Rusiya Xarici İşlər Nazirliyinin rəsmi təmsilçisi Mariya Zaxarova

Azərbaycan Ermənistan Dağlıq Qarabağla bağlı mühüm addımı razılaşdıracaq

129
Rusiya XİN: Münaqişənin nizamlanmasına dair bəyanatın razılaşdırılması planlaşdırılır"

BAKI, 5 dekabr — Sputnik. Azərbaycan və Ermənistanın xarici işlər nazirləri Dağlıq Qarabağ üzrə birgə bəyanat verməyi planlaşdırırlar. Sputnik Azərbaycan xəbər verir ki, bunu bu gün keçirdiyi həftəlik brifinqdə Rusiya Xarici İşlər Nazirliyinin mətbuat katibi Mariya Zaxarova deyib.

"Milanda ATƏT-in Xarici İşlər Nazirlərinin Şurasının iclası ərəfəsində ATƏT-in Minsk Qrupunun həmsədrlərinin vasitəçiliyi ilə Dağlıq Qarabağ münaqişəsinin nizamlanması ilə bağlı Ermənistan və Azərbaycan XİN rəhbərlərinin görüşü planlaşdırılıb" - deyə Zaxarova qeyd edib.

Onun sözlərinə görə, görüş barədə anons bir neçə gün əvvəl verilmişdi. Zaxarova əlavə edib ki, münaqişənin nizamlanmasına dair bəyanatın razılaşdırılması planlaşdırılır: "Hesab edirəm ki, görüşün nəticələrinə dair sizləri (jurnalistləri) kifayət qədər məlumatlandıracaqlar".

Qeyd edək ki, ATƏT-in Nazirlər Şurasının 25-ci sessiyasında iştirak edən Azərbaycan Respublikası xarici işlər naziri Elmar Məmmədyarov və Ermənistan Respublikası xarici işlər nazirinin vəzifələrini icra edən Zöhrab Mnatsakanyanla ATƏT-in Minsk Qrupunun həmsədrlərinin (İqor Popov – Rusiya Federasiyası, Stefan Viskonti – Fransa və Əndrü Sxofer – ABŞ) vasitəçiliyi ilə bir araya gələcək.

Görüşdə ATƏT-in fəaliyyətdə olan sədrinin şəxsi nümayəndəsi Andjey Kasprşik də iştirak edəcək. Görüş əsnasında Ermənistan-Azərbaycan, Dağlıq Qarabağ münaqişəsinin həlli üzrə danışıqlar prosesi müzakirə olunacaq.

129
Teqlər:
Rusiya, bəyanat, münaqişə, Dağlıq Qarabağ, Ermənistan, Azərbaycan
Əlaqədar
ATƏT-in PA sədri: “Dağlıq Qarabağ münaqişəsi ədalətli həllini tapmalıdır”
Qarabağın varlı bəyinin sərvətinə Türkiyədə sahib çıxdılar, işə Rusiya prezidenti qarışdı
“Lavrov Milanda Qarabağ münaqişəsini müzakirə edəcək”

Füzuli rayonunun ən füsunkar kəndlərindən birinin videosu yayıldı

1537
(Yenilənib 11:56 09.03.2021)
Şişqayanın ətəyində yerləşən Gorazıllı kəndi Füzuli rayonunun ən gözəl kəndlərindən biridir. Kənd 1993-cü il iyulun 2-də işğal edilmişdi.

Füzuli rayonunun Gorazıllı kəndindən videogörüntülər yayılıb. Sputnik Azərbaycan Müdafiə Nazirliyinə istinadən görüntüləri təqdim edir.

Bu kəndin tarixi XVIII-XIX əsrlərə gedib çıxır. Füzuli rayonunun Gorazıllı kəndi 1993-cü il iyulun 2-də işğal edilib. Kənd işğal edilən gün 21 nəfər dinc sakin girov götürülüb. Onlardan bir neçəsi girovluqda vəfat edib.

9 oktyabr 2020-ci ildə Azərbaycan Ordusunun uğurlu əks-hücum əməliyyatı nəticəsində düşmən işğalından azad edilib.

Şişqayanın ətəyində yerləşən Gorazıllı kəndi Füzuli rayonunun ən gözəl kəndlərindən biridir.

Kənd əhalisi əsasən üzümçülüklə məşğul olub. SSRİ dönəmində burada "Qafqaz" üzümçülük sovxozu fəaliyyət göstərib.

1537
Milli Məclisin Hüquq siyasəti və dövlət quruculuğu komitəsinin sədri Əli Hüseynli

Millət vəkili: “Ermənistana qarşı təzminat davası dağıntılar ilə məhdudlaşmayacaq”

19
(Yenilənib 20:14 05.03.2021)
Milli Məclisin deputatı Əli Hüseynli deyir ki, tarix və mədəniyyət abidələrinin mühafizəsi, bununla da insanların mədəni hüquqlarının təmini tək o ölkələrin daxili qanunvericiliyi ilə deyil, həmçinin beynəlxalq hüquq normaları ilə tənzimlənir
Əli Hüseynli: “Erməni vandallığı 10 noyabr Bəyanatın qəbul olunmasından sonra da davam edib”

“Azərbaycan dövləti işğal dövründə vurulmuş ziyana görə təzminat almaqda israrlıdır”. Sputnik Azərbaycan xəbər verir ki, bunu Milli Məclisin deputatı Əli Hüseynli bildirib.

“Erməni varvarları zəbt etdikləri Qarabağ torpaqlarını viran qoyub, bütün infrastrukturu məhv edib, evləri, binaları talayaraq yerlə-yeksan edib, xalqımızın tarixi, mədəni və mənəvi irsinə ağır zərbə vurublar. Bu vandallıq hətta 10 noyabr üçtərəfli Bəyanatın qəbul olunmasından sonra da davam edib. Həmin ərazilərdə iqtisadi aktivliyin dayanması ciddi ziyan kimi hesablanmalıdır. Bu baxımdan, Ermənistanın işğal altındakı ərazilərimizə vurduğu ziyan, sadəcə, onun birbaşa etdiyi dağıntılar ilə məhdudlaşmayacaq. Digər tərəfdən, tarix və mədəniyyət abidələrinin mühafizəsi, bununla da insanların mədəni hüquqlarının təmini tək o ölkələrin daxili qanunvericiliyi ilə deyil, həmçinin beynəlxalq hüquq normaları ilə tənzimlənir”, – deyə o bildirib.

Əli Hüseynlinin fikirlərinə audiofaylda qulaq asa bilərsiniz

19

Elmar Məlikov sərvət qazandıran tullantılardan danışır

0
(Yenilənib 14:53 09.03.2021)
“Təmiz Şəhər” ASC-nin ictimaiyyətlə əlaqələr şöbəsinin müdiri Elmar Məlikov deyir ki, tullantıların idarə olunması sadəcə həmin yerin tullantılardan təmizlənməsi deyil, həm də qlobal səviyyədə ortaya çıxan iqlim probleminin həllində də çox vacib yer tutur
Elmar Məlikov: “Tullantılar düzgün idarə olunmadığı təqdirdə böyük fəsadlar ortaya çıxa bilər”

“Tullantıların idarə olunması bütün dünyada aktual mövzudur”. Bunu Sputnik Azərbaycan Multimedia Mətbuat Mərkəzində keçirilən tədbirdə “Təmiz Şəhər” ASC-nin ictimaiyyətlə əlaqələr şöbəsinin müdiri Elmar Məlikov deyib.

O bildirib ki,  bu sahədə təkmilləmələr gedir, yeni texnologiyalar tətbiq edilir:

“Tullantıların idarə olunması sadəcə həmin yerin tullantılardan təmizlənməsi deyil, həm də qlobal səviyyədə ortaya çıxan iqlim probleminin həllində də çox vacib yer tutur. Tullantılar düzgün idarə olunmadığı təqdirdə böyük fəsadlar ortaya çıxa bilər. Tullantıların idarə olunması mürəkkəb prosesdir”.

Elmar Məlikovun fikirlərinə audiofaylda qulaq asa bilərsiniz

0