Tarlada işləyən Təzəkənd sakini

Ağdam cəbhəsində gərgin anlar: düşmən tarlada işləyən kəndliləri atəşə tutub

1989
"Ermənistan atəşkəsi mütəmadi pozduğundan, vaxtlı vaxtında əkdiyimiz məhsulu becərə bilmirik. Nəticədə min bir əzab-əziyyətlə yetişdirməyə çalışdığımız məhsul zay olur"

Ramil İbrahimov, Sputnik Azərbaycan

BAKI, 2 mart — Sputnik. Ağdam rayonunun Təzəkənd kəndi cəbhə xəttinin yaxınlığında yerləşir. Atəşkəsin intensiv pozulduğu son həftə ərzində Ağdam istiqamətində, təmas xəttindəki partlayış səsləri, əsasən bu kəndin ərazsində eşidilib.

Sakinlərin Sputnik Azərbaycan-a verdikləri məlumata görə, bu gün səhər saat 10 radələrindən etibarən Ermənistan tərəfi yenidən artilleriya silahlarından istifadə etməklə atəşkəsi pozub. Atılan mərmilər kəndin yaşayış olan hissəsinə düşmədiyindən dağıntı baş verməyib.

Təzəkənd sakinləri
© Sputnik / Ramil Ibrahimov
Kənd sakinlərinin həyatı öz axarı ilə davam edir

"Saat 10-11 arası ermənilər daha intensiv şəkildə atəş açmağa başladılar. Həmin vaxt tarlada işləyirdik. İşi dayandırdıq, ərazidən uzaqlaşdıq ki, birdən mərmilər sahəyə düşər. Sonra atəş səsləri nisbətən səngidi və biz tarlaya qayıtdıq. Demək olar, hər gün bu vəziyyətdə yaşayırıq" — kənd sakini Faiq Abbasov deyir.

Kəndin yaşayış olan hissəsi bir qədər uzaqda olsa da, əkin və otlaq sahələri birbaşa cəbhə xəttinin yaxınlığında yerləşir. Əsas gəliri torpaqdan olan kənd sakinləri günün çox hissəsini təsərrüfat işləri ilə məşğul olmaqla keçirirlər. Buna görə də, qarşı tərəf kənddə baş verənləri aydın müşahidə edə bilir.

Əsas təhlükə də buradadır. Ermənilər əvvəllər də bir neçə dəfə sahədə işləyən əhalini atəşə məruz qoyublar. Həmsöhbət olduğumuz kənd sakini Namiq Hüseynov deyir ki, burada işləmək, yaşamaqdan daha çətindir: "Ermənistan tərəfi atəşkəsi mütəmadi pozduğundan, vaxtlı vaxtında əkdiyimiz məhsulu becərə bilmirik. Nəticədə kəndlinin min bir əzab-əziyyətlə yetişdirməyə çalışdığı məhsul ya zay olur, ya da ancaq çəkilən xərci çıxarmaq mümkün olur".

Kənd sakini öz nəvəsi ilə
© Sputnik / Ramil Ibrahimov
Kəndin yaşayış olan hissəsində elə də ciddi təhlükə yoxdur. Əsas gərginlik yuxarı hissədə — əkin-biçin sahəsindədir

"Kəndin yaşayış olan hissəsində elə də ciddi təhlükə yoxdur. Əsas gərginlik yuxarı hissədə — əkin-biçin sahəsindədir. Artıq bu vəziyyətə öyrəşmişik. Kənddə uşaqdan böyüyə hamı yerindədir" — Namiq Hüseynov deyir.

Təmas xəttində sükut saat 12.00 radələrinə doğru bərpa olundu. Ümumilikdə isə atəşkəsə dair müqavilənin imzalanmasından bu günə qədər Ermənistan ordusunun açdığı atəş nəticəsində Ağdam və Tərtər rayonları ərazisində 100-ə yaxın mülki şəxs yaralanıb, 30 nəfərdən çox dinc sakin dünyasını dəyişib.

1989
Teqlər:
Təzəkənd kəndi, sahə, əkin, Ağdam rayonu, Sputnik Azərbaycan, yaşayış, sakin, atəş, atəşkəs, Ermənistan, cəbhə, erməni
Mövzu:
Qarabağda yeni döyüşlər (16)
Əlaqədar
Düşmənin daha bir təxribat qrupu məhv edildi
Ermənistan Xocalı soyqırımı ərəfəsində qəsdən təxribatlar törədir
Erməni hərbçilərinin təxribatının qarşısı belə alındı
Düşmən yenidən təxribata əl atıb
Düşmən təxribatı nəticəsində hərbi qulluqçumuz yaralanıb
Erməni təxribatı baş tutmadı və ədalət öz yerini tapdı
Düşmən təxribatdan əl çəkmir
DİN əməkdaşları Suqovşanda, arxiv şəkli

"Euronews" Suqovuşan kəndindən reportaj hazırlayıb

17
(Yenilənib 23:25 04.12.2020)
"Qarabağın göz yaşı və sevinci" adlanan reportajda yenidən kəndinə qayıdan Xaliq Hümbətov danışıb. O, Suqovuşanı 14 yaşında tərk etdiyini və gedərkən ermənilər tərəfindən atlarının əllərindən alındığını deyib

BAKI, 4 dekabr — Sputnik. "Euronews" bu dəfə işğaldan azad edilmiş Suqovuşan kəndindən reportaj hazırlayıb.

Sputnik Azərbaycan xəbər verir ki, "Qarabağın göz yaşı və sevinci" adlanan reportajda yenidən kəndinə qayıdan Xaliq Hümbətov danışıb.

O, Suqovuşanı 14 yaşında tərk etdiyini və gedərkən ermənilər tərəfindən atlarının əllərindən alındığını deyib.

Qeyd edək ki, Azərbaycan Ordusu Suqovuşanı 3 oktyabrda işğaldan azad edib.

17
Qırmızı Xaç Komitəsinin avtomobilləri, arxiv şəkli

Azərbaycanla Ermənistan əsirlərin dəyişdirilməsi barədə razılığa gəlirlər

84
(Yenilənib 20:16 04.12.2020)
Dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

BAKI, 4 dekabr — Sputnik. Ermənistan və Azərbaycan əsir və itkin düşmüş hərbçilərin və mülki şəxslərin siyahılarını mübadilə edib. Sputnik Ermənistan xəbər verir ki, bunu Ermənistan Baş nazirinin müavini Tiqran Avinyanın aparatı məlumat yayıb.

Qeyd olunur ki, münaqişə tərəfləri şəxslərin qarşılıqlı qaytarılması məqsədilə vətəndaşların adları olan siyahıları Beynəlxalq Qırmızı Xaç Komitəsinə veriblər.

Xatırladaq ki, dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

"Bundan əlavə, heç bir ilkin şərt olmadan yeni əsrlərin geri qaytarılması mexanizmi də təklif olunur", - deyə Avinyan qeyd edib.

O, həmçinin Qarabağda hərbi əməliyyatların dayandırılması və atəşkəs rejiminin bərqərar olmasına görə Rusiya tərəfinə təşəkkür edib.

Görüş zamanı tərəflər girovların qaytarılması, itkin düşənlərin axtarışı və ölənlərin cəsədlərinin axtarışı ilə bağlı məsələləri də müzakirə ediblər.

84
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0