Ermənistan DQ-nin əsgərləri

Paşinyan daxili qoşunları Qarabağa göndərir

388
(Yenilənib 13:53 03.07.2018)
Avqustun 15-dən daxili qoşunlar 15 günlük növbə ilə Qarabağa göndəriləcək

BAKI, 3 iyul — Sputnik. Ermənistan rəhbərliyi polisin daxili qoşunlarını xidmət keçmələri üçün sərhədə göndərmək niyyətindədir. Bu barədə Sputnik Ermənistan "Qraparak" nəşrinə istinadən bildirir.

""Daxili qoşunlar haqqında" qanuna əsasən bu qoşun növünün hədəflərindən biri "müdafiədə iştirakdır", lakin əvvəlki hökumət bu qoşun növündən etiraz aksiyalarını dağıtmaq üçün istifadə edib. Ermənistan polisinin rəisi Valeriy Osipyan şənbə günü bölmələrlə görüşüb və bildirib ki, o, bununla bağlı Müdafiə Nazirliyindən təklif alıb və qəbul edib. Təşəbbüs isə baş nazir Nikol Paşinyan tərəfindən irəli sürülüb" — deyə məqalədə qeyd olunur.

Qəzetin məlumatına görə, bir bölmə öz narazılığını bildirib. Osipyan qeyd edib ki, avqustun 15-dən daxili qoşunlar 15 günlük növbə ilə Qarabağa göndəriləcək. Burada olduğu vaxtda isə onlara əlavə əmək haqqı ödəniləcək.

Polis rəhbərliyi öz növbəsində görüş faktını təsdiqləyib və bildirilib ki, belə bir qərar verilsə, onlar bu barədə ictimaiyyətə məlumat verəcəklər.

388
Teqlər:
Daxili Qoşunlar, Ermənistan
Əlaqədar
Ermənistan ordusunda korrupsiya sxeminin üstü açıldı, tutulanlar var
Rusiya Ermənistana müasir qırıcılar satıb, yoxsa yox?
Ermənistan ordusu Dağlıq Qarabağda hərbçisini itirdi
MN: "Azərbaycan Ermənistana hesabat verməyəcək"
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

63
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

63
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

39
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

39
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ