Erməni əsgərləri, arxiv şəkli

Yerevandan məcburi gediş: Bakıda bunu "ağ bayrağa" doğru son addım kimi qiymətləndirirlər

1127
(Yenilənib 18:58 13.07.2018)
Millət vəkili: "Əgər əvvəl Ermənistanın maliyyə imkanları tükənmişdisə, indi insan resursları da tükənmək üzrədir"

Eldar Tanrıverdiyev, Sputnik Azərbaycan

BAKI, 12 iyul — Sputnik. Xəbər verdiyimiz kimi, Ermənistan rəhbərliyi polisin daxili qoşunlarını xidmət keçmələri üçün Azərbaycanın işğal altında olan ərazisinə göndərmək niyyətindədir. Məlumata əsasən, bu təklif birbaşa olaraq Ermənistanın yeni baş naziri Nikol Paşinyandan gəlib.

Artıq Ermənistan polisinin bu məsələyə öz razılığını da verdiyi bildirilir. Proses artıq avqustun 15-dən başlayacaq. Belə ki, bu tarixdən etibarən daxili qoşunlar 15 günlük növbə ilə Qarabağa göndəriləcək. Burada olduğu vaxtda isə onlara əlavə əmək haqqı ödəniləcək. Bu qərar Ermənistan cəmiyyəti tərəfindən birmənalı qarşılanmayıb.

Sputnik Azərbaycan məsələ ilə bağlı ehtiyatda olan polkovnik, uğurlu Horadiz əməliyyatının komandiri Şair Ramaldanov və Milli Məclisin deputatı Aydın Mirzəzadənin fikirlərini öyrənib.

Şair Ramaldanov Daxili Qoşunların funksiyasının cəbhə bölgəsində, təmas nöqtəsində xidmət aparmaq olmadığını deyib: "İstənilən qərar qəbul olunarsa, onu zəruri edən amillər var. Daxili Qoşunların əsas funksiyası ölkə daxilində obyektləri və asayişi təmin etməkdir. Bu qoşun növünün Azərbaycanın işğal altında olan Dağlıq Qarabağ bölgəsinə göndərilməsi Ermənistanda şəxsi heyətin sayında çatışmazlıq, qeyri-döyüş şəraitində verdiyi itkilərlə bağlıdır".

Ehtiyatda olan polkovnik, xüsusilə də Bakıda 26 iyunda Azərbaycan Silahlı Qüvvələrinin 100 illiyi münasibəti ilə keçirilən hərbi paraddan sonra cəbhə bölgəsində Ermənistan üçün vəziyyətin, tamamilə nəzarətdən çıxmaq üzrə olduğunu qeyd edib: "Əgər əsgərlər daha əvvəl Azərbaycan ordusunun gücünü və hərbi texnikasını görmürdülərsə, hərbi paraddan sonra onları nələrin gözlədiyinin əyani şahidi oldular".

Ramaldanovun fikrincə, ümumiyyətlə, aprel döyüşlərindən sonra cəbhə bölgəsində Ermənistan tərəfində şəxsi heyətin çatışmazlığı ortaya çıxdı: "Çünki daha əvvəl postlarda təmas xəttinə yaxın ərazilərdə yaşayan yerli əhalidən istifadə olunurdu. Aprel hadisələrindən sonra təmas xəttində yaşayan sakinlər bu əraziləri tərk etdilər. Ermənilər artıq yerli resurslardan istifadə edə bilmədilər. Sonra ilə 10 min dollar verməklə ora xidmət etməyə əsgər cəlb etməyə çalışdılar".

"Lakin bu qayda da işləmədi. Ermənilər daha sonra Suriyadan gələn qaçqınları bu ərazilərə yerləşdirdilər. Suriyadan gələnləri muzdlu əsgər kimi istifadə etmək istədilər. Ancaq onlarda bu da alınmadı. Çünki Suriyadan gələn qaçqınlar yaradılan şəraitlə barışmadılar. Orda olan erməni komandanlığı və Suriyadan gələn şəxslər arasında gərginlik də yaşandı" – polkovnik deyib.

Şair Ramaldanovun sözlərinə görə, Ermənistan hakimiyyətində baş verən dəyişikliklər və bu dəyişikliklərin gətirdiyi istefalar, onsuz da gərginliyin yüksək olduğu cəbhə bölgəsində xidmət edən heyətin psixoloji gərginliyini daha da artırır: "Düşünürəm ki, bu gün əgər daxili qoşunlar belə, Qarabağa cəlb olunursa, təbii ki, onlar Azərbaycanın öz torpaqlarını azad etmək üçün hər an edə biləcəyi həmlədən ehtiyat edirlər".

"Prezident İlham Əliyevin də son çıxışında qeyd etdiyi kimi, müharibənin hələ birinci mərhələsi yekunlaşıb. Mən deyərdim ki, bu yaxınlarda başa çatan Azərbaycan ordusunun irimiqyaslı təlimləri ilə müharibənin ikinci mərhələsinin başlanğıcının təməlləri qoyulub. Sabah Azərbaycan tərəfi aktiv hərbi əməliyyatları aparmağa başlasa, ermənilər cəbhə xəttindən qaçmaq istəyən əsgərləri geri qaytarmaq üçün məhz orada yerləşdirilən daxili qoşun nümayəndələrindən istifadə edəcəklər" – polkovnik bildirib.

Hərbi ekspert Ermənistandan fərqli olaraq Azərbaycan cəmiyyətində, ordusunda hökm sürən ruh yüksəkliyinə də diqqət çəkib: "Əgər əsgər ürəkdən xidmət etmək istəmirsə, onu səngərdə heç bir daxili qoşun, heç bir qüvvə saxlaya bilməz. Azərbaycanın işi haqq işidir. Azərbaycan əsgəri Azərbaycan torpağı üçün döyüşür, öz torpağı uğrunda canından belə, keçməyə hazırdır. Erməni əsgər Ermənistandan gəlib burda xidmət aparır. O, yaxşı bilir ki, işğalçı qüvvələrin tərkibindədir".

Məsələni şərh edən millət vəkili, Azərbaycanın hakim partiyasının (YAP) Siyasi Təhlil və Proqnozlaşdırma Şöbəsinin müdiri Aydın Mirzəzadə Ermənistanda bu gün insan resurslarının çox zəif olduğunu və hazırda Yerevanın cəbhə xəttində çox az sayda hərbçi yerləşdirə bildiyini diqqətə çatdırıb.

O, qeyd edib ki, bu, artıq Ermənistan üçün ciddi bir problemə çevrilib: "Bu gün Ermənistan hökuməti cəbhə xəttində ora yaxın kəndlərin sakinləri ilə müqavilə imzalayaraq, onları keşikçi kimi postlara qoyur. Daxili qoşunlarla ordunun funksiyaları tamamilə fərqlidir və bu addım hərbi ekspertlər tərəfindən çox səmərəsiz addım kimi dəyərləndirilir".

Deputat vurğulayıb ki, bu gün Ermənistanın cəbhə xəttində əsgər yerləşdirməyə resursları olmadığı üçün belə bir qərar verməyə məcbur olub: "Ermənistanın artıq uzanan bu müharibədə bütün imkanları tükənib. Əgər əvvəl Ermənistanın maliyyə imkanları tükənmişdisə, indi insan resursları da tükənmək üzrədir. Sonda Ermənistanın ağ bayraq qaldırmaqdan başqa yolu qalmayacaq".

1127
Teqlər:
Milli Məclisin deputatı Aydın Mirzəzadə, ehtiyatda olan polkovnik, Nikol Paşinyan, Şair Ramaldanov, Daxili Qoşunlar, Ermənistan, polis, Azərbaycan, ordu, əsgər, işğal
Əlaqədar
Erməni nazir Məmmədyarovla görüşdən gözləntilərini açıqladı
Rəsmi Bakı mövqeyini ortaya qoydu: Seçim Ermənistan tərəfdədir
Ermənilərin öldürdüyü balaca Zəhranın ailəsində körpə səsi: Qardaşı doğuldu
Rusiyanın Ermənistandakı səfiri Gümrü hərbi bazasına gedib
Ermənilər Cocuq Mərcanlıya gedən rus deputata hücum etdi - VİDEO
Tovuzun Əsrik Cırdaxan kəndindən olan Bədir Süleymanov

Qələbənin bir addımlığında yaralanan qazi: "Bir əsgərdə qorxu hissi yox idi"

163
(Yenilənib 21:37 30.11.2020)
"Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi"

İlham Mustafayev, Sputnik Azərbaycan

BAKI, 30 noyabr — Sputnik. Döyüş meydanında qəhrəmanlıq göstərən igid Azərbaycan oğullarının şücaəti indi dillərə dastan olur. Torpaqlarımızı işğaldan azad etmiş bu vətən oğullarının sayəsində biz zəfər yazan ölkənin vətəndaşına çevrilmişik. Onlardan biri də Tovuzun Əsrik Cırdaxan kəndindən olan Bədir Süleymanovdur.

© Sputnik / Ilham Mustafa
Qarabağ qazisi Bədir Süleymanov övladı ilə

O, Vətən müharibəsinin ilk günlərindən cəbhəyə könüllü qatılıb, döyüşlərdə iştirak edib. Bədir torpaqlarımızın işğaldan azad olunması zamanı əldə edilən qələbənin əsas səbəblərindən birinin yüksək döyüş əhval-ruhiyyəsi olduğunu deyir:

“Əhval-ruhiyyə ordumuzda çox yüksək idi. Bir əsgərdə belə qorxu hissi yox idi. İndi fikirləşirəm ki, bir nəfər belə qorxmuş olsaydı, bu bütün döyüşçülərə sirayət edərdi. Amma hər kəs qorxmadan mərdliklə döyüşürdü. Bizim döyüşçülərin döyüş ruhunu yüksəldən düşmənin qabağımızda dayana bilməməsi idi. Hücum vaxtı erməni əsgəri uzağı 5-10 güllə atıb avtomatı tullayıb qaçırdı. Onda hiss edirdik ki, qarşımızı heç bir düşmən kəsə bilməz”, - deyə döyüşlər haqda danışıb.
  • Bədir Süleymanov övladları ilə
    © Sputnik / Ilham Mustafa
  • Bədir Süleymanovun övladları
    © Sputnik / Ilham Mustafa
  • Tovuzun Əsrik Cırdaxan kəndindən olan Bədir Süleymanov
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
1 / 5
© Sputnik / Ilham Mustafa
Bədir Süleymanov övladları ilə

Füzuli, Laçın və Xocavənd istiqamətində döyüşlərdə iştirak edən Bədir Süleymanov əlindən yaralansa da, digər yaralı əsgər yoldaşını da döyüş meydanında buraxmayıb. O anı yaralı qazi belə xatırlayır:

“Noyabrın 9-da Xocavənd istiqamətində əlimdən güllə yarası aldım. Mən zərbə manqasında döyüşürdüm. Döyüşlərə ilk biz atılırdıq. Yaralandığım döyüşdə erməniləri qovaraq içərilərə getdik. Düşmən bizi mühasirəyə salmaq istəyəndə yaralandım. Mənimlə eyni vaxtda bir yoldaşım da yaralandı. Güllə sinəsindən girib kürəyindən çıxmışdı. Olduğumuz yerdən işıqlı havada çıxmaq mümkün deyildi. Snayperləri çox idi ərazidə. Ona görə komandir dedi, qaranlıq düşsün, sonra sizi aşağı düşürək. Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi”, - deyə o, son döyüşündən məlumat verib.

© Sputnik / Ilham Mustafa
Qarabağ qazisi Bədir Süleymanov ailəs ilə birgə

Bədirin 2 körpə övladı var. Qazinin gəlişinə ən çox sevinənlər də elə onlardır.

Qazi anası Aybəniz Salmanova övladı ilə fəxr etdiyini deyir.

“Bədir mənim fəxrimdir. Müharibə başlayanda öz kəndimizdəydim. Zəng elədi ki, mən döyüşə gedirəm, gəl, uşaqların yanında qal. Gedən gündən döyüşlərə qatılıb son günlərədək vuruşdu. Gələndə onu bir qəhrəman oğul kimi qarşıladım. Mən övladımla, ordumuzla, prezidentimizlə fəxr edirəm. Çünki birlik olmasaydı, müharibədə qalib gələ bilməzdik,” - deyə o bildirib.

Bədir indi tezliklə sağalacağı günü gözləyir. Fikri-zikri döyüş yoldaşlarının yanında olduğundan sağalan kimi onların yanına getmək istəyir.

163
Teqlər:
əsgər, döyüş, söhbət, Tovuz, Qarabağ, qazi

Suqovuşana həyat qayıdır - FOTO

20
(Yenilənib 20:18 30.11.2020)
Əks-hücum əməliyyatı nəticəsində oktyabrın 3-də azad olunan Suqovuşana artıq yol çəkilir. Bunun üçün ərazi minalardan təmizlənir. Kənddən son kadrları Sputnik Azərbaycan-ın fotolentində izləyin

Otuz ilə yaxın Ermənistan silahlı qüvvələrinin işğalı altında qalan Suqovuşan kəndi Azərbaycan üçün strateji əhəmiyyət daşıyır. Burada Tərtərçayı və ətrafdakı rayonları su ilə təmin edən Suqovuşan su anbarı yerləşir. İşğal altında olduğu illər ərzində Suqovuşandan gələn suyun qabağı kəsildiyindən Tərtər, Goranboy, Bərdə və Yevlax rayonları su qıtlığından əziyyət çəkirdi.

Azərbaycan Prezidenti İlham Əliyevin göstərişi ilə Tərtər rayonunun Suqovuşan və Talış kəndlərinə aparan avtomobil yollarının bərpasına başlanılıb. Uzunluğu 29 km təşkil edən yolu tikintisinin təmin olunması üçün Ərazilərin Minalardan Təmizlənməsi üzrə Dövlət Agentliyi (ANAMA) ərazini partlamamış sursat və minalardan təmizləməyə başlayıb. İşlər əllə, mexaniki maşınlarla, eləcə də minaaxtaran itlərin köməyilə aparılır.

 

ANAMA əməkdaşları bu ərazidə indiyədək 76 tank əleyhinə, 118 piyada əleyhinə mina, 6 tank əleyhinə minanın partladıcısı və 6 partlamamış hərbi sursat aşkarlayıblar.

 

20
  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

  • © Sputnik / Aleksey Kudenko

    Suqovuşanda son vəziyyət

Teqlər:
fotolent, ANAMA, yol, Azərbaycan, Qarabağ, Tərtər, Suqovuşan
Türkiyədə epidemioloji vəziyyət

Türkiyə qaydaları sərtləşdirir: artıq günlərində də...

0
(Yenilənib 22:19 30.11.2020)
"Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq" - Ərdoğan

BAKI, 30 noyabr – Sputnik. Koronavirusa yoluxmanın artması səbəbindən  çərşənbə axşamından etibarən Türkiyədə hamam, hovuz və idman zallarının fəaliyyəti dayandırılacaq.

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğan deyib.

“Hamamlar, saunalar, hovuzlar, idman zalları çərşənbə axşamından etibarən işini dayandırır. Ticarət mərkəzlərinə məhdud sayda insanları rəqəmsal şifrə ilə buraxacaqlar. Küçələrdə insanların toplaşması da məhdudlaşdırılacaq. İş günlərində 21.00-dan 05.00-dək, eləcə də cümə axşamı 21.00-dan bazar ertəsi 05.00-dək komendant saatı tətbiq olunacaq. Dövlət müəssisələri 10-dan 16-dək işləyəcək”, - deyə Ərdoğan televiziya ilə müraciətində deyib.

“Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq. Vaksinasiya gələn aydan başlanacaq. Artıq 50 milyon doza vaksin sifariş etmişik”, - Türkiyə lideri əlavə edib.

Ölkənin Səhiyyə naziri Fahrettin Koca bildirib ki, koronavirus pandemiyası Türkiyənin bir sıra bölgələrində, eləcə də İstanbulda üçüncü pik həddinə çatıb. Son həftə ərzində koronavirusa yoluxma və COVID-19-dan ölüm faktları üzrə rekord göstəricilər bir-birini əvəzləyib.

Bu gün qardaş ölkə yenə antirekordu təzələyib - COVID-19-dan 188 xəstə ölüb. Bir gün ərzində 31219 yeni yoluxma faktı aşkarlanıb. İndiyədək Türkiyədə 13746 nəfər COVID-dən dünyasını dəyişib. 5190 xəstənin vəziyyəti ağırdır.

0
Teqlər:
komendant saatı, sərt karantin rejimi, yoluxma, Koronavirus, epidemiya, COVID-19, Türkiyə
Mövzu:
Dünyanı cənginə almış bəla