Министр иностранных дел Азербайджана Эльмар Мамедъяров

Elmar Məmmədyarov qapalı görüşdən danışdı: "Con Boltondan xahiş etdim ki..."

11560
XİN rəhbəri: "Ermənistan rəhbərliyi Türkiyə və Azərbaycanla normal şəkildə əməkdaşlıq etməsə, müstəqilliyi sual altına düşər"

Eldar Tanrıverdiyev, Sputnik Azərbaycan

BAKI, 25 oktyabr — Sputnik. "Şəxsən Con Boltondan xahiş etdim ki, Yerevanda olarkən Ermənistanın yeni rəhbərliyinə sual versin, onlar özləri Dağlıq Qarabağ münaqişənin həllinə hazırdırlar, yoxsa yox".

Sputnik Azərbaycan xəbər verir ki, bunu Bakıda keçirilən VI Beynəlxalq Humanitar Forumu çərçivəsində Azərbaycanın xarici işlər naziri Elmar Məmmədyarov jurnalistlərə açıqlmasında bildirib. O, Boltonla dünənki görüşdə geniş müzakirələr aparıldığını vurğulayıb.

"Həm prezident səviyyəsində, həm də mənimlə bir saatdan çox görüşümüz oldu. Cənubi Qafqaz regionunda vəziyyət barədə fikir mübadiləsi apardıq. ABŞ-ın İranla bağlanan nüvə sazişindən çıxmasının İrana təzyiq kimi qiymətləndirilib-qiymətləndirilməməsi ətrafında fikirlərimizi bölüşdük. Həm Amerika tərəfi, həm də biz bununla bağlı öz mövqeyimizi çatdırdıq. Biz hər zaman çalışırıq ki, bütün ölkələrlə normal qonşuluq siyasəti yürüdək" - Məmmədyarov vurğulayıb.

XİN başçısı ABŞ prezidentinin milli təhlükəsizlik üzrə müşaviri Con Boltonla Dağlıq Qarabağ məsələsini xüsusi müzakirə etdiklərini qeyd edib: "Mən şəxsən Boltondan xahiş etdim ki, Yerevanda olarkən Ermənistanın yeni rəhbərliyinə sual versin, onlar özləri münaqişəni həll etməyə hazırdırlar, yoxsa yox və Ermənistan Azərbaycan və Türkiyə ilə normal qonşuluq siyasəti yaratmaq istəyirmi?"

"Çünki, təbii məsələdir, Ermənistan rəhbərliyi Türkiyə və Azərbaycanla normal şəkildə əməkdaşlıq etməsə, müstəqilliyi sual altına düşər" - deyə E.Məmmədyarov vurğulayıb.

Xatırladaq ki, ABŞ prezidentinin milli təhlükəsizlik üzrə müşaviri Con Bolton oktyabrın 24-də Bakıya səfər edib. O, Prezident İlham Əliyev və digər rəsmi şəxslərlə görüşlər keçirib. Bolton görüşlərdən sonra jurnalistlərə açıqlamasında bildirib ki, görüşlər zamanı əsas müzakirə mövzuları - Ermənistan-Azərbaycan, Dağlıq Qarabağ münaqişəsi, İran ətrafında yaşanan beynəlxalq gərginlik, həmçinin Azərbaycanın Avopanın enerji təhlükəsizliyindəki rolu olub.

11560
Teqlər:
Dağlıq Qarabağ, Con Bolton, ABŞ, Xarici İşlər Nazirliyi, Elmar Məmmədyarov
Əlaqədar
Bolton Bakıda Rusiyaya qarşı sanksiyalardan danışdı
Boltonun Qafqaz səfəri – Hamı İranı hədəf göstərir

Azərbaycan Rusiya pirotexnikləri 5 hektardan artıq ərazini minadan təmizləyib - VİDEO

15
Bu müddət ərzində 210 ədəd mina və 2 ədəd partlamamış sursat aşkar olunaraq müvafiq qaydada zərərsizləşdirilib.

BAKI, 19 yanvar - Sputnik. Rusiya Federasiyası Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyinin pirotexniklərdən ibarət qrupu Azərbaycan Respublikası Fövqəladə Hallar Nazirliyinin əməkdaşları ilə birlikdə işğaldan azad olunmuş torpaqlarımızın minalardan təmizlənməsi əməliyyatını davam etdirir.

Sputnik Azərbaycan Fövqəladə Hallar Nazirliyinə istinadən xəbər verir ki, birgə fəaliyyət nəticəsində yanvar ayının 19-dək ümumilikdə 5 hektardan artıq sahədə axtarış işləri aparılıb.

Bu müddət ərzində 210 ədəd mina və 2 ədəd partlamamış sursat aşkar olunaraq müvafiq qaydada zərərsizləşdirilib. Minalardan 174 ədədi piyada əleyhinə, 36 ədədi isə tank əleyhinə olan minalardır.

15

Kəlbəcər rayonunun Çopurlu kəndindən videogörüntülər

8
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

8

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17