Füzuli rayonu

Erməni təxribatı nəticəsində həlak olan həmvətənlərimiz bu gün dəfn olunur

1202
(Yenilənib 10:34 05.07.2017)
"Düşmən nə qədər təxribata əl atsa da, biz doğma yurdumuzu heç vaxt tərk etməyəcəyik"

Ramil İbrahimov Sputnik Azərbaycan

BAKI, 5 iyul — Sputnik. Ermənistan silahlı birləşmələrinin ötən gün Füzuli rayonunun Alxanlı kəndini artilleriya silahlarından atəşə tutması nəticəsində ölən kənd sakinləri, 51 yaşlı Sahibə Quliyeva və 2 yaşlı nəvəsi Zəhra Qulyevanın nəşləri rayonun Zobcuq-5 qəsəbəsinə gətirilib.

Sahibə Quliyeva 2 yaşlı nəvəsi Zəhra ilə
© Foto : Quliyevlər ailəsinin arxivi
Sahibə Quliyeva 2 yaşlı nəvəsi Zəhra ilə

Sputnik Azərbaycan-ın bölgə müxbirinin Füzuli Rayon İcra Hakimiyyətinin rəsmilərindən əldə etdiyi məlumata görə, yas mərasimi qəsəbədə baş tutacaq. Bu, mərasimə gələn insanların təhlükəsizliyinin təmin edilməsi ilə əlaqələndirilir.

Yas mərasimi
© Sputnik / Ramil İbrahimov
Yas mərasimi

Mərminin partlaması nəticəsində qəlpə yarası alan, 52 yaşlı Sərfinaz Quliyeva isə hərbi hospitala yerləşdirilib. Həyati təhlükəsi qalmaqdadır.

Alxanlı kənd icra nümayəndəsi İlham İsrafilov
© Sputnik / Ramil İbrahimov
Alxanlı kənd icra nümayəndəsi İlham İsrafilov

"Dinc əhalinin atəşə tutulması və aralarında azyaşlı da olmaqla, mülki şəxslərin qətlə yetirilməsi, əslində Ermənistan dövlətinin terrorçu mahiyyətinin sübutudur. Onlar nə qədər təxribata əl atsalar da, bizlər doğma yurdumuzu heç vaxt tərk etməyəcəyik" — deyə kənd icra nümayəndəsi İlham İsrafilov Sputnik Azərbaycan-a bildirib. 

Qeyd edək ki, dünən axşam saatlarında kəndi atəşə tutan düşmən, Azərbaycan Ordusunun cavab zərbələrindən sonra atəşi dayandırıb. Kənd icra nümayəndəsi İlham İsrafilovun sözlərinə görə, Ermənistan tərəfi nə qədər əhalini qorxutmağa çalışsa da, ordusuna güvənən kənd sakinləri heç vaxt doğma yurdunu tərk etməyəcək.

1202
Teqlər:
kənd icra nümayəndəsi İlham İsrafilov, Sərfinaz Quliyeva, Füzuli Rayon İcra Hakimiyyəti, silahlı birləşmələr, Sputnik Azərbaycan, atəş, Ermənistan, cəbhə
Mövzu:
Atəşkəsin pozulması nəticəsində mülki vətəndaşlarımızın qətli (17)
Əlaqədar
Ermənistan əsgərləri Zamanlını da atəşə tutublar
Türk gəmisi atəşə tutuldu
Düşmən mövqelərimizi atəşə tutub
Ermənistan silahlı bölmələri atəşkəsi pozub
Atəşkəs rejimi yenə də pozulub