QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Qarabağın azərbaycanlı icmasının qadınları Ollanda məktub ünvanlayıblar

© elysee.frFransa prezidenti Fransua Olland
Fransa prezidenti Fransua Olland - Sputnik Azərbaycan
Abunə olmaq
Qarabağın azərbaycanlı icmasının qadınları Sarkisyanın Parisə səfəri ilə bağlı Fransua Ollanda məktub ünvanlayıblar

BAKI, 7 mart — Sputnik. Azərbaycanın Dağlıq Qarabağ bölgəsinin azərbaycanlı icmasının qadınları adından bir qrup məcburi köçkün qadın (100 nəfər) Ermənistan prezidenti Serj Sarkisyanın Fransaya səfəri ilə əlaqədar  Fransa prezidenti Fransua Oland, Fransa Milli Assambleyasının prezidenti Klod Bartolon və Fransa Senatının sədri Gerard Larçerə məktub ünvanlayıb.

“Dağlıq Qarabağ bölgəsinin azərbaycanlı icması” İctimai Birliyindən Sputnik Azərbaycan-a verilən xəbərə görə, Fransua Olanda ünvanlanan məktubda deyilir:

“Siz 8 mart 2017-ci il tarixində beynəlxalq qadınlar günü bayramında xüsusi amansızlıqla azərbaycanlı qadınlarının qətlə yetirildiyi Xocalı soyqırımının təşkilatçısı Ermənistan Respublikasının prezidenti Serj Sarkisyanı Parisdə qəbul edəcəksiniz.

Bununla əlaqədar, Azərbaycanın tarixi Dağlıq Qarabağ bölgəsinin Azərbaycanlı icmasının məcburi köçkün həyatını yaşayan bütün qadınları adından sizdən xahiş edirik ki, ATƏT-in Minsk Qrupunun həmsədri kimi Ermənistan Prezidentinə təzyiq göstərəsiniz ki, Ermənistan-Azərbaycan Dağlıq Qarabağ münaqişəni beynəlxalq hüquqa, o cümlədən BMT-nin Təhlükəsizlik Şurasının müvafiq qətnamələrinə və ATƏT-in Helsinki Yekun Aktına istinadən sülh yolu ilə həll edilməsinə, həmçinin Dağlıq Qarabağ bölgəsinin azərbaycanlı və erməni icmaları arasında dialoqun qurulmasına və inkişafına, “Ermənistan-Azərbaycan Sülh Platforma”sının fəaliyyətinə və biz məcburi köçkünlərin insan hüquqlarının tezliklə bərpasına və 2018-ci ildə növbəti beynəlxalq qadınlar bayramını öz doğma diyarlarımızda, şəhərlərimizdə, kəndlərimizdə və evlərimizdə qeyd etməyimizə maneə göstərməsin”.

Dağlıq Qarabağ bölgəsinin azərbaycanlı icmasının qadınları  Fransa rəsmilərindən ədaləti dəstəkləməyi və beynəlxalq hüququn, tarixi ədalətin və  onların insan hüquqlarının öz tarixi və doğma torpaqları olan Azərbaycanın Dağlıq Qarabağ bölgəsində təmin edilməsini xahiş ediblər.

“Biz ümid edirik ki, Fransa beynəlxalq ictimaiyyətin məsuliyyətli üzvü kimi, ATƏT-in Minsk Qrupunun həmsədri kimi yuxarıda qeyd etdiyimiz beynəlxalq öhdəliklərinə əsasən öz obyektiv vasitəçilik funksiyasını daha da gücləndirəcək və Ermənistan Prezidentinə təzyiqlərini artıracaq” — deyə müraciətdə qeyd olunub.

Müraciət Azərbaycan Respublikasının işğal edilmiş  Dağlıq Qarabağ bölgəsinin azərbaycanlı icmasının məcburi köçkün həyatını yaşayan bütün qadınları adından İcmanın bir qrup qadınları tərəfindən imzalanıb. 

Xəbər lenti
0