Şarmazanov: "Hazırda Azərbaycan 2019-cu ilin danışıqlarda dönüş ili olacağından danışır, Ermənistan hakimiyyəti isə ya susur, ya da danışıqların olmasını təkzib edir"

BAKI, 29 yanvar — Sputnik. Ermənistanın baş naziri Nikol Paşinyan Azərbaycan Prezidenti İlham Əliyevin "tələ"sinə düşüb. Sputnik Ermənistan xəbər verir ki, bunu Ermənistan parlamentinin sabiq vitse-spikeri, Respublikaçı Partiyasının mətbuat katibi Eduard Şarmazanov deyib.

Эдуард Шармазанов
© Sputnik / Aram Nersesyan
Eduard Şarmazanov

"Paşinyan əvvəlki hökumətdən qalan siyasi kapitalı xərclədi. Vyana, Sankt-Peterburq və Cenevrədə aydın addımlar və öz müqəddəratını təyin etmək hüququna istinad edən bəyanatlar var idi" - Şarmazanov bildirib.

Onun sözlərinə görə, Ermənistanın baş naziri ATƏT-in Minsk qrupunun həmsədrlərinin deyil, İlham Əliyevin sözlərinə, Düşənbədəki razılaşmalara istinad edir: "Paşinyan Düşənbədə liftdə Əliyevin tələsinə düşdü".

Şarmazanov qeyd edib ki, baş nazir bu məsələni Ermənistanda səlahiyyətli şəxslərlə müzakirə etməlidir: "Hazırda Azərbaycan 2019-cu ilin danışıqlarda dönüş ili olacağından danışır, Ermənistan hakimiyyəti isə ya susur, ya da danışıqların olmasını təkzib edir".

"Xarici siyasətə barmaqarası baxmaq olmaz. Ermənistanda hakimiyyət dəyişikliyi olub və hakimiyyətə Levon Ter-Petrosyanın tezislərinin tərəfdarları gəlib. Biz Azərbaycana qalib gəlmişik və indi də ondan sülh istəyirik? Belə bir xahiş fəlakətlə nəticələnə bilər" - keçmiş iqtidar komandasının təmsilçisi vurğulayıb.

Qeyd edək ki, hazırda Ermənistanın Respublikaçı Partiyasının sədri ölkənin sabiq prezidenti Serj Sarqsyandır.

Bu arada, Ermənistanın Daşnaksütyun Partiyasının təmsilçisi Armen Rustamyan isə hazırkı hakimiyyəti Qarabağ məsələsində güzəştə getməməyə çağırıb.

Xatırladaq ki, Ermənistan baş naziri Nikol Paşinyanla Azərbaycan Prezidenti İlham Əliyev arasında son görüş yanvarın 22-də Davosda baş tutub. Paşinyan bildirib ki, onlar danışıqlar prosesinin tarixini, nizamlanma üçün şərtlərin yaradılması imkanlarını, mövcud maneələri və s müzakirə ediblər: "Heç bir konkretlik olmayıb, detallar müzakirə olunmayıb".

8431
Teqlər:
İlham Əliyev, prezident, Azərbaycan, Nikol Paşinyan, baş nazir, Ermənistan
Əlaqədar
Sarqsyanın partiyasında təlaş: Paşinyan Əliyevlə deyil, bizimlə məsləhətləşməlidir
Paşinyan Rusiyanın xoşuna gəlməyəcək bəyanat verdi
Koçaryan həbsdən səsləndi: “Paşinyan Qarabağ danışıqlarında səhvlər edib”
Ermənistan tərəfi xahiş etdi, Medvedyev Paşinyanla görüşdü
Prezident İlham Əliyev Şuşada

İlham Əliyev: "Gəlin alın, görüm necə alırsınız?"

15
(Yenilənib 21:49 15.01.2021)
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

15
Türkiyənin Xarici İşlər naziri Mövlud Çavuşoğlu

Çavuşoğlu: "Qarabağa səfərlərə Azərbaycan icazə verməlidir"

11
Türkiyə XİN başçısı Rusiya Federasiyasını Qarabağdakı sülhməramlıların statusunu müəyyənləşdirməyə çağırıb.

BAKI, 15 yanvar — Sputnik. Türkiyənin xarici işlər naziri Mövlud Çavuşoğlu Azərbaycanın Qarabağ bölgəsində yerləşdirilən rusiyalı sülhməramlıların fəaliyyətinə münasibət bildirib.

"Report" xəbər verir ki, o, Pakistandan qayıdarkən jurnalistlərin məsələ ilə bağlı sualını cavablandırıb.

Çavuşoğlu qeyd edib ki, məsələni Rusiya rəhbərliyi ilə müzakirə ediblər: “Siz sülhməramlı olaraq oradasınız. Kimin gəlib-getdiyi məsələsində qərar vermənin məsuliyyəti sizdə deyil” dedik”.

Onun sözlərinə görə, sülhməramlıların sayı ilə bağlı Azərbaycan Türkiyəyə hər hansısa narazılığını bildirməyib:

“Bu məsələ ilə bağlı Azərbaycandan şikayət gəlməyib. Əsas məsələ Rusiyanın Laçın dəhlizindən istifadəyə icazə verilməsindəki roludur. O da bunun üçün Azərbaycandan icazə almalıdır. Qarabağ Azərbaycan torpağıdır. Sabah hər hansısa bir status-kvo müəyyən edilsə də, yenə də Azərbaycanın sərhədləri çərçivəsində olacaq. Bu səbəbdən Azərbaycandan icazəsiz bunları etməməsi lazımdır”.

Nazir həmçinin deyib ki, Türkiyə Qarabağdakı Rusiya sülhməramlılarının statusu ilə əlaqədar razılaşma imzalamağa Rusiyanı təşviq edir. “Gələcəkdə ehtiyac olarsa, Azərbaycan ilə ikitərəfli razılaşma əldə edərək lazımi dəstəyi hər zaman verə bilərik”, - o vurğulayıb.

11
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0