Xarici İşlər Nazirliyinin (XİN) mətbuat xidmətinin rəhbəri Hikmət Hacıyev

Bakı Yerevan üçün ən böyük güzəştini açıqladı

14079
(Yenilənib 15:54 23.07.2018)
Azərbaycan XİN: Münaqişənin siyasi həllinə nail olmaq üçün ilk növbədə işğal faktı aradan qalxmalı və status-kvo dəyişməlidir

BAKI, 23 iyul — Sputnik. "Ermənistanın baş naziri Nikol Paşinyan keçirdiyi mətbuat konfransında belə bir iddia irəli sürüb ki, "Azərbaycan Dağlıq Qarabağ münaqişəsinin həlli ilə bağlı güzəştləri barədə məlumat versin, sonra Emənistan öz güzəştləri barədə məlumat verə bilər". Paşinyanın diqqətinə çatdırmaq istərdik ki, Ermənistan tərəfindən işğala məruz qalmasına baxmayaraq, Azərbaycanın 25 ildən artıqdır Ermənistanla danışıqları davam etdirməsi Azərbaycanın ən böyük güzəştidir".

Sputnik Azərbaycan xəbər verir ki, bunu Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev bu gün keçirdiyi mətbuat konfransında deyib. O bildirib ki, ilk növbədə Ermənistanın Azərbaycana qarşı işğalı aradan qaldırılmalıdır.

"Münaqişənin siyasi həllinə nail olmaq üçün ilk növbədə işğal faktı aradan qalxmalı və status-kvo dəyişməlidir. Ermənistan münaqişənin həllində maraqlıdırsa, işğal faktını aradan qaldırmalı və BMT-nin münaqişə ilə bağlı qətnamələrinə əməl etməlidir. Yalnız bu əsasla münaqişənin həlli üçün əlverişli mühit əldə edə bilərik" — XİN sözçüsü vurğulayıb.

Hacıyev onu da diqqətə çatdırıb ki, xarici işlər naziri Elmar Məmmədyarov həmyerlilərimiz Dilqəm Əsgərov və Şahbazın Quliyevin erməni əsirliyində olmaları ilə bağlı BMT baş katibi, Qızıl Xaç Komitəsi, BMT İnsan haqları ali komissarı, eləcə də BMT-nin qaçqınlar üzrə ali komissarına məktublar ünvanlanıb.

"ATƏT, həmçinin Avropa Şurası yanında nümayəndəliklərimiz tərəfindən bu mövzu həmin təşkilatların gündəliyinə çıxarılıb və Azərbaycanın mövqeyi beynəlxalq ictimaiyyətin diqqətinə çıxarılıb. Bu məsələdə siyasi, hüquqi və diplomatik müstəvidə olan səylərimizi davam etdirəcəyik" — nazirlik rəsmisi bəyan edib.

14079
Teqlər:
Nikol Paşinyan, güzəşt, Dağlıq Qarabağ münaqişəsi, Hikmət Hacıyev, XİN, Ermənistan, Azərbaycan, baş nazir
Əlaqədar
Çavuşoğlunun Azərbaycana səfər proqramı açıqlanıb
"Ağdamın 200 minlik əhalisinin 153 min nəfəri məcburi köçkündür"

Ermənistan ordusunun döyüş texnikaları məhv edilib VİDEO

0
Rəşadətli Azərbaycan Ordusu tərəfindən işğalçıların döyüş texnikalarının məhv edilməsi davam etdirilir.

Ermənistan silahlı qüvvələrinin döyüş texnikaları məhv edilib.

Bu barədə Sputnik Azərbaycan-a Müdafiə Nazirliyindən bildirilib.

0
Mövzu:
Azərbaycan və Ermənistan arasında müharibə

Hikmət Hacıyev: “Ermənilərin hədəfi kənd mülki şəxslər idi”

17
(Yenilənib 21:17 24.10.2020)
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. “Günün fotosu. Ermənistan tərəfindən atılan raketin zərərsizləşdirilməsi. Kəndə yaxınlaşdı. Hədəf kənd və mülki şəxslər idi. Çox güman ki, gözlənilən trayektoriyadan kənara çıxdı. Ermənistanın müharibə cinayətləri”.

Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün twitter səhifəsində yazıb.

17
Mövzu:
Azərbaycan və Ermənistan arasında müharibə