Şuşa

Amerikalı müəllif Tərtərdən erməni işğalından yazıb

352
(Yenilənib 20:01 25.07.2018)
Raul Loueri-Kontreras: "Tərtərdə əkinçilik inkişaf edərkən, ətraf təpələrdəki erməni əhalisi yeməyə qida tapmır və uzaq Ermənistandan tədarük ediləcək ərzağı gözləməli olur"

BAKI, 25 iyul — Sputnik. Amerikanın Daily Caller nəşri Dağlıq Qarabağ münaqişəsi və Ermənistan-Azərbaycan qoşunlarının təmas xətti yaxınlığında yerləşən Tərtər rayonunun Qapanlı kəndində həyatın necə getdiyindən bəhs edən yazı dərc edib.

Məqalənin müəllifi Raul Loueri-Kontreras qeyd edib ki, Qapanlı kəndi 1992-1993-cü illərdə Azərbaycanın Dağlıq Qarabağ və ətraf rayonlarını işğal etmiş Ermənistan Silahlı Qüvvələrinin birbaşa mövqeləri qarşısında yerləşir.

Məqalənin müəllifi Raul Loueri-Kontreras
© Photo : Envivoproductions
Məqalənin müəllifi Raul Loueri-Kontreras

"Müharibə illərində dağıdılmış köhnə Qapanlı kəndinin yerində Azərbaycan hökuməti ermənilər tərəfindən Ermənistandan və Azərbaycanın işğal olunmuş ərazilərindən qovulmuş azərbaycanlı qaçqın və məcburi köçkünlər üçün yeni kənd salıb" — yazan müəlif qeyd edib ki, Qapanlı müharibə illərində dağıdılmış və məcburi köçkünlər üçün yenidən bərpa edilmiş çoxsaylı Azərbaycan kəndlərindən biridir. Qapanlı kəndini başqalarından fərqləndirən həm də onun təmas xəttində yerləşməsidir.

Loueri-Kontreras öz məqaləsində həmçinin xatırladıb ki, BMT-nin məlumatlarına görə, Erməni Silahlı Qüvvələrinin həyata keçirdiyi etnik təmizləmə siyasəti nəticəsində milyona yaxın azərbaycanlı məcburi köçkün olub.

Müəllifin yazdığına görə, onun "niyə onlar üçün kənd yenidən dağıdılmış kəndin yerində salınıb" sualına yerli sakinlər belə cavab veriblər: "Bu ki, bizim torpağımızdır".

O, həmçinin Ermənistan Silahlı Qüvvələrinin Tərtərə hücumunun nəticələrini müşahidə etdiyini, binaların üzərində güllə izlərinə rast gəldiyini bildirib. Loueri-Kontreras məqaləsində qeyd edib ki, erməni işğalının aydın nəticələrindən biri də Ermənistan Silahlı Qüvvələrinin dağlardan axan çayların məcrasını dəyişərək və axmasının qarşısını alaraq Tərtər bölgəsinə daxil olmasına imkan verməməsidir. 

"Bu, Azərbaycan ərazilərinin su təchizatına maneə törədir. Ancaq hökumətin böyük səyləri sayəsində dörd min quyu qazılıb və Tərtərin kənd təsərrüfatı həmişə olduğu kimi yenidən zəngin məhsul verir" — deyə Loueri-Kontreras yazıb.

"Tərtərdə əkinçilik inkişaf edərkən, ətraf təpələrdəki erməni əhalisi yeməyə qida tapmır və uzaq Ermənistandan tədarük ediləcək ərzağı gözləməli olur" — deyə müəllif qeyd edib.

Onun yazdığına görə, Tərtər əhalisinə olan təhdidləri nəzərə alaraq, burada bir neçə min adamın yerləşə biləcəyi bomba sığınacağı tikilib: "Əgər erməni hərbi birləşmələri yenidən atmağa başlasalar, əhali bura sığına biləcək".

Bütün bunlarla yanaşı, məqalədə qeyd olunur ki, Qapanlı və Tərtər camaatı Ermənistan Silahlı Qüvvələrinin silahları altında özünün gündəlik işləri ilə məşğuldur.

352
Əlaqədar
Müdafiə Nazirliyi tək oğlan övladının cəbhəyə göndərilməsinə münasibət bildirdi
Təhlükə ilə üz-üzə, lakin nikbin: Cəbhəyanı kəndimizin bir günü
Müdafiə naziri ön cəbhəyə yollandı
Arif Quliyev zərərçəkən

Ağdamda minaya düşən Xocalı sakini hadisənin necə baş verdiyini anladıb

26
(Yenilənib 14:52 18.04.2021)
“Özüm Xocalı rayonundan məcburi köckün düşmüşəm və Ağcabədi rayonun Yuxarı Qıyaməddinli kəndində məskunlaşmışam. Ağdam rayon ərazisində heyvan otararkən minaya düşdüm sol ayağımı itirdim."

Emin Əlisahib, Sputnik Azərbaycan

BAKI, 18 aprel - Sputnik. Ötən gün axşam saat 20 radələrində Ağdam rayonu ərazisindəki Ergi düzü deyilən yerdə bədbəxt hadisə baş verib. Xocalı rayonundan məcburi köçkün olan Arif Quliyev qoyun otararkən minaya düşüb.

Onun sözlərinə görə, hadisə baş verən vaxt o ərazidə tək olub.

“Özüm Xocalı rayonundan məcburi köckün düşmüşəm və Ağcabədi rayonun Yuxarı Qıyaməddinli kəndində məskunlaşmışam. Ağdam rayon ərazisində heyvan otararkən minaya düşdüm sol ayağımı itirdim.”, - deyə o, başına gələni Sputnik Azərbaycan-ın bölgə müxbirinə anladıb. 

Zərərçəkənin sözlərinə görə mina partlayışı zamanı heyvanlar xeyli uzaqda olduğundan tələfat olmayıb.

© Sputnik / Emin Alisahib
Çingiz Həsənov

Xəsarət alan şəxs Ağcabədi Rayon Mərkəzi Xəstəxanasına yerləşdirilib. Rayon mərkəzi xəstəxanasının travmotoloqu Çingiz Həsənov bildirib ki, yaralı gətrilərkən vəziyyəti ağır olub. Mina partlaması nəticəsində Arif Quliyev sol ayağın orta aşağı üçdə biri nahiyəsindən travmatik apmutasiya olunub.

"Xəstənin vəziyyəti ağır olduğu üçün Reanimasiyon tədbirlər aparıldı. Xəstənin sol baldırının yuxarı üçdə biri protokola uyğun olaraq travmatik amputasiya edildi. Hazırda xəstənin vəziyyəti kafidir.”, - deyə həkim bildirib.

Hazırda zərərçəkənin xəstəxanada müalicələri davam etdirilir.

26
Füzuli rayonunda yerləşən Araz qəzetinin nüsxəsi

Vətəninə qayıdan 90 yaşlı "Araz" bərpa olunacağı günü gözləyir

413
(Yenilənib 20:10 17.04.2021)
İşğaldan azad edilmiş Füzuli şəhərində ermənilər tərəfindən dağıdılmış "Araz" qəzetinin redaksiyası bərpa ediləcək.

Emin Əlisahib, Sputnik Azərbaycan

BAKI, 17 aprel — Sputnik. Füzulidə ermənilər tərəfindən dağıdılmış "Araz" qəzetinin redaksiyası bərpa ediləcək. Bunu mədəniyyət naziri Anar Kərimov bir neçə gün əvvəl "Twitter" hesabında yazıb. Nazir qeyd edib ki, əsası 1931-ci ildə Füzulidə qoyulmuş "Araz" qəzeti Ermənistanın işğalından öncə regionda əsas media orqanı olub: "Binanın fasadının yalnız bir hissəsi vandalizmdən xilas edilib. Biz onu bərpa edəcəyik".

Bu xəbərdən sonra üz tuturuq, Füzuli rayonunda olan "Araz" qəzetinin redaksiyasına. Qarşımıza dağılmış və vandalizmə məruz qalmış "Araz" qəzetinin redaksiyası çıxır.

  • Araz qəzetinin binası
    © Sputnik / Emin Alisahib
  • Araz qəzetinin binası
    © Sputnik / Emin Alisahib
  • Füzuli rayonunda yerləşən Araz qəzetinin nüsxəsi
    © Sputnik / Emin Alisahib
1 / 3
© Sputnik / Emin Alisahib
Araz qəzetinin binası

Əvvəlcə onu deyək ki, vaxtı ilə Füzuli rayonunda hamının abunə olduğu və oxuduğu yeganə qəzet "Araz" qəzeti olub. Qəzetlə bağlı ətraflı məlumat verən Füzuli Tarix-diyarşünaslıq Muzeyinin direktoru Elçin Əsədov deyir ki, "Araz"ın çoxlu oxucu kütləsi olub. "Günəş çıxmaya bilər, amma qəzet mütləq çıxmalıdır", prinsipi ilə çap edilən bu qəzet rayon mətbəəsində həftədə üç dəfə 3500-4000 nüsxə tirajla çıxıb: "Füzulidə nəşr olunan "Araz" qəzeti azsaylı redaksiyalardan idi ki, burada texniki işçilərin də çoxu universitetin Jurnalistika fakültəsinin məzunları idi. Yəni "Araz" redaksiyada sürücüdən və xidmətçidən başqa hamısı diplomlu idi. Doğrudan da korrektor, teletaypçı, makinaçı, hətta yerli radio verilişlərinin diktoru da ixtisasca jurnalist idi. Əlbəttə ki, belə bir kollektiv, dərc olunan qəzetdə rayonun sosial-iqtisadi və mədəni həyatını dolğun şəkildə işıqlandırırdı".

Müsahibimizin sözlərinə görə, "Araz" qəzetinin redaksiyası 1931-ci ildə yaradılıb. Lakin, qəzet 1966-cı ilə qədər "Qızıl Araz" adı ilə nəşr olunub. 1966-cı ildən sonra isə "Araz" adı ilə nəşrini davam etdirib. İşğaldan sonra isə "Qarabulaq" və hal-hazırda "Qayıdış" adı ilə nəşr olunur. Elçin Əsədov deyir ki, "Araz" qəzeti Ermənistanın işğalından əvvəl bölgədəki əsas media orqanı olub: "Ermənilər buranı işğal etməzdən əvvəl redaksiya tam heyəti ilə işləyirdi. İndi binanın fasadının yalnız bir hissəsi vandalizmdən xilas olub. Düzdür, "Araz" qəzetinin redaksiyasının bərpası nəzərdə tutulur. Əslində biz bərpanı da gözləyirdik. Çünki, bu qəzetin tarixi xeyli qədimlərə dayanır. 90 yaşlı "Araz" qəzetinin Füzuli Tarix-diyarşünaslıq Muzeyində 500-ə müxtəlif vaxtlarda nəşr olunmuş nümunələri saxlanılır".

© Sputnik / Emin Alisahib
Araz qəzetinin binası XX əsr

Qeyd edək ki, muzeydə qorunub, saxlanılan qəzetlərdə gündəlik olaraq Füzuli rayonunun mədəni, siyasi, iqtisadi və əmək sahələrində çalışan zəhmətkeş insanlar haqqında məlumatlar verilib. Səhifələrində sözlərin də inci kimi seçilib, yer aldığı "Araz" qəzeti yəqin ki, yaxın günlərdə öz əvvəlki adını da geri qaytaracaq. Ümidvarıq ki, qarşıdakı günlərdə biz "Qayıdış" yox, elə 30 il əvvəlki "Araz" qəzetinin abunəçisi olcağıq…

413
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0