Azərbaycan Avropa İttifaqına çağırış etdi: Qətiyyətli olun
(Yenilənib 14:20 23.09.2017)
Xələf Xələfov: "Ermənistan işğal etdiyi torpaqları öz ərazisi kimi təqdim edir, Avropa İttifaqı bununla bağlı qətiyyətli mövqe ortaya qoymalıdır"BAKI, 22 sentyabr — Sputnik. "Ermənistan "Şərq tərəfdaşlığı" proqramının üzvüdür, amma bu ölkə Azərbaycanın ərazilərini işğal edib, Azərbaycanın tarixi abidlərini dağıdıb. Ermənistan işğal etdiyi torpaqları öz ərazisi kimi təqdim edir. Avropa İttifaqı bununla bağlı qətiyyətli mövqe ortaya qoymalıdır".
Sputnik Azərbaycan-ın xəbərinə görə, bunu Azərbaycanın xarici işlər nazirinin müavini Xələf Xələfov, Milli Məclisdə "Avronest" Parlament Assambleyasının (PA) "Dayanıqlı İnkişaf Məqsədləri üzrə gender bərabərliyi və qadın sağlamlığının təşviqinə Şərq Tərəfdaşlığı ölkələri parlamentlərtinin cəlb edilməsi" mövzusunda keçirilən konfransında deyib.
Onun sözlərinə görə, Ermənistan status-kvonu saxlamaqla məskunlaşma siyasəti aparır: "Xaricdə yaşayan ermənilər və digərləri bu siyasətə uymamalıdırlar. Münaqişənin həlli regionun sosial tərəqqisinə, iqtisadi inkişafına təkan verəcək".
"Azərbaycan münaqişənin həllində maraqlıdır. Ümid edirik mövqeyimiz bundan sonra da beynəlxalq ictimaiyyət tərəfindən dəstəklənəcək. Azərbaycan Avropa İttifaqının etibarlı tərəfdaşıdır və İttifaqla əməkdaşlığa önəm verir" — Xələfov əlavə edib.
Azərbaycan və Rusiya pirotexnikləri 5 hektardan artıq ərazini minadan təmizləyib - VİDEO
BAKI, 19 yanvar - Sputnik. Rusiya Federasiyası Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyinin pirotexniklərdən ibarət qrupu Azərbaycan Respublikası Fövqəladə Hallar Nazirliyinin əməkdaşları ilə birlikdə işğaldan azad olunmuş torpaqlarımızın minalardan təmizlənməsi əməliyyatını davam etdirir.
Sputnik Azərbaycan Fövqəladə Hallar Nazirliyinə istinadən xəbər verir ki, birgə fəaliyyət nəticəsində yanvar ayının 19-dək ümumilikdə 5 hektardan artıq sahədə axtarış işləri aparılıb.
Bu müddət ərzində 210 ədəd mina və 2 ədəd partlamamış sursat aşkar olunaraq müvafiq qaydada zərərsizləşdirilib. Minalardan 174 ədədi piyada əleyhinə, 36 ədədi isə tank əleyhinə olan minalardır.
Kəlbəcər rayonunun Çopurlu kəndindən videogörüntülər
Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.
İlham Əliyev: "Milli iradəmizin zəfər çaldığı gün - 20 Yanvar"
BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.
Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".