Serj Sarqsyan

Sarqsyan artıq toxunulmaz deyil - Onu necə yaxalayıb Azərbaycana gətirməli?

633
(Yenilənib 18:07 27.04.2018)
"Onun toxunulmazlıqdan və mühafizədən məhrum olmasından istifadə edərək onun üçüncü ölkənin ərazisində ələ keçirilməsi və Azərbaycana gətirilməsi üzrə əməliyyatın keçirilməsi mümkündür"

Aleksandra Zuyeva, Sputnik Azərbaycan

BAKI, 27 aprel — Sputnik. "Nəzəri və hüquqi baxımdan Azərbaycan Ermənistanın eks-prezidenti Serj Sarqsyanın həbsinə nail ola bilər, lakin siyasi baxımdan bu, real görünmür". Bu sözləri deputat Çingiz Qənizadə Azərbaycanın prokurorluq orqanlarının Sarqsyanın toxunulmazlıq statusunu itirməsi ilə əlaqədar olaraq ona qarşı cinayət işi açmasının və İnterpolun onu Azərbaycana təhvil verməsinin nə dərəcədə real olduğu barədə suallara cavab verərkən deyib.

Серж Саргсян
© AP Photo / Markus Schreiber

Azərbaycanın Hərbi Prokurorluğu Xocalı soyqırımını törətməkdə günahlandırılan 297 nəfərin saxlanılması ilə bağlı İnterpola sorğu göndərib. Lakin onlardan heç biri indiyə qədər saxlanılmayıb və onlara cəza verilməyib.

Parlamentari hesab edir ki, "Sarqsyan Rusiyanın marionetkasıdır və onu bizə verməyəcək".

Ermənistanın sabiq prezidenti Serj Sarqsyan insanlıq əleyhinə cinayətlərdə — Xocalı soyqırımının törədilməsində günahlandırılır. O, bu cinayətdə əlinin olmasını britaniyalı jurnalist Tomas de Vaala müsahibəsində açıq surətdə etiraf edib: "Xocalıya qədər azərbaycanlılar düşünürdülər ki, ermənilər mülki əhaliyə əl qaldırmağa qadir deyil. Biz isə bu stereotipi qırdıq" (Tomas de Vaal, Qarabağ: Ermənistan və Azərbaycan sülhlə müharibə arasında).

Sputnik Azərbaycan Rusiya və Azərbaycandan olan ayrı-ayrı ekspertlərə müraciət edərək hazırda Sarqsyanın həbsinin nə dərəcədə real olduğunu, Rusiyanın onu Qənizadənin dediyi kimi, müdafiə edib-etməyəcəyini soruşub.

Plexanov adına Rusiya İqtisad Universitetinin sosiologiya və politologiya kafedrasının dosenti Oleq Qlazunovun fikrincə, burada söhbət Rusiyadan getmir: "Ümumilikdə, Xocalı və bütövlükdə Dağlıq Qarabağ münaqişəsi siyasi məsələdir. İnterpola gəlincə, bu təşkilat siyasətdən uzaq durmağa çalışır. Ona görə də hazırda hər şey rəsmi Vaşinqtondan asılıdır. Amerika bütün beynəlxalq normaların əsas pozucusudur. Əgər o istəyərsə, Sarqsyan həbs oluna bilər".

"Amma hadisələrin başqa cür inkişafı da mümkündür. ABŞ Ermənistanla münasibətləri yoluna qoymaq istəyə bilər. Buna görə də erməni tərəfinin güzəştə getməsinə nail olmaq üçün onlar Sarqsyanın mümkün həbsindən qaça bilərlər. Əks təqdirdə Birləşmiş Ştatlar Ermənistanı onun keçmiş prezidentinin tamamilə kənarda qalacağı ilə hədələyə bilər" — deyə politoloq bildirib.

Ekspertin fikrincə, odur ki, bu məsələ hüquqi müstəvidə həll olunmayacaq: "Həmişə məsələ sabiq prezidentlərlə əlaqədar olanda, məhz belə alınır. Belə hallar həmişə siyasi müstəvidə həll olunur. Dünya oyunçuları necə istəsələr, elə də olacaq".

Sputnik Azərbaycan-ın həmsöhbəti hesab edir ki, hüquqi cəhətdən Sarqsyanın həbsi mümkündür: "Əgər Azərbaycan Sarqsyanın bu və ya digər cinayətləri törətdiyi barədə İnterpolu inandıracaq dəlillər bazasına malikdirsə, onda beynəlxalq polis Azərbaycan tərəfi ilə bu məsələni müzakirə edə bilər. İnterpol siyasətdənkənar polis olduğu üçün, Sarqsyan məsələsi isə siyasi olduğu üçün, o, dünyada güclü olan tərəfin göstərişlərini yerinə yetirəcək".

"Bununla yanaşı, qeyd etmək istəyirəm ki, İnterpol çətin ki, Almaniya və ya Fransanın göstərişi ilə işləsin, amma Böyük Britaniya, yaxud ABŞ-ın göstərşi ilə işləyə bilər. Odur ki, bu məsələ daha çox siyasi səviyyədə həll olunacaq, nəinki hüquqi" — Qlazunov əlavə edib.

Plexanov adına Rusiya İqtisad Universitetinin sosiologiya və politologiya kafedrasının dosenti, hərbi ekspert Aleksandr Perenciyevin fikrincə isə, indi Sarqsyanın ekstradisiyası və cəzalandırılması üçün çətin ki, Azərbaycan üçün əlverişli şərait yaransın: "Hələ fakt deyil ki, əgər Ermənistanın hakim dairələrində dəyişiklik baş veribsə, bu, Azərbaycan tərəfinin xeyrinədir və hansısa əlverişli şərait yaranıb".

Politoloqun fikrincə, əgər Ermənistanda qərbyönümlü çevriliş baş vermiş olsa belə, bu, o demək deyil ki, o, xaricdən Ukrayna kimi, ABŞ tərəfindən idarə ediləcək: "Birdən bu idarəetmə erməni diasporunun güclü olduğu Fransanın əlinə keçərsə? Belə çıxır, Ermənistan bu halda da Qarabağla, eləcə də digər siyasətlə bağlı daha sərt mövqe tutacaq".

Perenciyevin fikrincə, bütün bunlara rəğmən, əlbəttə ki, Sarqsyanın hərəkətlərini cəzasız buraxmaq olmaz: "Burada rəsmi Bakı Ermənistanda inqilabın nə ilə başa çatacağına diqqət yetirməlidir. Əgər həqiqətən də bu ölkədə hakimiyyətə qardaşlıq və bərabərlik tərəfdarı olan insanlar gəlməyəcəksə, onda onlar cinayətkar Sarqsyanı Azərbaycana təhvil verməyə hazır olacaqlarmı? Bu sualı erməni müxalifətinə ünvanlamaq lazımdır".

"Əgər cavab "yox" olacaqsa, deməli, İnterpola da müraciət eləməyə dəymir. Rusiya da ukraynalı siyasi xadimlərlə bağlı dəfələrlə İnterpola mürciət edib, hər dəfə də "yox" cavabına alıb" — deyə politoloq bildirib.

Onun dediyinə görə, Azərbaycan siyasi bəyanatlarını davam etdirməlidir: "Bu vəziyyətdə edilməsi mümkün olan yeganə iş Sarqsyanın toxunulmazlıq və mühafizədən məhrum olmasından istifadə edərək onun üçüncü ölkənin ərazisində ələ keçirilməsi və Azərbaycana gətirilməsi üzrə əməliyyatın keçirilməsidir. Amma mən düşünürəm ki, Sarqsyan da bu ssenarini göz önünə alaraq müvafiq tədbirlər görəcək. Çünki onun öz şəxsi mühafizəsini təmin edəcək qədər pulu var".

Qeyd etmək lazımdır ki, Sarqsyanın erməni terrorçularının bir vaxtlar fəal şəkildə istifadə etdiyi bu ssenarini nəzərə almaması qəribə olardı. "Daşnaksütyun" partiyasının keçirdiyi terror aksiyası olan "Nemezis" əməliyyatını xatırlayın. Bu aksiyanın məqsədi Osmanlı imperiyası tərəfindən törədilmədiyi bildirilən qondarma "erməni soyqırımı"nı və guya Bakıda 1918-ci ildə erməni əhalisinin qətlini təşkil etmiş şəxslərdən qisas alınması idi.

Qətlə yetirilən şəxslərin arasında həm Osmanlı imperiyasının, həm də Azərbaycan Demokratik Respublikasının keçmiş rəhbərləri var idi. Əməliyyatın adı, qədim yunan intiqam ilahəsi "Nemezidanın" adından götürülmuşdü.

Perenciyevin fikrini Qafqaz Tarixi Mərkəzinin direktoru, AMEA-nın Hüquq və İnsan Hüquqları İnstitutunun baş elmi əməkdaşı Rizvan Hüseynov da bölüşür. Onun sözlərinə görə, Roma statusu beynəlxalq müqaviləsi mövcuddur.

"Bu Beynəlxalq Cəza Məhkəməsi müəssisəsi hərbi cinayətlərə görə cəzaları nəzərdə tutur. Lakin bu müqavilə yalnız 2002-ci ildən sonra törədilmiş cinayətlərə şamil olunur. Buna qədərki cinayətlərin heç biri sözügedən müqaviləyə düşmür" — deyə ekspert bildirib.

Hüseynovun sözlərinə görə, əgər söhbət 2002-ci ilə qədər baş vermiş cinayətdən gedirsə, biz, əlbəttə ki, İsrail təcrübəsinə müraciət edə bilərik: "İsrail potensial müharibə cinayətkarlarının təqib edilməsi, ələ keçirilməsi və ittiham olunduğu ölkəyə göndərilməsi ilə məşğul olur. Həmin ölkədə də onu cəzalandırırlar".

(Arayış: İsrailin Mossad kəşfiyyat xidməti 1960-cı ilin mayında "Eyxmanın oğurlanması" əməliyyatını keçirib. Əməliyyat faşist hərbi canisi Adolf Eyxmanın Argentinada ələ keçirilərək gizli şəkildə İsrailə gətirilməsindən ibarət olub. Əməliyyat qeyri-rəsmi şəkildə həyata keçirildiyi üçün Argentina İsraili suverenliyinin pozulmasında günahlandırdı. İsrail əməliyyatın qeyri-qanuniliyini İkinci Dünya Müharibəsi illərində Avropa yəhudilərinin soyqırımına görə birbaşa məsuliyyət daşıyan Eyxmanın cinayətlərinin misilsiz olması ilə izah edirdi".

Öz növbəsində, Milli Məclisin deputatı Rasim Musabəyov Sputnik Azərbaycan-a bildirib ki, Azərbaycan çətin, Sarqsyanın ekstradisiyasına və ya onun başqa ölkənin ərazisində cəzalandırılmasına nail olsun: "Azərbaycan tərəfi ümumiyyətlə belə bir addım atmaz. Ermənistanın keçmiş prezidenti Robert Köçəryan da vaxtilə öz postunu tərk edib, lakin indiyədək cinayət məsuliyyətinə cəlb olunmayıb".

Deputat bildirib ki, Xocalıdakı qanlı aksiyanın konkret icraçıları var: "O adamlar məsuliyyətə cəlb olunsalar, yaxşı olar. Onların heç bir toxunulmazlığı yoxdur. O cinayətkarların siyahısı Baş Prokurorluqda var. Onlardan hansı birininsə cinayət məsuliyyətinə cəlb olunması barədə eşitmisiniz?".

633
Teqlər:
hüquqi, Serj Sarqsyan, siyasi, eks-prezident, ölkə, toxunulmazlıq, Sputnik Azərbaycan, mühafizə, Xocalı soyqırımı, İnterpol, ekspert, Ermənistan, Rusiya, Azərbaycan, politoloq, həbs
Əlaqədar
Sarqsyan erməni müxalifətinin liderini həbs etdirdi, toqquşmalar başladı - VİDEO
Sarqsyanın "səbri tükəndi", küçə toqquşmaları və kütləvi həbslər başladı
Sarqsyan etirazçılara haqq qazandırdı: Ölkədə həyat səviyyəsi çox aşağıdır
Yüzlərlə "qanuni oğru" Yerevanda cəmləşdi: Ya Sarqsyanın kəlləsi gedəcək, ya da...
Parlament Serj Sarqsyanın taleyini həll etdi
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

13
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

13
Azərbaycan Respublikasının Xarici İşlər Nazirliyi

Rusiyalı diplomat Azərbaycan XİN-ə çağırıldı

21
(Yenilənib 19:34 26.01.2021)
Səfirlik əməkdaşı ilə görüşdə Dövlət Dumasının üzvünün Azərbaycan əleyhinə atdığı növbəti təxribatçı addımı Azərbaycan və Rusiya arasında mövcud olan yüksək səviyyəli münasibətlərə tamamilə zidd olduğu vurğulanıb

BAKI, 26 yanvar - Sputnik. Bu gün Rusiya Federasiyasının Bakıdakı səfirliyinin müvəqqəti işlər vəkili Xarici İşlər Nazirliyinə çağırılıb.

Sputnik Azərbaycan bildirir ki, bu barədə Azərbaycan XİN-in məlumatında deyilir.

Görüşdə Rusiya Dövlət Dumasının hakim “Vahid Rusiya” partiyasından olan üzvü Vitali Milonovun erməni KİV-nə müsahibəsi zamanı Azərbaycan dövlətinə və xalqına qarşı qəbuledilməz ifadələr işlətməsi məsələsi Rusiya səfirliyinin müvəqqəti işlər vəkili qarşısında qaldırılıb, Dövlət Dumasının üzvünün bu davranışını qəti şəkildə pislənilib.

Həmçinin Rusiya Dövlət Dumasının üzvü V.Milonovun Azərbaycan əleyhinə atdığı növbəti təxribatçı addımı Azərbaycan və Rusiya arasında mövcud olan yüksək səviyyəli münasibətlərə tamamilə zidd olduğu vurğulanıb. V.Milonovun səsləndirdiyi fikirlərin Moskvanın rəsmi mövqeyini əks etdirmədiyi və bu kimi addımların ölkələr arasında münasibətlərə xələl gətirmək və əldə olunan razılaşmanın həyata keçirilməsinə əngəl törətmək məqsədi daşıdığı vurğulanıb.

21
Teqlər:
diplomat, səfirlik, Rusiya, Azərbaycan, XİN
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

0
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

0
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası