Министр иностранных дел Армении Зограб Мнацаканян на 38-ом заседании глав МИД ОЧЭС (27 июня 2018). Еревaн

Yerevan "xalqların sülhə hazırlanması"na reaksiya verdi: Sülhün alternativi fəlakətdir

10699
(Yenilənib 12:00 28.01.2019)
Zöhrab Mnatsakanyan: "Xalqları sülhə hazırlamaq bir neçə funksiyanı nəzərdə tutur və buna dair dəqiq bir formul yoxdur"

BAKI, 28 yanvar — Sputnik. "Qarabağa dair heç bir gizli razılaşma yoxdur. Bu baxımdan ictimaiyyət panik əhval-ruhiyyəyə düşməməlidir". Sputnik Ermənistan xəbər verir ki, bu barədə Ermənistan xarici işlər naziri Zöhrab Mnatsakanyan açıqlama verib.

Azərbaycan Respublikasının Prezidenti İlham Əliyev
© Official website of President of Azerbaijan Republic

Qeyd edək ki, Ermənistan və Azərbaycan XİN rəhbərlərinin görüşünün yekunlarına dair bəyanatda göstərilən - hər iki ölkənin xalqının və cəmiyyətinin sülhə hazırlanması müddəası erməni cəmiyyətində müxtəlif söz-söhbətlərin yaranmasına səbəb olub.

Mnatsakanyan bildirib ki, hazırda sülh prosesinin reallaşması mexanizmi aydın deyil: "Sizin bilmədiyiniz heç bir şey yoxdur. Bizim üçün vacib olan məsələlər ətrafında dialoq gedir. Cəmiyyətdə bizim nəyisə itirməyimiz və ya güzəştə getməyimizə dair söhbətlər məni təəccübləndirir".

"Bu əhval-ruhiyyə haradan qaynaqlanır? Belə bir şey mövcud deyil və bizim mövqeyimizdə heç bir geri çəkilmə yoxdur. Bizim etdiyimiz və ictimaiyyəti məlumatlandırmadığımız heç bir şey yoxdur" - deyə Mnatsanaknayan bəyan edib.

Onun sözlərinə görə, rəsmi Yerevan münaqişənin Minsk qrupu çərçivəsində, yalnız dinc yolla həll olunması mövqeyindən dönməyib: "Erməni tərəfi üçün prioritet olaraq status-kvo və təhlükəsizlik məsələləri qalır".

Nazir vurğulayıb ki, BMT tərəfindən də səsləndirilən hər iki xalqı və cəmiyyəti sülhə hazırlamaq tezisi yeni deyil: "Bu barədə dəfələrlə danışılıb. BMT-nin həmişə prosesə yardım etmək barədə mövqeyi olub. Mən bu mövqeyi yüksək qiymətləndirirəm".

"Xalqları sülhə hazırlamaq bir neçə funksiyanı nəzərdə tutur və buna dair dəqiq bir formul yoxdur. Bizim qətiyyətimiz şübhə altına alına bilinməz. Sadəcə olaraq, sülhün alternativi yoxdur, sülhün alternativi fəlakətdir" - deyən Ermənistan XİN rəhbəri qeyd edib ki, gərginlik risklərinin azalması məsələsi gündəmdədir.

10699
Teqlər:
ölkə, xalq, cəmiyyət, Zöhrab Mnatsakanyan, sülh, XİN, nazir, erməni, Qarabağ
Əlaqədar
Politoloq: “Rusiyanın iradəsi Qarabağ münaqişəsini ölü nöqtədən çıxaracaq”
Koçaryan həbsdən səsləndi: “Paşinyan Qarabağ danışıqlarında səhvlər edib”
Moskvada “Qarabağ” mini-futbol komandasının rəsmi təqdimatı keçirilib
Azərbaycan HHQ-nin təyyarəsi, arxiv şəkli

Ağdam istiqamətində Ermənistan SQ-nin hərbi texnikası infrastrukturu məhv edilib

31
(Yenilənib 19:29 24.10.2020)
Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edilib.

BAKI, 24 oktyabr - Sputnik. Oktyabrın 24-də saat 13:00-dan 15:00-dək Azərbaycan Hərbi Hava Qüvvələrinin (HHQ) döyüş aviasiyası cəbhənin Ağdərə və Ağdam istiqamətlərində Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edib. Sputnik Azərbaycan bu barədə Müdafiə Nazirliyinə istinadən xəbər verir.
Azərbaycan HHQ-si düşmənin hərbi infrastrukturuna hava zərbələri endirməyə davam edir.

31
Mövzu:
Azərbaycan və Ermənistan arasında müharibə
Azərbaycan hərbçiləri, arxiv şəkli

Ermənistan ordusunun hücum cəhdinin qarşısı alınıb

36
(Yenilənib 19:18 24.10.2020)
Bölmələrimizin sərt müqaviməti ilə rastlaşan düşmən geri çəkilməyə məcbur edilib. Düşmən qüvvələrindən əsir götürülənlər var.

BAKI, 24 oktyabr - Sputnik. Oktyabrın 24-də günorta saatlarında Ermənistan silahlı qüvvələrinin bölmələri Sünik-Zəngilan yolu istiqamətindən bölmələrimizə hücum etməyə cəhd edib.

Bu barədə Sputnik Azərbaycan-a Müdafiə Nazirliyinin Mətbuat Xidmətindən məlumat verilib.

Bölmələrimizin sərt müqaviməti ilə rastlaşan düşmən geri çəkilməyə məcbur edilib. Düşmən qüvvələrindən əsir götürülənlər var.

36
Mövzu:
Azərbaycan və Ermənistan arasında müharibə