Traktorun qırılmış ön şüşəsi

Ermənistan növbəti aprel təxribatına əl atdı

1941
(Yenilənib 18:28 05.04.2017)
Ağdam sakini: "3-4 gündür vəziyyət çox təhlükəlidir. Pambığın səpin vaxtı olduğu halda, tarlaya çıxıb işləyə bilmirik"

Ramil İbrahimov, Sputnik Azərbaycan

BAKI, 5 apr — Sputnik. Ermənistan silahlı birləşmələri ötən gün cəbhənin Ağdam istiqamətində yaşayış məntəqələrini atəşə tutub. Təmas xəttinin təqribən 300 metrliyində yerləşən rayonun Orta Qərvənd kəndi də atəşə məruz qalıb.

Orta Qərvənd kənd sakini Habil Qədirov
© Sputnik / Ramil Ibrahimov
Orta Qərvənd kənd sakini Habil Qədirov

Atəşkəsin pozulması nəticəsində kənd sakini Habil Qədirova məxsus traktora ziyan dəyib. Onun Sputnik Azərbaycan-ın bölgə müxbirinə verdiyi məlumata görə, təxminən saat 07:00 radələrində başlayan atışma 15 dəqiqəyə qədər davam edib.

Habil Qədirova məxsus traktor
© Sputnik / Ramil Ibrahimov
Habil Qədirova məxsus traktor

Traktorun ön şüşəsindəki güllə izini Qədirov səhər saat 9:00-da, sahəyə işləməyə gedərkən görüb: "Traktora minmək istəyəndə gördüm, şüşə qırıqları var yerdə. Güllə texnikanın qabaq şüşəsinə dəyib, onu parçalamışdı".

"Əvvəllər də bir-iki dəfə atıblar traktora. Amma son 3-4 gündür lap təhlükəli olub. Pambığın səpin vaxtıdır, yuxarıda yaxın olan sahələrə çıxıb işləyə bilmirik. Ancaq aşağı, nisbətən uzaq olan yerlərdə işləmək olur" — deyib Habil Qədirov bildirir.

O, əlavə edib ki, 3 gün əvvəl tarlada səpin aparan başqa bir traktor da gülləbarana məruz qalıb. Xoşbəxtlikdən həmin texnikaya ziyan dəyməyib. Kəndin atəşə tutulmasına baxmayaraq, sakinlər arasında xəsarət alan yoxdur.

1941
Teqlər:
Habil Qədirov, Orta Qərvənd kəndi, traktor, təmas xətti, Ağdam, atəş, Ermənistan, cəbhə
Əlaqədar
Ermənistan apreldə yenə təxribata əl atır
Düşmən təxribatı davam edir
Düşmənin daha bir təxribat qrupu məhv edildi
Ermənistan Xocalı soyqırımı ərəfəsində qəsdən təxribatlar törədir
Azərbaycana qarşı təxribat törətmiş erməni idmançı cəzalandırıldı
Erməni hərbçilərinin təxribatının qarşısı belə alındı
Düşmən yenidən təxribata əl atıb
Laçın şəhərində körpü

"Laçının azad olunmasına görə" medalının əsasnaməsi təsdiqləndi

8
"Laçının azad olunmasına görə" medalı döşün sol tərəfinə, Azərbaycan Respublikasının digər orden və medalları olduqda, "Ağdamın azad olunmasına görə" medalından sonra taxılır.

BAKI, 1 dekabr — Sputnik. Prezident İlham Əliyev "Laçının azad olunmasına görə" Azərbaycan Respublikasının medalı haqqında Əsasnaməni təsdiqləyib.

Sputnik Azərbaycan-ın məlumatına görə, "Laçının azad olunmasına görə" medalı ilə Azərbaycan Respublikasının Laçın rayonunun işğaldan azad edilməsi uğrunda aparılmış döyüş əməliyyatlarında iştirak etmiş Azərbaycan Respublikası Silahlı Qüvvələrinin hərbi qulluqçuları təltif edilir.

"Laçının azad olunmasına görə" medalı döşün sol tərəfinə, Azərbaycan Respublikasının digər orden və medalları olduqda, "Ağdamın azad olunmasına görə" medalından sonra taxılır.

"Laçının azad olunmasına görə" medalı bürüncdən tökülmüş və qızıl suyuna çəkilmiş, diametri 36 mm olan dairəvi lövhədən ibarətdir.

© Official website of President of Azerbaijan Republic
“Laçının azad olunmasına görə” Azərbaycan Respublikası medalının təsviri

Medalın ön tərəfinin kənarları bəzəkli naxışlarla konturlanmışdır. Bəzəkli konturdan medalın daxilinə doğru, xarici və daxili çevrələrlə konturlanmış dairəvi lövhə təsvir olunmuşdur. Xarici və daxili çevrələrin arasında, yuxarı qövs boyunca "LAÇIN", aşağı qövs boyunca "1 DEKABR 2020" sözləri yazılmışdır. "1 DEKABR 2020" sözlərindən sol və sağ tərəflərdə, aşağıdan yuxarıya doğru dəfnə çələngləri təsvir olunmuşdur. "LAÇIN" sözü ilə dəfnə çələnglərinin arasında iki səkkizguşəli ulduz və kompozisiyanı tamamlayan xətlər təsvir olunmuşdur. Daxili çevrənin içərisində, doğan günəş şüaları fonunda at belində Azərbaycan Respublikasının Dövlət Bayrağını aparan Azərbaycan əsgəri təsvir olunmuşdur. Bütün elementlər və yazılar relyefli olaraq qabarıqdır.

Medalın arxa tərəfində xarici və daxili çevrələrlə konturlanmış lövhənin üzərində qövs boyunca "LAÇININ AZAD OLUNMASINA GÖRƏ" sözləri yazılmışdır. Lövhənin aşağı hissəsinin mərkəzində səkkizguşəli ulduz, ulduzla sözlərin arasında isə kompozisiyanı tamamlayan xətlər təsvir olunmuşdur. Medalın arxa tərəfinin mərkəzində medalın seriyası və nömrəsi həkk olunmuşdur. Bütün elementlər və yazılar relyefli olaraq qabarıqdır.

Medal paltara bərkidilmək üçün elementi olan, 37 mm x 50 mm ölçülü beşbucaqlı xara lentə iki halqa və ilgək vasitəsilə birləşdirilir. Xara lentin mərkəzində 10 mm enində qızılı rəngli şaquli zolaq, qızılı rəngli zolaqdan sol və sağ kənarlara doğru ardıcıl olaraq 8 mm enində bir göy rəngli və 5.5 mm enində bir qızılı rəngli şaquli zolaqlar təsvir olunmuşdur. Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə olunur.

8
Teqlər:
Prezident İlham Əliyev, Əsasnamə, Laçının azad olunması, Ağdamın azad olunması
Dağıdılmış Ağdam şəhərinə mənzərə

"Ağdamın azad olunmasına görə" medalı kimlərə veriləcək

7
"Ağdamın azad olunmasına görə" Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda, "Kəlbəcərin azad olunmasına görə" medalından sonra taxılır.

BAKI, 1 dekabr — Sputnik. Prezident İlham Əliyev "Ağdamın azad olunmasına görə" Azərbaycan Respublikası medalı haqqında Əsasnaməni təsdiqləyib.

Sputnik Azərbaycan-ın məlumatına görə, "Ağdamın azad olunmasına görə" Azərbaycan Respublikasının medalı ilə Azərbaycan Respublikasının Ağdam rayonunun işğaldan azad edilməsi uğrunda aparılmış döyüş əməliyyatlarında iştirak etmiş Azərbaycan Respublikası Silahlı Qüvvələrinin hərbi qulluqçuları təltif edilir.

© Official website of President of Azerbaijan Republic
“Ağdamın azad olunmasına görə” Azərbaycan Respublikası medalının təsviri

"Ağdamın azad olunmasına görə" Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda, "Kəlbəcərin azad olunmasına görə" medalından sonra taxılır.

"Ağdamın azad olunmasına görə" Azərbaycan Respublikasının medalı (bundan sonra – medal) bürüncdən tökülmüş və qızıl suyuna çəkilmiş, diametri 36 mm olan dairəvi lövhədən ibarətdir.

Medalın ön tərəfinin kənarları bəzəkli naxışlarla konturlanmışdır. Bəzəkli konturdan medalın daxilinə doğru, xarici və daxili çevrələrlə konturlanmış dairəvi lövhə təsvir olunmuşdur. Xarici və daxili çevrələrin arasında, yuxarı qövs boyunca "AĞDAM", aşağı qövs boyunca "20 NOYABR 2020" sözləri yazılmışdır. "20 NOYABR 2020" sözlərindən sol və sağ tərəflərdə, aşağıdan yuxarıya doğru dəfnə çələngləri təsvir olunmuşdur. "AĞDAM" sözü ilə dəfnə çələnglərinin arasında iki səkkizguşəli ulduz və kompozisiyanı tamamlayan xətlər təsvir olunmuşdur. Daxili çevrənin içərisində, doğan günəş şüaları fonunda at belində Azərbaycan Respublikasının Dövlət Bayrağını aparan Azərbaycan əsgəri təsvir olunmuşdur. Bütün elementlər və yazılar relyefli olaraq qabarıqdır.

Medalın arxa tərəfində xarici və daxili çevrələrlə konturlanmış lövhənin üzərində qövs boyunca "AĞDAMIN AZAD OLUNMASINA GÖRƏ" sözləri yazılmışdır. Lövhənin aşağı hissəsinin mərkəzində səkkizguşəli ulduz, ulduzla sözlərin arasında isə kompozisiyanı tamamlayan xətlər təsvir olunmuşdur. Medalın arxa tərəfinin mərkəzində medalın seriyası və nömrəsi həkk olunmuşdur. Bütün elementlər və yazılar relyefli olaraq qabarıqdır.

Medal paltara bərkidilmək üçün elementi olan, 37 mm x 50 mm ölçülü beşbucaqlı xara lentə iki halqa və ilgək vasitəsilə birləşdirilir. Xara lentin mərkəzində 10 mm enində qızılı rəngli şaquli zolaq, qızılı rəngli zolaqdan sol və sağ kənarlara doğru ardıcıl olaraq 8 mm enində bir göy rəngli və 5.5 mm enində bir qızılı rəngli şaquli zolaqlar təsvir olunmuşdur. Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə olunur.

7
Teqlər:
Prezident İlham Əliyev, Əsasnamə, Kəlbəcərin azad olunması, Ağdamın azad olunması
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

0
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

0
Teqlər:
tələbələr, rejissor, Hindistan, prodüser, mükafat