Azərbaycan XİN

Azərbaycan XİN gürcüstanlı jurnalisti "qara siyahı"dan çıxardı

15
Qurami Roqavanın müraciəti müvafiq qaydada nəzərdən keçirilib və onun adının arzuolunmaz şəxslər siyahısından çıxarılmasına dair qərar qəbul edilib

BAKI, 2 mart — Sputnik. Gürcüstan vətəndaşı, "TV İmedi" telekanalının müxbiri Qurami Roqava, Azərbaycan Xarici İşlər Nazirliyinə (XİN) məktubla müraciət edərək, adının "Azərbaycan Respublikasının işğal edilmiş ərazilərinə qanunsuz səfər etmiş əcnəbilərin siyahısı"ndan çıxarılmasını xahiş edib. Bu barədə Sputnik Azərbaycan-a XİN-in mətbuat xidmətindən məlumat verilib.

Məktubunda Q.Roqava Azərbaycan Respublikasının beynəlxalq səviyyədə tanınmış sərhədləri daxilində ərazi bütövlüyü və suverenliyinə və qanunlarına hörmət etdiyini və Ermənistan tərəfindən işğal edilmiş Azərbaycan ərazilərinə bilmədən və səfərin fəsadlarından əvvəlcədən məlumatlı olmadan səfər etdiyini qeyd edib. O, bu səfərin Azərbaycanın suverenliyi və ərazi bütövlüyünə qarşı yönəlmədiyini vurğulayıb.

"Səfərlə əlaqədar təəssüfünü ifadə edərək, Qurami Roqava Ermənistan tərəfindən işğal olunmuş Azərbaycan ərazilərinə səfərin heç bir halda Azərbaycanın işğal olunmuş ərazilərində yaradılmış qondarma rejimin təşviqinə xidmət etmədiyini bildirib və işğal olunmuş ərazilərə qanunsuz səfərlə əlaqədar Azərbaycan hökuməti və xalqından üzr istədiyini qeyd edib. Q.Roqava həmçinin gələcəkdə işğal olunmuş ərazilərə bu kimi səfərlərdən çəkinəcəyinə dair zəmanət verib. Roqavanın müraciəti müvafiq qaydada nəzərdən keçirilib və onun adının arzuolunmaz şəxslər siyahısından çıxarılmasına dair qərar qəbul edilib" — XİN-in məlumatında bildirilir.

15
Teqlər:
Qurami Roqava, arzuolunmaz şəxslər, Gürcüstan, XİN, Azərbaycan, siyahı
Əlaqədar
Azərbaycan bolqar səyyahı "qara siyahı"dan çıxardı
Azərbaycan Rusiyanın iki məşhur musiqiçisini "qara siyahı"dan çıxardı
Azərbaycan Kevin O'Konnel və Yannik Pelletiyerin adlarını "qara siyahı"dan çıxardı
"Qara siyahı"nın başında gələn Dövlət Komitəsi
Keçmiş səfir Azərbaycanın "qara siyahı"sına düşəcək
“Чай вдвоём” qrupunun keçmiş üzvü XİN-in "qara siyahı"sından çıxarıldı