Gələn ilin regional təhlükəsizlik trendləri nələrdir: mövzusunda mətbuat konfransı

"Azərbaycan Qarabağ məsələsində icmalararası dialoqa hazırdır"

109
(Yenilənib 12:50 04.01.2019)
Elxan Şahinoğlu: "Paşinyan hakimiyyəti Dağlıq Qarabağ münaqişəsinin həlli istiqamətində addım atmalıdır"

BAKI, 4 yanvar — Sputnik. "Ötən il Ermənistanda baş verən hakimiyyət dəyişikliyi başa çatsa da, ölkədə qeyri-sabitlik davam edir. Nikol Paşinyanın qarşısında həllini gözləyən problemlər var".

Qərbi Kaspi Universitetinin Tətbiqi Politologiya Mərkəzinin eksperti Kənan Paşayev
© Sputnik / Murad Orujov
Qərbi Kaspi Universitetinin Tətbiqi Politologiya Mərkəzinin eksperti Kənan Paşayev

Bu gün Sputnik Azərbaycan Multimedia Mərkəzində 2019-cu ilin siyasi trendləri mövzusunda keçirilən tədbirdə, Qərbi Kaspi Universitetinin Tətbiqi Politologiya Mərkəzinin eksperti Kənan Paşayev belə deyib.

"Ermənistanda Paşinyana qarşı güclü müxalifət formalaşıb. Hazırkı Ermənistan hakimiyyəti xarici siyasətini balanslaşdıra bilmir. Bu gedişat Ermənistanı siyasi səhnədə tək qoya bilər" - deyə politoloq bildirib.

Daha sonra çıxış edən "Atlas" Araşdırmalar Mərkəzinin rəhbəri, politoloq Elxan Şahinoğlu Paşinyanın qarşısında duran həlli vacib məsələləri açıqlayıb. Onun fikrincə, bu il ərzində Paşinyan hakimiyyəti Dağlıq Qarabağ münaqişəsinin həlli istiqamətində addım atmalıdır.

"Əks təqdirdə cəbhə xəttində vəziyyət gərginləşəcək. Ermənistanın iqtisadi vəziyyəti ağırdır. Bu vəziyyətdən çıxış yolu münaqişənin həllindən keçir. Ötən il Azərbaycanın Qarabağ icmasının rəhbərliyində dəyişiklik edildi. Bu, onu göstərir ki, Azərbaycan artıq icmalararası dialoqa hazırdır" - Şahinoğlu vurğulayıb.

109
Teqlər:
politoloq, Elxan Şahinoğlu, hakimiyyət, Nikol Paşinyan, Qarabağ, Azərbaycan, Ermənistan
Əlaqədar
Qarabağın azərbaycanlı icması erməni icması ilə konstruktiv dialoqun aparılmasına hazırdır
Gələn il Qarabağ danışıqları üçün nə vəd edir - Politoloq şərhi
Putin-Paşinyan görüşündə Dağlıq Qarabağ münaqişəsi müzakirə olunmayıb

İlham Əliyev Azərbaycanı dəstəkləyən ölkələrin başçılarına məktublar ünvanlayıb

17
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

17
Mövzu:
Azərbaycan və Ermənistan arasında müharibə
(1:25 / 11.15Mb / просмотров видео: 56)

Ermənistan ordusunun atəş nöqtələri məhv edilib - VİDEO

40
(Yenilənib 18:40 25.10.2020)
Azərbaycan silahlı qüvvələri işğalçı ordunun bölmələrinin atəş nöqtələrini məhv etməkdə davam edirlər.

Cəbhənin müxtəlif istiqamətlərində gedən döyüşlərdə Azərbaycan Ordusunun bölmələri öz üstünlüyünü qoruyub. Sputnik Azərbaycan bu barədə Müdafiə Nazirliyinə istinadən məlumat verir.

Oktyabrın 25-də aparılan uğurlu döyüş əməliyyatları zamanı düşmənin 2 artilleriya qurğusu, 2 BM-21 “Qrad”, 1 komanda qərargah maşını, 1 komanda idarəetmə məntəqəsi, 2 yük maşını, 1tank və bir neçə atəş nöqtəsi məhv edilib.

40
Mövzu:
Azərbaycan və Ermənistan arasında müharibə