Azərbaycan Respublikasının Prezidenti İlham Əliyev

MDB-nin icraçı katibi: "Əliyevlə Paşinyanın görüşü Qarabağda gərginliyi azaltdı"

140
(Yenilənib 14:32 10.10.2018)
Sergey Lebedev: "Biz ümid edirik ki, hər iki ölkə liderinin bu məzmunlu təmasları davam edəcək və bu münaqişənin nizamlanması üçün pozitiv nəticələr verəcək"

BAKI, 10 oktyabr — Sputnik. MDB-nin icraçı katibi Sergey Lebedev bəyan edib ki, Azərbaycan və Ermənistan liderləri İlham Əliyevlə Nikol Paşinyanın MDB dövlət başçılarının Düşənbə sammiti zamanı görüşü Dağlıq Qarabağda gərginliyi azaldıb. Bu barədə Sputnik Azərbaycan erməni KİV-nə istinadən xəbər verir.

"Mən Azərbaycan Prezidenti və Ermənistanın baş nazirinin dəfələrlə bir-birlərinə yaxınlaşmasının və Dağlıq Qarabağ münaqişəsinin nizamlanması məsələlərini müzakirə etməsinin şahidi oldum. Biz ümid edirik ki, hər iki ölkə liderinin bu məzmunlu təmasları davam edəcək və bu münaqişənin nizamlanması üçün pozitiv nəticələr verəcək" — deyə Lebedev jurnalistlərə bildirib.

Qeyd edək ki, oktyabrın 1-də "Rossiya 1" telekanalında jurnalist Vladimir Solovyovun "Moskva. Kreml. Putin" proqramının növbəti buraxılışı yayımlanıb. Tacikistanın paytaxtı Düşənbədə keçirilən sammitinə dair geniş süjet həsr olunub.

Sammitdən çəkilən kadrlarda prezidentlərin formal və qeyri-formal ünsiyyətlərinə dair kadrlar yer alıb. Kadrlardan biri Azərbaycan Prezidenti İlham Əliyevlə Ermənistanın baş naziri Nikol Paşinyan arasında ünsiyyət barədə olub.

Video-görüntülərdən məlum olur ki, dövlət və hökumət başçıları sammitin keçiriləcəyi beşmərtəbəli binaya yuxarı qalxmaq üçün liftdən istifadə ediblər. Azərbaycan Prezidenti ilə Ermənistanın baş naziri eyni liftdə olub.

"Rossiya 1" telekanalı İlham Əliyevlə Nikol Paşinyanın liftdən birlikdə çıxdıqlarını əks etdirən kadrları nümayiş etdirib və bunu "sensasion kadrlar" adlandırıb: "Qonşu liftdə nələrin baş verdiyi məlum deyil. Bu kadrlar özü-özlüyündə sensasion kadrlar hesab oluna bilər".

"Bir liftlə Azərbaycan Prezidenti və Ermənistanın baş naziri hərəkət edib. Onlar olduqca gərgindirlər, diqqətlərini cəmləyiblər, lakin zala qədər söhbət edirlər" — deyə sujetdə qeyd olunub.

Kadrlara əsasən, İlham Əliyev və Nikol Paşinyanla birlikdə MDB-nin icraçı katibi Sergey Lebedev də həmin liftdə olub. Əliyevlə Paşinyanın liftdən çıxarkən gərgin olduqları, amma söhbətləşməkdə davam etdikləri görünür.

140
Teqlər:
icraçı katib, Nikol Paşinyan, Sergey Lebedev, MDB, Ermənistan, İlham Əliyev, Azərbaycan
Əlaqədar
Rusiya XİN: Dağlıq Qarabağ münaqişəsinin həllinin yalnız bir yolu var
Parlamentdə "Qarabağa azadlıq" mitinqinə sərt etiraz: "Erməni dəyirmanına su tökürlər"
Rəsmi Moskvadan pozitiv Qarabağ bəyanatı
İlin sonunadək Dağlıq Qarabağa dair önəmli görüş baş tutacaq

Kəlbəcər rayonunun Çopurlu kəndindən videogörüntülər

1
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

1
Dağıdılmış Füzuli şəhərinə mənzərə

Türk Şurası da azad olunmuş ərazilərin bərpasında iştirak etmək niyyətindədir

3
Milli Məclisin Sədri Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyev ilə görüşüb

BAKI, 19 yanvar — Sputnik. Yanvarın 19-da Milli Məclisin Sədri Sahibə Qafarova Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyev, Beynəlxalq Türk Mədəniyyəti Təşkilatının (TÜRKSOY) Baş katibi Düsen Kaseinov və Beynəlxalq Türk Mədəniyyəti və İrsi Fondunun Prezidenti Günay Əfəndiyevanın təmsil olunduqları nümayəndə heyəti ilə görüşüb.

Milli Məclisin Mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, sədr qeyd edib ki, bu təşkilatlar xalqlarımız arasında əlaqələrin daha da dərinləşməsinə layiqli töhfələr verir.

Türkdilli dövlətlər arasında əməkdaşlığı təşviq etmək məqsədi ilə yaradılmış Türk Şurası qarşıya qoyulan hədəflərə çatmaq istiqamətində məqsədyönlü və uğurlu addımlar atır.

Bildirilib ki, bu gün ölkələrimizin liderləri arasında nümunəvi dostluq münasibətləri formalaşıb. Dövlət başçılarımızın siyasi iradəsi, ortaq köklərimizə sərgilədikləri hörmət və qayğı yüksək təqdirəlayiq olmaqla yanaşı, hər kəs üçün örnək təşkil edir.

Nümayəndə heyəti üzvlərinin Azərbaycanın işğaldan azad olunmuş bölgələrinə səfərlərini yüksək qiymətləndirən Spiker müzəffər ordumuzun Ali Baş Komandan İlham Əliyevin rəhbərliyi ilə 44 gün ərzində əldə etdiyi uğuru böyük tarixi hadisə kimi dəyərləndirib. Milli Məclisin Sədri vurğulayıb ki, Azərbaycan Ordusu öz Zəfəri ilə münaqişənin həllinə dair bir çox beynəlxalq təşkilatlar tərəfindən qəbul olunan hüquqi sənədlərin, o cümlədən, BMT-nin müvafiq qətnamələrinin icrasını həyata keçirdi, ölkəmizin ərazi bütövlüyünü təmin etdi. Sahibə Qafarova Vətən müharibəsində Azərbaycana verdiyi dəstəyə görə Türk Şurasının Baş katibinə təşəkkür edib.

Bildirilib ki, bu qurum təkcə türk dövlətlərini bir araya gətirməklə kifayətlənmir, həmçinin digər dövlətlər və regionlar arasında da körpü rolunu oynamağı hədəfləyir. Milli Məclis qanunverici orqan olaraq, bundan sonra da Şura çərçivəsində inteqrasiya proseslərinin daha da dərinləşməsinə dəstək verəcək. Çünki bu təşkilat öz fəaliyyətində ortaq tarix, dil, kimlik və mədəniyyət kimi dəyərlərə əsaslanır.

Spiker ötən ilin aprelində Prezident İlham Əliyevin təşəbbüsü ilə keçirilmiş Şuranın fövqəladə iclasını xatırlayaraq, qurumun koronavirusa qarşı mübarizə işinə də töhfə verdiyini söyləyib.

Sədr milli-mənəvi dəyərlərimizin gələcək nəsillərə ötürülməsində Türk Şurası ilə birlikdə TÜRKPA, TÜRKSOY, Türk Mədəniyyəti və İrsi Fondu kimi qurumların fəaliyyətindən danışaraq, bildirib ki, bu təşkilatlar ölkələrimiz arasında iqtisadi, elm, təhsil, mədəniyyət və digər sahələrdə mövcud olan əməkdaşlığın dərinləşməsində yaxından iştirak edir.

Görüşdə səmimi qəbul üçün nümayəndə heyəti adından minnətdarlığını bildirən Türkdilli Dövlətlərin Əməkdaşlıq Şurasının Baş katibi Bağdad Amreyev Azərbaycanın Vətən müharibəsində əldə etdiyi qələbə münasibəti ilə Milli Məclisin Sədrini və xalqımızı təbrik edib. Bu uğuru bütün Türk dünyasını birləşdirən Zəfər kimi dəyərləndirib.

Qonaq ölkəmizə səfər çərçivəsində nümayəndə heyəti üzvlərinin Ağdam və Fizuli bölgələrində erməni işğalçıları tərəfindən törədilmiş vandalizmin şahidi olduqlarını söyləyib. O, işğaldan azad olunmuş ərazilərin bərpasında Türk Şurasının da iştirak etmək niyyətində olduğunu bildirib.

Qonaq təmsil etdiyi təşkilatın bundan sonra da türkdilli xalqlar naminə beynəlxalq müstəvidə fəaliyyətini daha da genişləndirəcəyini deyib. Vurğulanıb ki, bu gün 10-dan çox dövlət Türk Şurası ilə daha yaxından əməkdaşlıq etmək niyyətindədir.

Görüşdə TÜRKSOY-un Baş katibi Düsen Kaseinov, Beynəlxalq Türk Mədəniyyəti və İrsi Fondunun Prezidenti Günay Əfəndiyeva çıxış edərək təmsil etdikləri təşkilatlarda görülən işlər və fəaliyyət istiqamətləri barədə ətraflı məlumat verərək, ölkəmizlə əməkdaşlığın daha genişləndirilməsi istiqamətində gələcək planları barədə fikirlərini bölüşüblər.

Görüşdə həmçinin Türk dünyasını təmsil edən təşkilatlarla əməkdaşlığın perspektivləri və tərəfləri maraqlandıran digər məsələlər barədə danışılıb.

3
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

0
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

0