Türkiyə xarici işlər naziri Mövlud Çavuşoğlu

"Qarabağ münaqişəsini həll etmək lazımdır" Çavuşoğlu Paşinyana cavab verdi

510
(Yenilənib 13:05 26.12.2018)
Əgər Ermənistan izolyasiyada yaşamaq istəmirsə, onda mövcud problemləri həll etmək lazımdır

BAKI, 26 dekabr — Sputnik. Türkiyə xarici işlər naziri Mövlud Çavuşoğlu Ermənistanın baş nazirinin səlahiyyətlərini icra edən Nikol Paşinyanın Ankara ilə əlaqələri normallaşdırmağa dair bəyanatını şərh edib. Bu barədə Sputnik Ermənistan "Ermənihaber"-ə istinadən xəbər verir.

Qeyd edək ki, daha əvvəl Paşinyan parlament seçkilərindən sonra rəsmi Yerevanın qeyri-şərtsiz Ankara ilə əlaqələri normallaşdırmağa hazır olduğunu bildirib.

Lakin Çavuşoğlu deyib ki, bununla bağlı Türkiyə rəhbərliyinin öz şərti var: "Məgər biz Azərbaycan üçün həssas olan məsələləri nəzərə almadan nəsə addım ata bilərik? Əlaqələri eyni vaxtda həm Türkiyə, həm də Azərbaycanla problemləri həll etməklə normallaşdırmaq lazımdır. Qarabağ məsələsini, işğal olunmuş torpaqlar məsələsini həll etmək lazımdır", - deyə Çavuşoğlu vurğulayıb.

Onun sözlərinə görə, əgər Ermənistan izolyasiyada yaşamaq istəmirsə, onda mövcud problemləri həll etmək lazımdır.

Xatırladaq ki, Türkiyə Qarabağ məsələsində Azərbaycana dəstək olaraq 1993-cü ildə Ermənistanla sərhədi bağlayıb.

510
Əlaqədar
Ankara Trampın Suriyadan çıxmaq qərarını alqışlayır – Çavuşoğlu
Çavuşoğlu Pompeo ilə ABŞ qoşunlarının Suriyadan çıxarılmasını müzakirə edib
Lavrov-Çavuşoğlu görüşü baş tutub
Çavuşoğlu ABŞ-ın qərarına görə təcili Moskvaya gəlir