Təmas xətti tam sükut içərisindəykən bir atəş tükləri ürpətdi
Ramil İbrahimov, Sputnik Azərbaycan
BAKI, 9 mart — Sputnik. Ağdamın cəbhə xəttində yerləşən Orta Qərvənd kəndində yaşayan Şirinnaz Bədəlova artıq 6 ildir 8 mart gününü matəm kimi qeyd edir. Sonuncu dəfə bayram hədiyyəsini də 6 il əvvəl həyətlərində oynayan zaman erməni snayperinin açdığı atəşlə vurulan oğlu 9 yaşlı Farizdən alıb.
©
Sputnik / Ramil Ibrahimov
Şirinnaz Bədəlova
Həmin gün Fariz dayısının ona verdiyi pulla gül alaraq anasını təbrik edir. Şirinnaz xanım həyatında aldığı ən qiymətli hədiyyənin sevincini isə cəmi bir neçə dəqiqə yaşayır. Anasını güllə təbrik edən Farizin qisməti ermənilərin ona atdığı güllə olur.
©
Sputnik / Ramil Ibrahimov
Doqquz yaşlı Farizin qətli ermənilərin təmas xəttində törətdiyi qeyri-insani cinayətlərdən sadəcə biridir
Çərşənbə tonqalına çırpı yığmaq üçün anasından icazə alaraq bayıra çıxandan bir neçə dəqiqə sonra atəş səsi eşidilir. Səsə eyvana çıxan ailə üzvləri əvvəlcə heç nə anlamırlar. Farizi səsləyən ana, həyətə düşəndə onun cansız bədəni ilə qarşılaşır.
©
Sputnik / Ramil Ibrahimov
Farizin anası: Gül alıb gətirmişdi ki, "ana, səni təbrik edirəm", həmin gül də öz qəbrinin üstünə getdi
"Xəstəxanaya apardıq, amma həkimlər dedilər ki, "gecdir, artıq keçinib". Başından dəymişdi. Gül alıb gətirmişdi ki, "ana, səni təbrik edirəm", həmin gül də öz qəbrinin üstünə getdi" — deyir Farizin anası Şirinnaz xanım.
©
Sputnik / Ramil Ibrahimov
İndi hər 8 mart günü Şirinnaz xanım üçün bayram yox, matəm günüdür
Hadisənin şahidləri danışırlar ki, həmin gün təmas xəttində tam sakitlik olub. Atılan yeganə güllə isə hədəfə dəyib.
Sağ olsaydı, 15 yaşlı Fariz 8 mart günü anasını yenə təbrik edəcəkdi. "Bəlkə də Azərbaycanda yeganə qadınam ki, 8 mart mənim üçün bayram deyil, matəm günüdür" — deyir Şirinnaz Bədəlova.
Farizin ölümündən təqribən 5 ay sonra sakinlərin təhlükəsizliyini təmin etmək üçün təmas xəttinə yaxın yerləşən evlərin ətrafına istinad divarları çəkilir. Farizin vurulması atəşkəs dövründə ermənilərin cəbhədə törətdiyi ən dəhşətli qətllərdən biri kimi tarixə düşüb…
Teqlər:
Ermənistan ordusunun zərbə PUA-sı zərərsizləşdirilib
BAKI, 24 oktyabr — Sputnik. Oktyabrın 23-ü gündüz saatlarında Cəbrayıl rayonu istiqamətində Ermənistan silahlı qüvvələrinə məxsus "BZEZ" zərbə pilotsuz uçuş aparatı (PUA) bölmələrimiz tərəfindən aşkar olunaraq xüsusi texniki vasitələrlə yerə endirilib.
Ermənistan ordusuna məxsus PUA© AR Ministry of Defence
Ermənistan ordusuna məxsus PUA© AR Ministry of Defence
Ermənistan ordusuna məxsus PUA© AR Ministry of Defence
©
AR Ministry of Defence
Bu barədə Sputnik Azərbaycan Müdafiə Nazirliyinə istinadən xəbər verir.
Cəbhəyanı bölgələrdə 175 partlamamış sursat, mərmi qalıqları və dronlar zərərsizləşdirilib
(Yenilənib 10:12 24.10.2020)
Mina Təhlükəsinə dair Maarifləndirmə üzrə mütəxəsisslər tərəfindən 9 714 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.BAKI, 24 oktyabr - Sputnik. 23 oktyabr tarixində Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Beyləqan, Füzuli, Goranboy, Naftalan və Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən – 38 (otuz səkkiz) və Fövqəladə Hallar Nazirliyinin Böhran Vəziyyətlərində İdarəetmə mərkəzindən 2 (iki) müraciət daxil olub.
ANAMA-dan Sputnik Azərbaycan-a verilən məlumata görə, daxil olmuş 40 çağırış əsasında Agentliyin xüsusi mobil çevik əməliyyat qrupları tərəfindən Ağcabədi rayonunun Arazbar, Böyük Kəhrizli, Hacılar, Qaradolaq, Yeni Qaradolaq, Yuxarı Qiyaməddinli kəndləri, Ağdam rayonunun Bəybabalar, Çəmənli, Mahrızlı kəndləri, Bərdə rayonunun Xantorpaq, Əlyanlı kəndləri, Beyləqan rayonunda “Mayak” adlanan əraziyə, Füzuli rayonunun Alxanlı, Böyük Bəhmənli kəndləri və Horadiz şəhəri, Goranboy rayonunun Tapqaraqoyunlu, Şəfəq, Səfibəyli, Hacalı kəndləri, Naftalan rayonunun Qaşaltı kəndi, Tərtər rayonunun Borsunlu, Yuxarı Sarıcalı kəndləri, Qızıloba qəsəbəsi, V.Orucov, H.Hacıyev, V.Hüseynov küçələrinə Daxili İşlər Nazirliyinin əməkdaşları ilə birlikdə 33 operativ və təxirəsalınmaz əməliyyat çıxışı həyata keçirilib.
Aparılan əməliyyat-axtarış tədbirləri zamanı 175 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 35 ədəd partlamış mərmi qalıqları aşkar olunub.
Agentliyin partlayış qrupu tərəfindən 1 ədəd raket, 1 ədəd 9N235 bombacığı və 2 ədəd dron zərərsizləşdirilib, Mina Təhlükəsinə dair Maarifləndirmə üzrə mütəxəsisslər tərəfindən 9 714 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.
Paytaxt bir daha dezinfeksiya edildi
BAKI, 24 oktyabr — Sputnik. Ölkə başçısı İlham Əliyev və Birinci vitse-prezident Mehriban Əliyevanın Azərbaycanda koronavirus (COVID-19) pandemiyası ilə mübarizə tədbirlərilə bağlı tapşırıq və göstərişlərinə uyğun olaraq Bakı Şəhər İcra Hakimiyyəti (BŞİH) tərəfindən paytaxtda bu epidemiyaya qarşı tədbirlərin daha da genişləndirilməsi məqsədi ilə kompleks tədbirlər davam etdirilir.
Bu barədə Sputnik Azərbaycan-a BŞİH-dən məlumat verilib.
Bildirilib ki, son günlərdə koronavirusa (COVID-19) yoluxanların sayında artımın olması nəzərə alınaraq oktyabr ayının 24 və 25-də səhər saatlarından etibarən Bakı Şəhər İcra Hakimiyyətinin strukturları tərəfindən paytaxt ərazisi üzrə əsas küçə, prospekt və yollarda kommunal təsərrüfat xidmətlərinin 40 ədəd xüsusi texnikası və 2000 nəfər əməkdaşları tərəfindən xüsusi kimyəvi maddələrlə növbəti, artıq 15-ci dəfə əlavə gücləndirilmiş dezinfeksiya işləri həyata keçirilir. İş həcminin coxluğu nəzərə alınaraq dezinfeksiya tədbirlərinin iki gün ərzində keçirilməsi qərara alınıb.
Şənbə və bazar günləri ərzində mərkəzi küçələrlə yanaşı paytaxtın qəsəbə və yaşayış massivlərindəki küçələrdə də dezinfeksiya işləri aparılacaq. Bu zaman istifadə edilən maddələrin qəbul olunmuş müəyyən toksikliyini nəzərə alaraq paytaxt sakinləri əvvəlcədən KİV-lər vasitəsi ilə xəbərdarlıq ediliblər.
Küçələrdə aparılan dezinfeksiya işləri ilə yanaşı Bakı Şəhər Mənzil- Kommunal Təsərrüfatı Departamentinin əməkdaşları xüsusi qrafikə uyğun departamentin balansında olan yaşayış binalarında, lift kabinalarında, həyət və yaşayış məhəllələrində, buradakı idman-əyləncə qurğularında, məişət tullantılarının atıldığı konteyner meydançalarında tibbi-profilaktik və dezinfeksiyaedici tədbirləri davam etdiriblər.
Qeyd olunub ki, qış aylarında yağış yağan zaman isə dezinfeksiya işləri lokal xarakterli olacaq. Geniş dezinfeksiya tədbirlərinin keçirilməsində əsas məqsəd vətəndaşlarımızı pandemiyadan qorumaqdır: "Bu istiqamətdə bütün lazımi tədbirlər həyata keçirilir. Arzumuz budur ki, bu cür tədbirləri işğaldan azad edilən şəhərlərimizdə, o cümlədən Şuşa və Xankəndidə aparaq".