Военная каска

Ermənistan ordusu Dağlıq Qarabağda hərbçisini itirdi

69
(Yenilənib 12:52 30.06.2018)
Azərbaycanın işğal olunmuş Dağlıq Qarabağ bölgəsində daha bir erməni əsgər ölüb

BAKI, 30 iyun — Sputnik. Ermənistan ordusunun hərbçisi, 1973-cü il təvəllüdlü Armen Atanesyan işğal altında olan Dağlıq Qarabağda ölüb.

Sputnik Ermənistan-ın məlumatına görə, hadisə iyunun 29-da axşam saatlarında cəbhənin Ağdam istiqamətində baş verib.

"İlkin məlumata əsasən, hərbçinin ölümü böyrək çatışmazlığından baş verib", — məlumatda deyilir.

Hadisənin səbəblərini araşdırmaq üçün araşdırma aparılır.

69
Əlaqədar
Ermənistan rəhbərliyi iclasa toplandı
Ermənistan artıq Rusiya ilə müttəfiq olmaq istəmir – politoloq şərhi
Ermənistan üçün insan haqları, yoxsa Qarabağ - Bu gün Brüsseldə cavab veriləcək
Başlandı: Ermənistan müdafiə naziri istintaq qarşısında
Vladimir Putin Ermənistan baş nazirini Azərbaycan prezidentinə təqdim edib
Düsen Kaseinov, arxiv şəkli

Düsen Kaseinov:“Dini abidələrin dağıdılması bəşəriyyətin təhqir olunmasıdır”

8
(Yenilənib 10:02 19.01.2021)
TÜRKSOY-un baş katibi Düsen Kaseinov deyir ki, Beynəlxalq Türk Mədəniyyəti Təşkilatının nümayəndələri mədəni irsimizin qısa zaman ərzində bərpa edilməsində öz dəstəyini göstərəcək
Düsen Kaseinov:“Dağıdılmış irsimizin qısa zamanda bərpa ediləcəyinə inanıram”

Beynəlxalq Türk Mədəniyyəti Təşkilatının (TÜRKSOY) və Türkdilli Dövlətlərin Əməkdaşlıq Şurasının (TDƏŞ) nümayəndə heyəti Ağdamın işğaldan azad olunan ərazilərinə səfər edib.

Sputnik Azərbaycan xəbər verir ki, TÜRKSOY-un baş katibi Düsen Kaseinov jurnalistlərə açıqlamasında  Ağdamda türk mədəniyyətinin dağıdılan qədim abidələri bərpasını arzuladığını söyləyib.

“Bu, dağıntılar bütün bəşəriyyətə qarşı törədilib. Çünki dini abidələrin dağıdılması xalqın, dinin təhqir olunmasıdır. Deməli, bütün bəşəriyyətin təhqir olunmasıdır. Quraqlıqdan sonra münbit torpaqlar yağış gözlədiyi kimi, bu torpaqlar da mədəniyyətin, incəsənətin buraya qayıtmasını gözləyir. Azərbaycan xalqı, türk xalqlarının görkəmli nümayəndələri tərəfindən yaradılmış abidələr, memarlıq əsərləri yenidən bərpa olunsun və bu mübarək torpaq yenidən canlansın. Ümumi mədəniyyətimizin dirçəlişi buraya gəlsin. Əsrlər boyu Azərbaycan xalqının və türk xalqlarının yaratdığı sivilizasiyanın burada necə ölməyini gördükdə hiss edilən duyğuları çatdırmaq çətindir. Mən əvvəlcə də Azərbaycan Respublikasının Prezidenti hörmətli İlham Əliyevə təbrik məktubu göndərmişdim. O zaman da bildirmişdim ki, işğal dövründə dağıdılmış bütün tarixi və mədəni irsimizin qısa zaman ərzində bərpa ediləcəyinə inanıram. Beynəlxalq Türk Mədəniyyəti Təşkilatının nümayəndələri də mədəni irsimizin qısa zaman ərzində bərpa edilməsində öz dəstəyini göstərəcək. Burada baş verən vəhşilik yalnız Azərbaycana qarşı deyil, bütün insanlığa qarşıdır”, – deyə baş katib bildirib.

Düsen Kaseinovun geniş şərhinə audiofaylda qulaq asa bilərsiniz

8
Şəhid Orxan Babayev

Şəhid olacağını yuxusunda görmüşdü - Dedi öz ehsanımdan yemişəm

28
(Yenilənib 00:18 19.01.2021)
Döyüşlərdə düşmən texnikasına və canlı qüvvəsinə qənim kəsilən, onları sıradan çıxaran Orxan hər kəs üçün nümunəvi bir döyüşçü ömrü yaşayıb.

İlham Mustafayev, Sputnik Azərbaycan

BAKI, 19 yanvar — Sputnik. Döyüşlərdə düşmən texnikasına və canlı qüvvəsinə qənim kəsilən, onları sıradan çıxaran Orxan hər kəs üçün nümunəvi bir döyüşçü ömrü yaşayıb. Neçə -neçə yaralı əsgər yoldaşlarını döyüş meydanından xilas edib. Şəhid Orxan Babayev Ağstafa rayon Qarahəsənli kəndində doğulub ,boya-başa çatıb. Orxan şəhid olan gündən evləri döyüş yoldaşları, komandirləri tərəfindən ən çox ziyarət edilən bir məkana çevrilib.Ən ağır günlərin yoldaşı olan bu insanlar müharibə bitdikdən sonra yoldaşları vəfa borcu yerinə yetirməyə gəliblər. Bu günlərdə onun döyüş yoldaşları şəhidimizin qəbrini ziyarət edib, ailəsi ilə görüşüblər. Valideynlərinə belə cəsur oğul yetişdirdikləri üçün təşəkkür ediblər.

© Sputnik / Ilham Mustafa
Orxan Babyevin döyüş yoldaşları

Hacıqabul rayonundan gələn döyüş yoldaşıVüsal Qurbanov Orxanın igidliyindən danışıb:

"Orxan çox qorxmazıydı. Qələbə üçün özünü hər təhlükəyə atırdı. Fizuli tapşırığına birgə getmişik. Səhər saat 6-da hücuma keçdik. Minaatan batareyasını götürməliydik. Hava işıqlaşanda erməni snayperlərinin mühasirəsinə düşdük. Gecəyə qədər daldalanacaqdan çıxmağa qoymadılar. Susuz qala bilməzdik. Orxanla şəkidən Hacıyev familiyalı bir əsgər heç nədən qorxmadan əvvəl aldığımız posta gedib su gətirdilər. Onda onun necə qorxmaz olduğunu gördüm. Sonra da onun igidliklərinin şahidi oldum. Məndən yaşca kiçik olmasına baxmayaraq elə bir insanala döyüş yoldaşı olduğumçün qürur hissi keçiririəm".
© Sputnik / Ilham Mustafa
Vüsal Qurbanov. Döyüş yoldaşı

Oktyabrın 2-dən son anadək onun yanında olan Sakit Mustafazadə isə Qəbələ rayonundan gəlib. O, Orxanın özünün şəhidliyini bir gün əvvəl yuxuda görüb ona danışdığını söyləyib:

"Bütün hücumlara əməliyyatlarında Orxan birinci atılırdı. Qumbara atanıydı. Məni ona köməkçi vermişdilər. Neçə dəfə üstümüzə gələn texnikanı vurub erməniləri qaçmağa məcbur etmişdi. Hər döyüşə girəndə deyirdi Sakit bax mən şəhid olcam. Gecələr quru otları yolub üstə yatırdıq. Şəhid olmamışdan bir gün əvvəl yuxu görmüşdü. Dedi görürəm şəhid olmuşam. Öz ehsanımdan yeyirəm. Mən arzuma çatacam. Noyabrın 9-da Xocavənd şəhərinin girişində şəhid oldu", - deyərək məlumat verib.

© Sputnik / Ilham Mustafa
Orxan Babayev

Əsgər yoldaşları Orxanın igidliklərindən ürək dolusu danışdıqca şəhid anası övladı ilə daha çox fəxr etdiyini söyləyib. O, oğlunun müharibənin ilk günündən döyüşlərdə olsa belə evdəkilərə bunu bildirmədiyini deyib:

"Çox vətənpərvər uşaq idi. Şəhid analarını dinləyirəm sanki hamısı eyni taleyi yaşayıb, eyni tərbiyəni alıblar. Əsgər paltarı geyinməyə elə tələsirdi ki. Əsgər çağırılanda dedilər səhhətində problemi var. Sənədlərini Bakıya həkimə göndərdilər. Atasına dedi ki, cavabından asılı olmayaraq, mən mütləq orduya gedəcəm. Füzuliyə düşdü. Müharibə başlayandan hər gün danışsaqda Şəhid olan günə kimi bilmədik ki, o döyüşlərdə olub. Hər dəfə deyirdi narahat olmayın, biz arxadayıq döyüşmürük. Sonra bildik ki, ilk gündən müharibədəymiş. Nümunəvi əsgər olub. Ötən il noyabrın 9-da Füzuliyə andiçməsinə getmişdik. Bu il noyabrın 9-da şəhid xəbəri gəldi".
  • Orxan Babayevin məzarı
    © Sputnik / Ilham Mustafa
  • Sakit Mustafayev. Döyüş yoldaşı
    © Sputnik / Ilham Mustafa
  • Orxan Babayevin məzarı
    © Sputnik / Ilham Mustafa
  • Pərvanə Babayeva şəhid anası
    © Sputnik / Ilham Mustafa
  • Orxan Babayevin evində
    © Sputnik / Ilham Mustafa
  • Orxan Babayevin döyüş yoldaşı
    © Sputnik / Ilham Mustafa
  • Orxan Babayevin döyüş yoldaşı
    © Sputnik / Ilham Mustafa
  • Orxan Babayevin döyüş yoldaşları
    © Sputnik / Ilham Mustafa
  • Orxan Babayev şəkli
    © Sputnik / Ilham Mustafa
1 / 9
© Sputnik / Ilham Mustafa
Orxan Babayevin məzarı

Şəhid Orxan Babayev noyabrın 11-də Qarahəsənli kənd qəbrstanlığında dəfn edilib. Ölümündən sonra "Vətən uğrunda", "Xocavəndin azad olunması" və "Füzulinin azad olunmasına görə" medalları ilə təltif edilib.

28
Bakıda qarlı hava, arxiv şəkli

Bakıda şaxta gözlənilir

0
Havanın temperaturu gecə saatlarında 0 dərəcəyə yaxınlaşacaq. Yanvarın 20-dən 21-nə və 21-dən 22-nə keçən gecə paytaxtda temperaturun 0-mənfi 2 dərəcə olacağı proqnozlaşdırılır".

BAKI, 19 yanvar — Sputnik. "Bu gün ərzində ölkə ərazisində Aralıq dənizi siklonunun keçməsi nəticəsində respublikanın əksər rayonlarında yağıntılı hava müşahidə edilir".

Sputnik Azərbaycan xəbər verir ki, bu barədə Milli Hidrometeorologiya Xidmətinin rəisi Umayra Tağıyeva deyib. O bildirib ki, saat 12-yə olan məlumata görə, gecə saatlarından yağan qar respublikanın dağlıq və dağətəyi rayonlarında qar örtüyünün yaranmasına səbəb olub: "Ən yüksək qar örtüyü Qax rayonunun dağlıq ərazilərində müşahidə edilib. Burada qar 40 sm-dən artıq olub. Şəki, Gədəbəy, Göygül, Daşkəsən, Oğuz, Şəki, Quba, Altıağac, Ordubad, Qəbələ, Qusarda qar örtüyünün hündürlüyü 2 sm-dən 15 sm-dək müşahidə edilib. Gün ərzində respublikanın əksər rayonlarında yağıntılar davam edəcək və axşama doğru, ayın 20-də, hətta respublikanın Aran rayonlarında yağışın sulu qara və qara keçəcəyi proqnozlaşdırılır".

U.Tağıyeva qeyd edib ki, Bakıda və Abşeron yarımadasında ayın 20-də yağışın sulu qar və qarla qarışıq yağması gözlənilir: "Havanın temperaturu gecə saatlarında 0 dərəcəyə yaxınlaşacaq. Yanvarın 20-dən 21-nə və 21-dən 22-nə keçən gecə paytaxtda temperaturun 0-mənfi 2 dərəcə olacağı proqnozlaşdırılır".

Milli Hidrometeorologiya Xidmətinin yaydığı ümumi məlumata görə, sabah havanın temperaturu Bakıda və Abşeron yarımadasında gecə 0, gündüz 1-3 dərəcə isti olacaq. Atmosfer təzyiqi 764 mm civə sütunu, nisbi rütubət 80-90 faiz təşkil edəcək.

Yanvarın 20-də Azərbaycanın rayonlarında havanın arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Gecə və səhər saatlarında duman olacaq, qərb küləyi ayrı-ayrı yerlərdə arabir güclənəcək.

Havanın temperaturu gecə 0-3, gündüz 3-6 dərəcə isti, dağlarda gecə 7-12 dərəcə şaxta, gündüz 0-5 dərəcə isti olacaq. Yolların buz bağlayacağı gözlənilir.

0
Teqlər:
buz, şaxta, hava