Anar Bağırov

"Avropa Məhkəməsi Şahbaz Quliyev Dilqəm Əsgərovun işinə lazımi diqqət göstərir"

119
(Yenilənib 14:18 12.12.2018)
Anar Bağırov: "Avropa İnsan Hüquqları Məhkəməsi tərəfindən sənədlər, müraciətlər hər iki tərəfə ünvanlanır"

Eldar Tanrıverdiyev, Sputnik Azərbaycan

BAKI, 12 dekabr — Sputnik. "Şahbaz Quliyev və Dilqəm Əsgərovun işinə dair Avropa İnsan Hüquqları Məhkəməsinə müraciətlə bağlı məsələdə kommunikasiya davam edir".

Sputnik Azərbaycan xəbər verir ki, bunu jurnalistlərə açıqlamasında Vəkillər Kollegiyasının sədri Anar Bağırov deyib. O bildirib ki, Avropa İnsan Hüquqları Məhkəməsi tərəfindən sənədlər, müraciətlər hər iki tərəfə ünvanlanır.

"Bu məsələdə məsuliyyət daşıyan Ermənistandır. Çünki Dağlıq Qarabağı işğal edən məhz onlardır. Artıq bu fakt Avropa Məhkəməsi tərəfindən tanınıb" - sədr vurğulayıb.

"Qarabağdakı qondarma rejim tərəfindən bizim vətəndaşların hüquqları kobudcasına pozulub. Avropa Şurası və Avropa Məhkəməsi də bu məsələyə lazımi diqqəti göstərir" - deyə Bağırov əlavə edib.

Xatırladaq ki, 2014-cü il iyulun 11-də Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcər rayonunda öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə öldürülüb.

İşğal altındakı Dağlıq Qarabağda Dilqəm Əsgərov və Şahbaz Quliyev üzərində qanunsuz "məhkəmə" qurublar. "Məhkəmə"nin qərarı ilə Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilmə cəzasına məhkum olunub.

119
Teqlər:
sədr, Anar Bağırov, Vəkillər Kollegiyası, Avropa İnsan Hüquqları Məhkəməsi, Dilqəm Əsgərov, Şahbaz Quliyev
Əlaqədar
BQXK əməkdaşları Dilqəm Əsgərov və Şahbaz Quliyevlə görüşüblər
Dilqəm və Şahbaz erməni diversantlarla dəyişdirilə bilər
Dilqəm Əsgərov və Şahbaz Quliyevin azadlığı məsələsi ATƏT PA-da qaldırılacaq
Girov Şahbaz Quliyevin ailəsi yardım istəyir
Dağıdılmış Ağdam şəhərinə mənzərə

"Böyük qayıdış" planı hazırlanır: İşğaldan azad edilmiş ərazilərin bərpası illərlə çəkəcək

73
(Yenilənib 22:12 02.12.2020)
Ölkədə ikinci dərəcəli işlər - yolların salınması, körpülərin tikilməsi, binaların yeni fasadla təmin edilməsi müvəqqəti olaraq dayandırılacaq.

İradə Cəlilova, Sputnik Azərbaycan

BAKI, 2 dekabr — Sputnik. Azərbaycanın 30 ilə yaxındır ki, işğal altında olan əraziləri artıq azad edilib. Həmin ərazilərdə yenidən yaşayış məntəqələrin salınması, qaçqın və məcbur köçkünlərin öz yurd-yuvalarına qaytarılması üçün "Böyük qayıdış" planı hazırlanmaqdadır.

Bəs işğaldan azad edilmiş ərazilərdə tikinti işlərinin aparılması, fərdi evlərin, binaların, obyektlərin tikilməsi üçün Azərbaycanın yetərli qədər tikinti şirkəti, maliyyə vəsaiti varmı?

Tikinti-əmlak məsələri üzrə ekspert Elnur Fərzəliyev Sputnik Azərbaycan-a açıqlamasında bildirib ki, işğaldan azad edilmiş kənd və qəsəbələrdə çoxmərtəbli binaların sayı çox olmayacaq. Belə ki, həmin ərazilərdə 1-2 mərtəbəli kənd tipli evlər tikiləcək.

"Azərbaycanda fəaliyyət göstərən tikinti şirkətləri həddən artıq çoxdur. Azərbaycan şirkətləri Rusiyada, Orta Asiyada, Qazaxıstanda, Ukraynada binalar tikirdilər. Yəni kifayət qədər tikinti şirkətlərimiz var. Ancaq nəzərə almalıyıq ki, indi işğaldan azad edilmiş ərazilərdə tikinti işləri aparıla bilməz. Həmin ərazilər minalardan təmizlənməlidir," - deyən mütəxəssis bildirib ki, həmin kənd və şəhərlərin təmizlənməsi uzun illər tələb edəcək.

Onun sözlərinə görə, buna görə də işğaldan azad edilmiş ərazilərdə tikinti işləri mərhələli şəkildə aparılacaq.

E.Fərzəliyev qeyd edib ki, burada tikinti şirkətləri podratçı rolunu oynayacaq. Yəni şirkətlər dövlətin maliyyəsi əsasında tikinti ilə məşğul olacaqlar.

"Həmin ərazilərdə çaylar çoxdur. Hesab edirəm ki, orada beton zavodları tikiləcək. Yəni tikintilərin aparılması çox asan olacaq. Və ehtiyac yaranarsa, digər ölkələrdən tikinti şirkətləri cəlb etmək mümkündür", - deyə o əlavə edib.

Digər ekspert Elnur Azadov isə hesab edir ki, inşaatın həcmini nəzərə alsaq, həmin ərazilərdə inşaat işlərini həyata keçirmək üçün ölkədə resurslar azdır.

"Düşünürəm ki, inşaat işləri həyata keçirilən zaman tələblər qoyulacaq, vaxt təyin ediləcək. Məsələn, həmin ərazilərdə tikinti işlərinin aparılması üçün 2-3 il vaxt ayrılarsa, Azərbaycanın o qədər resursu yoxdur. Ölkədə bu qədər texnika mövcud deyil", - deyən E.Azadov əlavə edib ki, tikintilərin həyata keçirilməsi üçün dövlət maliyyə vəsaiti ayıracaq. Və həmin vəsait dövlət büdcəsində yer almalıdır.

Ekspertin fikrincə, bunun üçün bütün iqtisadi proseslər, bütün investisiyalar hamısı işğaldan azad edilmiş ərazilərdə tikintilərin aparılmasına yönləndiriləcək. Bu isə o deməkdir ki, ölkədə ikinci dərəcəli işlər - yolların salınması, körpülərin tikilməsi, binaların yeni fasadla təmin edilməsi müvəqqəti olaraq dayandırılacaq.

Ekspert hesab edir ki, işğaldan azad edilmiş ərazilərdə tikintilərin, fərdi evlərin, çoxmənzilli evlərin tikilməsi üçün dövlət proqramı olacaq. Və bundan sonra işlər planlanacaq. Yəni hazırda işlərin necə həyata keçiriləcəyi barədə danışmaq tezdir.

73
Teqlər:
tikinti şirkətləri, yol tikintisi, tikinti, işğaldan azad edilmiş ərazilər, işğaldan azad etmə, Qarabağ
Əhmədbəyli-Füzuli-Şuşa avtomobil yolunun tikintisi

Şuşaya aparan yeni yolun tikintisinə yerli xarici şirkətlər cəlb edilib

19
(Yenilənib 20:53 02.12.2020)
Çətin relyefə malik olan ərazilərdə avtomobil yollarının inşası ilə bağlı təcrübəyə malik 2 türk və 1 yerli tikinti şirkəti də layihəyə cəlb olunub.

BAKI, 2 dekabr — Sputnik. Yeni Əhmədbəyli-Füzuli-Şuşa avtomobil yolunun inşasının tərtib olunmuş qrafikə uyğun, qısa müddət ərzində yekunlaşdırılması üçün tikinti işlərinə yerli və xarici şirkətlərin cəlb olunması prosesi yekunlaşdırılıb.

Sputnik Azərbaycan Azərbaycan Avtomobil Yolları Dövlət Agentliyinin məlumatına istinadla xəbər verir ki, Qarabağın tacı olan Şuşamıza aparan yeni avtomobil yolu layihəsi şərti olaraq 5 hissəyə bölünüb. Əsas qüvvə olaraq Azərbaycan Avtomobil Yolları Dövlət Agentliyinin canlı qüvvəsi və texnikaları hazırda layihə boyu tikinti işlərini həyata keçirir.

Bundan başqa, çətin relyefə malik olan ərazilərdə avtomobil yollarının inşası ilə bağlı təcrübəyə malik 2 türk və 1 yerli tikinti şirkəti də layihəyə cəlb olunub.

Hazırda "İnşaat Norma və Qaydaları"nın tələblərinə əsasən, layihə boyu torpaq işləri görülür. Belə ki, agentliyin rəhbərliyinin birbaşa nəzarəti altında, xüsusi texnikalardan istifadə olunmaqla yolun genişləndirilərək profilə salınması, həmçinin yeni yol yatağının inşası işləri aparılır.

Dövlət başçısının sərəncam və tapşırığına əsasən, Şuşamızın, ümumilikdə Qarabağımızın gələcək inkişaf perspektivləri nəzərə alınmaqla hazırlanan Əhmədbəyli-Füzuli-Şuşa avtomobil yolunun tikinti layihəsinin uzunluğu 101.5 km, yolun ümumi eni isə 37.7 m təşkil edəcək.

Yeni avtomobil yolunun əsas hissəsinin eni 21.5 olmaqla 4 hərəkət zolağından ibarət olacaq. Bundan başqa, relyefin imkan verdiyi əraziyə qədər layihə üzrə hər bir istiqamətdə əlavə geniş hərəkət hissəsinə malik 1 ehtiyat zolağın inşası da nəzərdə tutulub. Ehtiyat zolaqlarla birgə yolun bir hissəsinin 6 hərəkət zolağından ibarət olması planlaşdırılır.

Yeni Füzuli-Şuşa magistral avtomobil yolu başlanğıcını M6 Hacıqabul- Bəhrəmtəpə-Mincivan-Ermənistan Respublikası ilə dövlət sərhədi magistral yolunun Füzuli rayonunun Əhmədbəyli kəndindən keçən hissəsindən götürməklə işğaldan azad edilmiş Füzuli, Xocavənd və Xocalı rayonlarının ərazisindən keçir.

19
Teqlər:
yol, Füzuli, Şuşa
1 saylı Sağlamlıq İmkanları Məhdud Gənclərin Reabilitasiya Mərkəzində, arxiv şəkli

Sosial reabilitasiya müəssisəsinə qəbul olunanlar arasında xeyli uşaq var

0
(Yenilənib 23:47 02.12.2020)
Sosial reabilitasiya müəssisəsində hazırda 72 sakinə xidmət göstərilir. Onlardan 23-ü qadın, 49 nəfəri isə kişidir.

Nigar İsgəndərova, Sputnik Azərbaycan

BAKI, 3 dekabr — Sputnik. 2020-ci il noyabr ayı ərzində "Həssas əhali qruplarından olan şəxslər üçün Sığınacaq və Sosial Reabilitasiya Müəssisəsi"nə 23 sakin qəbul olunub.

Bu barədə Sputnik Azərbaycan-a Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyindən daxil olan məlumatda bildirilir.

Orada qurumun son aylardakı fəaliyyəti ilə bağlı qeyd olunur ki, müəssisəyə qəbul edilən 23 nəfərdən 7-si uşaq, 16-ı isə 18 yaşdan yuxarı olanlardır. Qəbul olunan yeni sakinlərin 12-si qadın, 11-i isə kişi cinsinə mənsubdur.

Məlumatda bildirilir ki, hazırda müəssisədə 72 sakinə xidmət göstərilir. Onlardan 23-ü qadın, 49 nəfəri isə kişidir. Sığınacaqda müvəqqəti məskunlaşanların yaş həddinə gəlincə, 72 sakinin 17-si uşaq, 55-i isə 18 yaşdan yuxarı olanlardır. 

0