Министерство обороны Азербайджанской Республики

Müdafiə Nazirliyi absurd iddianı təkzib etdi

100
(Yenilənib 17:45 25.05.2017)
Mayın 25-də Tərtər rayonu ərazisində Azərbaycan və Ermənistan qoşunlarının qarşıdurma xəttində keçirilən monitorinqin insidentsiz başa çatması beynəlxalq missiya tərəfindən rəsmi surətdə təsdiqlənib

BAKI, 25 may — Sputnik. Ermənistan mətbuatının növbəti dəfə guya Azərbaycan tərəfinin monitorinq zamanı ATƏT-in missiyasını ön mövqelərə çıxarmaması barədə xəbərlə bağlı Sputnik Azərbaycan-ın sorğusuna cavab olaraq Müdafiə Nazirliyindən bildiriblər ki, ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, mayın 25-də Tərtər rayonu ərazisində Azərbaycan və Ermənistan qoşunlarının qarşıdurma xəttində keçirilən monitorinqin insidentsiz başa çatması beynəlxalq missiya tərəfindən rəsmi surətdə təsdiqlənib.

"Ermənistan tərəfi də monitorinqin qrafikə uyğun keçirilməsi və atəşkəs rejiminin pozulmaması barədə xəbər yayıb. Lakin həmin xəbərdə Azərbaycan tərəfinin guya ATƏT-in missiyasını təmas xəttinə çıxarmadığı da bildirilib.

Bildiririk ki, mart ayının 1-də Ağdam rayonunun Çəmənli kəndi istiqamətində keçirilmiş monitorinqdən sonra da erməni tərəfi bu cür təxribat xarakterli məlumat yayıb.

Bir daha bildiririk ki, monitorinqin keçirilməsi mexanizminə uyğun olaraq,  beynəlxalq müşahidəçilər əvvəl rabitə sonra isə vizual əlaqə yaradaraq nə vaxt, hansı nöqtədə olmalarını, eləcə də digər detalları özləri müəyyən edir, monitorinqin baş tutması və sona çatmasını orada iştirak edən səhra köməkçiləri təsdiq edirlər. Əgər münaqişə tərəflərindən biri monitorinqin keçirilməsinə istənilən bir formada problem yaradarsa, bu barədə elə ilk məlumat verən həmin müşahidəçilər olacaq.

Ermənistan mütəmadi olaraq bu kimi böhtan xarakterli yalan məlumatlar yaymaqla beynəlxalq qurumları sistematik şəkildə şantaj etmək, onların fəaliyyətinə kölgə salmaq və etimadına xələl gətirmək məqsədini güdür" — Müdafiə Nazirliyindən bildirilib.

100
Teqlər:
Cəbhə xəttində monitorinq, ATƏT, Müdafiə Nazirliyi, Ağdam rayonunun Çəmənli kəndi, Tərtər rayonu, Azərbaycan
Əlaqədar
Monitorinq baş tutdu
Qarşıdurma xəttində növbəti monitorinq keçiriləcək
MN: Ermənistan cəbhədə monitorinq keçirən ATƏT missiyasını şantaj edir
Qoşunların qarşıdurma xəttində monitorinq keçirilib
Qarşıdurma xəttində növbəti monitorinq keçiriləcək