Xankəndi

Ekspert: “Rusiya Türkiyənin Qarabağ problemini birgə həll etməsini gözləmək çətindir”

7185
(Yenilənib 17:35 26.11.2018)
Unutmaq olmaz ki, Türkiyə və Rusiya regionda dərin rəqabət keçmişinə malik ölkələrdir

Eldar Tanrıverdiyev, Sputnik Azərbaycan

BAKI, 26 noyabr — Sputnik. Türkiyə prezidentinin mətbuat müşaviri İbrahim Kalın Ankarada Yıldırım Bəyazıd Universitetində çıxışı zamanı Qarabağ mövzusuna toxunub. Kalın, Türkiyə ilə Rusiya arasında gələcək münasibətlərə həsr olunmuş konfransda çıxışı zamanı vurğulayıb ki, ölkəsi Qarabağ münaqişəsinin nizamlanması üzrə Rusiya ilə birgə iş aparır: 

"Ermənistanın Azərbaycanın işğal olunmuş ərazilərini azad etməsi və Qafqazda yeni bir sülh şəraitinin təmin olunması üçün bir sıra təşəbbüslərimiz oldu. Burada rusiyalı həmkarlarımızla yaxın təmaslarımız, sıx əməkdaşlığımız oldu. Amma yenə kimlərsə araya girdi və bu proses müvəffəqiyyətsizliyə uğradı".

Sputnik Azərbaycan məsələ ilə bağlı Türkiyənin "Strategic Outlook" beyin mərkəzinin Qafqaz üzrə eksperti Mehmet Fatih Öztarsu ilə həmsöhbət olub.

Öztarsu Türkiyə və Rusiyanın Qarabağ münaqişəsinin nizamlanması üzrə yaxın çalışmalarının kimlər tərəfindən pozulmasına dair hər hansı bir fikir söyləyə bilməyəcəyini bildirib: "Çünki belə bir açıqlamanın nədən, özü də niyə indi edildiyini bilmədim. Əgər ortada başqa bir güclər varsa, onların adları açıqlanmalıdır".

Türkiyəli ekspert qeyd edib ki, Dağlıq Qarabağ münaqişəsinin problem olaraq qalması münaqişədən səmərə əldə edən hər bir aktorun marağındadır: “Tərəflərə silah satılmasına baxmaq lazımdır. Bölgədə artan silahlanma yarışı sülhü təhdid edən ən böyük ünsürdür. Bunun yumşaldılması üçün təkcə siyasi çağırışlar yetməz. Lakin çox təəssüflər olsun ki, böyük dövlətlər başda olmaqla bütün aktorlar sadəcə bu növ çağırışlar etməklə kifayətlənir və başqa bir şey təklif etmirlər”.

Gələcəkdə Türkiyə və Rusiyanın Qarabağ münaqişəsinin nizamlanması üzərində yenidən birgə iş aparması ehtimalına münasibət bildirən Öztarsu qeyd edib ki, Türkiyə və Rusiya bir-birinin maraqlarının toqquşmadığı məsələlərlə bağlı ortaq qərarlar qəbul edə bilərlər: “Bu məsələdə Rusiya və Türkiyəni eyni səviyyədə dəyərləndirə bilmərik. Türkiyənin bu münaqişənin həlli məsələsində Rusiya qədər söz sahibi olmadığını bilirik. Lakin hər hansı bir nizamlanma prosesi başladılarsa Türkiyə də lazımı addımı atacaq. Lakin belə bir prosesi qısa müddətdə başlatmaq mümkün deyil. Unutmaq olmaz ki, Türkiyə və Rusiya regionda dərin rəqabət keçmişinə malik ölkələrdir. Dolayısı yolla, bu iki ölkənin Qarabağ kimi çox kritik bir məsələni ortaq şəkildə həll etməsini gözləmək çox çətindir”.

Türkiyəli ekspert qeyd edib ki, Dağlıq Qarabağ probleminin həll üçün uzunmüddətli planlara ehtiyac var: "Öncə Azərbaycan və Ermənistan həm öz aralarında, həm də sülh danışıqlarına vasitəçilik edən ölkələrin nəzdində bir araya gələrək durumu tam şəkildə ələ almalıdır. Buna əlavə olaraq bölgədə iqtisadi irəliləyişi əldə etmək üçün bu münaqişənin yumşalması lazımdır. Bu gün Şimali Koreya və Cənubi Koreya belə sülhün əldə olunması istiqamətində sağlam addımlar ata bilirlər. Eyni durumun Qafqaz regionunda təkrarlanması xəyal deyil”.

7185
Teqlər:
həll, Rusiya, Türkiyə, Dağlıq Qarabağ
Əlaqədar
Rusiya XİN: Dağlıq Qarabağ münaqişəsinin həllinin yalnız bir yolu var
Dağlıq Qarabağ Rusiya prezidentinin görüşündə mövzu olacaq
Fransa XİN-i Sputnik Azərbaycan-a cavab verdi: "Dağlıq Qarabağ Respublikasını" tanımırıq
Həmsədrlər Paşinyanla Dağlıq Qarabağ münaqişəsini müzakirə ediblər
Politoloq: “Almaniya Dağlıq Qarabağ münaqişəsinin həllində qətiyyətlidir”
Snayper, arxiv şəkli

Ermənistan ordusu mövqelərimizi snayperlərlə atəşə tutub

5
(Yenilənib 10:03 12.08.2020)
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 35 dəfə pozub

BAKI, 12 avqust — Sputnik. Ermənistan Respublikası Berd rayonunun Ayqepar, Mosesqex və Çinari kəndlərində yerləşən mövqelərdən Tovuz rayonunun Əlibəyli, Ağdam, Koxanəbi, Əsrik Cırdaxan və Ağbulaq kəndlərində, Çəmbərək rayonunun Cil kəndində yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinə istinadən bildirir ki, Tərtər rayonunun işğal altında olan Çiləbürt, Xocavənd rayonunun Kuropatkino, Füzuli rayonunun Horadiz, Cəbrayıl rayonunun Nüzgar kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

5
 Rusiya XİN-nin rəsmi nümayəndəsi Mariya Zaxarova, arxiv şəkli

Rusiya Bakı ilə Yerevanın münasibətlərinin normallaşması üçün hər şeyi edir Zaxarova

18
(Yenilənib 01:24 09.08.2020)
Rusiya XİN-in nümayəndəsinin sözlərinə görə, həm vasitəçi, həm də Azərbaycan və Ermənistanla qan bağına malik bir ölkə kimi Rusiya münaqişənin közərən ocağına yağ tökülməsini minimallaşdırmağa cəhd edir

BAKI, 8 avqust — Sputnik. Yerevanla Bakı arasında münasibətlərin normallaşması üçün Moskva əlindən gələni edir.

Sputnik Azərbaycan bildirir ki, bunu Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova “Mənalar məkanı – 2020” Ümumrusiya təhsil forumunda çıxışı zamanı deyib. 

O qeyd edib ki, Ermənistanla Azərbaycan arasında baş verənlər, sözsüz ki, bu iki ölkənin öz işidir, amma həm ATƏT-in Minsk qrupunun üzvü, həm vasitəçi, həm də Azərbaycan və Ermənistanla, demək olar ki, qan bağına malik bir ölkə kimi Rusiya münaqişənin közərən ocağına kiminsə yağ tökməsini minimallaşdırmağa cəhd edir.

Zaxarovanın sözlərinə görə, RF “baş verənlərin ziyanının azaldılmasına çalışır və bunun yenidən başlanmaması üçün əlindən gələni edir”.

Qeyd edək ki, iyulun 12-si günorta saatlarından etibarən Ermənistan silahlı qüvvələrinin bölmələri Tovuz rayonunun Azərbaycan-Ermənistan  dövlət sərhədində  atəşkəs rejimini kobud surətdə pozaraq Azərbaycan SQ-nin mövqelərini artilleriya qurğularından atəşə tutublar. Azərbaycan ordusunun mövqelərinin ələ keçirilməsi məqsədilə Ermənistanın hərbi hissələri hücuma keçməyə cəhd göstərib. Cavab tədbirlərilə onlar itki verərək geri oturdulublar.

Ermənilərin hücumunu dəf edərkən AR SQ-nin müddətdən artıq xidmət keçən hərbi qulluqçuları serjant Sadıqov Vüqar Lətif oğlu, baş əsgər Məmmədov Elşad Dönməz oğlu və əsgər Daşdəmirov Xəyyam Məhəmməd oğlu şəhid olublar.

İyulun 13-nə keçən gecə sərhəddə vəziyyət yenidən gərginləşib. Ermənistanın silahlı qüvvələri Tovuz rayonunun Ağdam kəndini 120 mm-lik minomyotlardan atəşə tutub. Azərbaycan ordusu artilleriya, minomyot və tankları hərəkətə gətirərək dəqiq atəşlə Ermənistan SQ-nin hərbi hissəsinin ərazisində yerləşən dayaq məntəqəsi, artilleriya qurğuları, avtomobil texnikası və canlı qüvvəsini məhv edib.

Döyüşlər zamanı Azərbaycan ordusunun hərbçisi, baş leytenant Mahmudov Rəşad Rəşid oğlu şəhid olub.

İyulun 14-ü səhər Azərbaycan ordusunun mövqeləri və yaşayış məntəqələri yenidən atəşə tutulub. Hücumun dəf edilməsi zamanı general-mayor Polad Həşimov və polkovnik İlqar Mirzəyev, mayorlar Namiq Əhmədov və Anar Novruzov, gizirlər  İlqar Zeynallı və Yaşar Babayev, müddətdən artıq xidmət keçən Elçin Mustafazadə şəhid olublar.

İyulun 16-da Ermənistan SQ Azərbaycan mövqelərinə yenidən hücum etməyə cəhd göstərib. Tovuz rayonunun Dondar Quşçu, Ağdam və Vahidli kəndləri iriçaplı silahlardan və minomyotlardan atəşə tutulub.

Döyüşlər zamanı hərbçimiz, müddətdən artıq hərbi xidmət keçən əsgər İsmayılov Nazim Əfqan oğlu şəhid olub.

 

18
Əlaqədar
Tovuz istiqamətində döyüş gedir: hər iki tərəfdən itki var
Tovuzda vəziyyət yenidən gərginləşdi
Tovuzda kənd sakini evsiz qaldı - FOTOLAR
Tovuz atəş altında: yerli sakinlər öz evlərini tərk etmək fikrində deyillər
Tovuz hadisələri dünya nəhənginin rəhbərliyinin müzakirə masasında
Şuşa, arxiv şəkli

Qarabağın adıyla halal pul qazanmaq olar - gərək başı da, ürəyi işlədəsən

0
(Yenilənib 10:55 12.08.2020)
Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

BAKI, 12 avqust — Sputnik. Qarabağ həqiqətlərinin beynəlxalq arenada səslənməsində kinematoqrafın oynaya biləcəyi müsbət rolu nəzərə alaraq, o cümlədən kinematoqrafiyamızda Qarabağ müharibəsinin yaşatdığı insan faciələrinin tam dolğunluğu ilə, realistik əksinin vacibliyini qeyd edərək, Azərbaycan Kinematoqrafçılar İttifaqı "Qarabağ. İnsan. Qələbə" tammetrajlı bədii film ssenarisi müsabiqəsi elan edir. 

Sputnik Azərbaycan-ın məlumatına görə, müsabiqənin şərtləri belədir:

- Müsabiqəyə təqdim edilən ssenarinin janrından asılı olmayaraq, Qarabağ müharibəsinin insan taleyi, onun draması və faciəsi prizmasından ifadəsi, həm yerli, həm də xarici tamaşaçıya maraqlı olması arzuolunandır.

- Müsabiqədə iştirak üçün tammetrajlı bədii filminin ssenarisi (elektron variantda CD diskdə və çap olunmuş variantda, şrift Courier New, ölçü 12), müəllif haqqında məlumatın (əlaqə telefonu və e-mail ünvanı) təqdim edilməsi tələb olunur. Ssenari 22 noyabr 2020-ci il tarixinə qədər Azərbaycan Kinematoqrafçılar İttifaqının ofisinə təqdim edilməlidir. Ünvan: Bakı şəhəri, Həsən Seyidbyli 18.

- Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

- Qaliblər diplom və pul mükafatı ilə təltif ediləcəklər.

- Baş mükafat 5000 AZN.

- Həvəsləndirici mükafat (2 ssenari) 2500 AZN.

Qalib ssenari istehsalı məqsədəuyğun layihə olaraq Mədəniyyət Nazirliyinə təqdim ediləcəkdir.

Əlavə məlumat üçün əlaqə: (012)5059533, mail: info@aki.az

0
Əlaqədar
Qarabağlılar Kann Festivalının təşkilatçılarına etiraz edirlər
Amerikada Azərbaycan həqiqətləri: Qarabağa aid film mükafat aldı - VİDEO
Qarabağın qapısını açmaq istəyənlərin "Açar"ı: hər azərbaycanlının qəlbi sızlayacaq
Azərbaycan filmi “Qızıl şir”ə iddialıdır
Onun ürəyi Qarabağın "Fəryad"ına dözmədi