Нью-Йорк

Dağlıq Qarabağa dair Nyu-York görüşündən bədbin gözlənti var

8400
(Yenilənib 18:05 26.09.2018)
Millət vəkili: "Ermənistanın yeni hakimiyyəti Dağlıq Qarabağ münaqişəsinin sülh yolu ilə həllinə dair ciddi danışıqlara hazır deyil"

Eldar Tanrıverdiyev, Sputnik Azərbaycan

BAKI, 26 sentyabr — Sputnik. Xəbər verdiyimiz kimi, bu gün Nyu-Yorkda Azərbaycan və Ermənistanın xarici işlər nazirləri Elmar Məmmədyarovla  Zohrab Mnatsakanyan görüşəcək. Tərəflər görüş zamanı Dağlıq Qarabağ münaqişəsinin nizamlanması üzrə danışıqlar prosesini müzakirə edəcəklər.

Görüş ATƏT-in Minsk Qrupu həmsədrlərinin (İqor Popov – Rusiya Federasiyası, Stefan Viskonti – Fransa və Endrü Sxofer – ABŞ) vasitəçiliyi ilə BMT Baş Assambleyasının 73-cü sessiyası çərçivəsində baş tutacaq. Görüşdə, həmçinin ATƏT-in fəaliyyətdə olan sədrinin şəxsi nümayəndəsi Andjey Kaspşik də iştirak edəcək.

Asim Mollazadə
Asim Mollazadə

Sputnik Azərbaycan görüşlə bağlı Demokratik İslahatlar Partiyasının (DİP) sədri, millət vəkili Asim Mollazadənin gözləntilərini öyrənib. Onun fikrincə, Ermənistanın yeni hakimiyyəti Dağlıq Qarabağ münaqişəsinin sülh yolu ilə həllinə dair ciddi danışıqlara hazır deyil.

"Ermənistan rəsmiləri, hər zaman olduğu kimi yenə də beynəlxalq ictimaiyyəti aldatmağa çalışırlar. Mən Nyu-Yorkda baş tutacaq danışıqlar zamanı hər hansı bir ciddi irəliləyiş əldə olunacağını gözləmirəm. Çünki, erməni tərəfi münaqişənin həllində sülhə, irəliləyişə hazır deyil" — deputat bildirib.

Baş nazir Nikol Paşinyanın BMT Baş Assambleyasının 73-cü sessiyasında Dağlıq Qarabağ münaqişənin həllinə dair səsləndirdiyi fikirlərə toxunan millət vəkili qeyd edib ki, Ermənistanın yeni hakimiyyətinin əsas məqsədi özündən əvvəlki hakimiyyət kimi dünyanı, beynəlxalq ictimaiyyəti aldatmaq, Dağlıq Qarabağ münaqişəsi zonasında real vəziyyət barədə yanlış təəssürat yaratmaqdır.

"Paşinyan olduqca ciddi və təhlükəli bir oyun oynayır. Çünki, Paşinyan hakimiyyəti münaqişə zonasında vəziyyəti gərginləşdirərək sülh danışıqlarından imtina etməyə çalışır və hətta öz sahibləri olan Rusiyanı da aldatmaq istəyir. Düşünürəm ki, Rusiya Paşinyanı, Ermənistan hökumətini məhz buna görə ciddi cəzalandıra bilər" — Mollazadə vurğulayıb.

DİP sədrinin sözlərinə görə, bunu anlayan Paşinyan BMT Baş Assambleyasının 73-cü sessiyasında beynəlxalq ictimaiyyətinin diqqətini tamamilə fərqli istiqamətə yönəltməyə çalışır: "Ermənistanın baş nazirinin oğlunun Azərbaycanın işğal altında olan Dağlıq Qarabağ bölgəsində hərbi xidmət keçməsinə nə ehtiyac var? Bu, bir daha Azərbaycan torpaqlarının məhz Ermənistan Silahlı Qüvvələri tərəfindən işğal edildiyinə dair konkret sübutdur. Bu faktın özü Paşinyanın danışdığı yalanı ifşa edir".

8400
Teqlər:
Zohrab Mnatsakanyan, ATƏT-in Minsk Qrupu, DİP, sülh yolu, Asim Mollazadə, xarici işlər naziri, Nyu-York, hakimiyyət, Ermənistan, Elmar Məmmədyarov, Azərbaycan
Əlaqədar
Nyu-Yorkda Qarabağ müzakirəsi başlayır
XİN-dən Qarabağdakı təlimlərə sərt münasibət
Nyu-Yorkda Qarabağ müzakirəsinin vaxtı açıqlandı
Prezident: "Dağlıq Qarabağ Azərbaycanın suverenliyindən kənarda heç bir status almayacaq"
Trampdan sensasion məktub: "Yaxın aylarda Qarabağda..."
Bakıda XİN-nin binası, arxiv şəkli

XİN Qarabağa qanunsuz səfər edən şəxslərin siyahısını yenilədi

6
Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub.

BAKI, 23 yanvar — Sputnik. Xarici İşlər Nazirliyi Qarabağa qanunsuz səfər edən şəxslərin siyahısını yeniləyib.

Sputnik Azərbaycan-ın məlumatına əsasən, siyahıya ümumilikdə 1 040 nəfər daxildir. Siyahıya nəzər salsaq, görərik ki, 2020-ci ilin sentyabrın 27-dən etibarən Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub. Müharibə dövründə Qarabağa səfər edənlərin çoxu xarici ölkələrin jurnalistləridir. 2020-ci ilin noyabrında Ermənistanın kapitulyasiyaya imza atmasından sonra isə Qarabağa qanunsuz səfər edənlərin əksəriyyəti siyasətçilərdir.

Ümumilikdə 2020-ci ildə Qarabağa 40 qanunsuz səfər baş tutub. Qeyd edək ki, Azərbaycan dövləti dəfələrlə bəyan edib ki, Qarabağa, o cümlədən Rusiya sülhməramlılarının nəzarət etdiyi ərazilərə bütün səfərlər rəsmi Bakının razılığı ilə həyata keçirilməlidir.

6
Notebook-la oynayan kişi, arxiv şəkli

"WhereisKarabakh.com" veb-saytı yaradılıb: O, nəyə xidmət edəcək?

17
(Yenilənib 22:42 22.01.2021)
İstifadəçilər sadə interfeysi olan veb-sayta daxil olduqdan sonra dünya xəritəsindən istənilən ölkəni seçərək buradan Qarabağa olan məsafəni görə bilərlər.

BAKI, 22 yanvar — Sputnik. Azərbaycan Turizm Bürosu tərəfindən "WhereisKarabakh.com" ("Qarabağ harada yerləşir?") veb-saytı istifadəyə verilib.

Sputnik Azərbaycan xəbər verir ki, platformanın yaradılmasında məqsəd dünyaya Qarabağın coğrafi olaraq harada yerləşdiyini göstərmək, həmçinin Qarabağ regionunun tarixini, mədəniyyətini, eləcə də gəzməli-görməli yerlərini düzgün formada çatdırmaqdan ibarətdir.

Azərbaycan Turizm Bürosunun Baş icraçı direktoru Florian Zenqstşmit veb-saytla bağlı bunları qeyd edib: "Qarabağ regionunun əlverişli iqlimi və relyefi burada müxtəlif növ turizm məhsullarının inkişafına imkan yaradır. Bundan əvvəl isə bu möhtəşəm regionun zəngin tarixi, mədəni abidələri və təbiəti haqqında məlumatları bütün dünyaya çatdırmaq mühüm əhəmiyyət kəsb edir. "WhereisKarabakh.com" veb-saytının yaradılması da məhz bu missiyanı daşıyır".

İstifadəçilər sadə interfeysi olan veb-sayta daxil olduqdan sonra dünya xəritəsindən istənilən ölkəni seçərək buradan Qarabağa olan məsafəni görə, eləcə də "Qarabağ" toponiminin mənşəyi, regionun tarixi, abidələri, görkəmli şəxsləri, muğam və xalçaçılıq sənəti, Qarabağ atları və təbiəti haqqında məlumatlar əldə edə bilərlər.

Məlumatlandırma pəncərəsində veb-sayt ziyarətçilərinin daha ətraflı məlumatlar almaları üçün isə "Azerbaijan.travel" platformasının Qarabağla bağlı tərtib olunmuş səhifəsinə keçid etmək təklif olunur.

 

17
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

0
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

0