Ağdamın Sarıcalı kənd sakinləri

Cəbhəyanı kəndin sakini: "Heç yerə getməyəcəyik, hamı öz ev-eşiyindədir"

300
(Yenilənib 18:17 26.02.2017)
Sarıcalı kənd sakini Sumbat Dadaşov deyir ki, sosial şəbəkələrdə kimlərinsə məqsədli şəkildə guya insanların kəndləri tərk etdiyi barədə yaydığı xəbərlər tamamilə əsassızdır

Ramil İbrahimov, Sputnik Azərbaycan

Ağdamın Sarıcalı kəndi təmas xəttinə yaxın yerləşən yaşayış məntəqələrindəndir. 2016-cı ilin aprel ayında cəbhədə baş verən döyüşlər zamanı rayonun ən çox zərər görən kəndlərdən biri olub.

Sputnik Azərbaycan-ın məlumatına görə, fevralın 24-dən 25-nə keçən gecə Ermənistan ordusunun atəşkəsi pozması da kənd ərazisindən aydın hiss olunub. Təmas xəttində onlarla mərmi partlayışının səsi eşidilib. Sakinlər deyir ki, atılan mərmilər kənd ərazisinə düşməsə də, hər dəfə cəbhədə vəziyyətin gərginləşməsi onların həyat şəraitinə mane olur. Dolanışığı əkinçilik və maldarlıq olan kəndlinin təsərrüfatda işləri ləngiyir.

Sarıcalı kənd sakinləri
© Sputnik / Ramil Ibrahimov
Fevralın 24-dən 25-nə keçən gecə Ermənistan ordusunun atəşkəsi pozması Sarıcalı ərazisindən də aydın hiss olunub
 

"İşləyə bilmirik, işlədiyimiz yerdə atarlar, gələr düşər sahəyə. Bu dəqiqə istixanada əkin aparmalıyiq, edə bilmirik, toyuq-cücəmizi alıb saxlaya bilmirik, yəni, kəndlinin dolanışığı budur, bu da ki belə. Amma heç hara çıxmamışıq. Heç apreldə heç yerə getmədik, həmişə bu kənddə olmuşuq" – kənd sakini Etibar Quliyev bildirir. 

Etibar Quliyev
© Sputnik / Ramil Ibrahimov
Etibar Quliyev

Sakinlər də təsdiqləyir ki, fevralın 24-dən 25-nə keçən gecə Ermənistan tərəfi gecə satlarından etibarən artilleriyadan istifadə etməklə atəşkəsi pozub. Yalnız bundan sonra Azərbaycan ordusu cavab atəşi açıb. Təmas xəttində saat 4 radələrində başlayan döyüş təqribən saat yarım davam edib. Cəbhədəki sükut isə, səhərə yaxın Azərbaycan ordusunun artilleriya zərbələrindən sonra bərpa olunub. Kənd sakini Sumbat Dadaşov deyir ki, sosial şəbəkələrdə kimlərinsə məqsədli şəkildə guya insanların kəndləri tərk etdiyi barədə yaydığı xəbərlər tamamilə əsassızdır. Bunun sübutu kimi sahibi olduğu mağazanın gecə saatlarında da açıq olmasını göstərir. 

"Dünən gecə atdılar, bizimkilər də onların layiq olduqları cavabı verdi. İndi də görürsüz gecədir. Hamı ev-eşiyindədir və ya burada alış-veriş edir. Biz Ali Baş komandanın əmiryilə döyüşə də bilərik" – deyir Sumbat Dadaşov.

Sumbat Dadaşov
© Sputnik / Ramil Ibrahimov
Kənd sakini Sumbat Dadaşov

Ermənistan ordusu cəbhədə törətdiyi təxribatlarla mülki əhalinin həyat şəraitini nə qədər çətinləşdirsə də, heç kim doğma yurdunu tərk etmək fikrində deyil. Sadə insanlar ermənilərin işğal etdikləri torpaqların sülh yolu tərk etməyəcəyi təqdirdə Azərbaycan ordusunun yanında olmaq və cəbhədəki erməni təxribatını sona çatdırmaq üçün silaha sarılmağa hazırdırlar.

Fevralın 24-dən 25-ə keçən gecə Ermənistan silahlı qüvvələrinin bölmələri bütün cəbhə boyu irimiqyaslı təxribatlar törətmək məqsədilə müxtəlif istiqamətlərdə mövqelərimizə soxulmağa cəhd göstəriblər.

Müdafiə Nazirliyinin mətbuat xidmətindən verilən məlumata görə, qoşunlarımız tərəfindən qarşı tərəfin daim izlənməsi, qurulan pusqular və döyüş mühafizəsinin təşkili nəticəsində düşmənin hərəkəti əvvəlcədən aşkar edilərək onun müdafiəmizin dərinliyinə irəliləməsinin qarşısı qətiyyətlə alınıb.

300
Teqlər:
Atəşkəsin pozulması, Ermənistan ordusu, Sumbat Dadaşov, Etibar Quliyev, Ağdamın Sarıcalı kəndi
Mövzu:
Qarabağda yeni döyüşlər (16)
Əlaqədar
Azərbaycan MN: Mövqelərimizə hücum edilib, itkilərimiz var
XİN: "Cəbhədə vəziyyətin gərginləşməsinin səbəbkarı Ermənistandır"
Mətbuat Şurasından Kütləvi İnformasiya Vasitələrinə müraciət

"Gündəlik 200-dən çox yoluxma var. Buna da kütləvi tədbirlər səbəb olub"

15
(Yenilənib 18:35 03.08.2020)
"Epidemioloqlar tərəfindən də qeyd edilir ki, həmin toplaşmalar olmasaydı, bugünkü rəqəmlər daha aşağı ola bilərdi"

BAKI, 3 avqust — Sputnik. “Qarabağ məsələsində həmrəyliyi bütün dünya dövlətləri gördü”.

Sputnik Azərbaycan bildirir ki, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, ancaq burada kütləvi toplaşma hallarına da yol verildi: “Epidemioloqlar tərəfindən də qeyd edilir ki, həmin toplaşmalar olmasaydı, bugünkü rəqəmlər daha aşağı ola bilərdi. Gələcəkdə vətəndaşlarımız kütləvi xarakter daşıyan tədbirlərdən çəkinməlidir. Yas mərasimləri də bu qəbildəndir. Bu kimi tədbirlər vətəndaşların daha çox bir araya gəldiyi tədbirlər sırasındadır. Buna yol vermək olmaz”.

H.Hacıyev qeyd edib ki, iyulun 14-də kütləvi tədbirin hər birimizə qürur verən hissəsini kənara qoymaq şərti ilə məsələyə epidemioloji çərçivədən də baxmalıyıq.

O bildirib ki, isti yay günlərində bu çətinliklər səbr və təmkinlə qəbul olunur: “Biz müəyyən miqyas və birgə səylərimiz nəticəsində yoluxmanın azalmasına nail olduq. Amma bu bizi qane etmir. Gündəlik 200-dən çox yoluxma var. Buna da kütləvi tədbirlər səbəb olub. Biz daha aşağı yoluxma gözləyirdik. Buna görə də gələcəkdə bundan çəkinməyə çağırırıq”.

15
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Hikmət Hacıyev vətəndaşları xaricə səfər etməkdən çəkindirdi
Azərbaycanda daha 647 nəfər COVID-19-dan sağalıb
COVID-19-la mübarizə qripə yoluxmanı da azaldıb - TƏBİB
Evlənmək, nişanlanmaq və ölmək qadağandır - QƏRAR
Metro niyə bağlı qaldı?
Rayonlara gediş-gəliş məsələsinə baxılacaq
Pulemyot, arxiv şəkli

Cəbhədə gərgin gecə: mövqelərimiz pulemyotlardan atəşə tutuldu

16
(Yenilənib 10:07 02.08.2020)
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 41 dəfə pozub

BAKI, 2 avqust — Sputnik. Ermənistan Respublikası Berd rayonunun Nerkin Karmirağbur, Ayqepar və Çinari kəndlərində yerləşən mövqelərdən Tovuz rayonunun Hacallı, Əlibəyli, Ağdam və Koxanəbi kəndlərində, Çəmbərək rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinə istinadən bildirir ki, Tərtər rayonunun işğal altında olan Göyarx, Çiləbürt, Ağdam rayonunun Novruzlu, Yusifcanlı, Xocavənd rayonunun Kuropatkino, Füzuli rayonunun Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

16
Əlaqədar
Azərbaycan XİN-i Zöhrab Mnatsakanyanın cavabını verdi
Cəbhədən gələn son xəbər açıqlandı
XİN: Ermənistanın danışıqların formatını dəyişdirmək cəhdləri qəbuledilməzdir
Ceyhun Bayramov: "Ermənistan gərginliyi artırmaq üçün təxribata əl atır"
Meksika telekanalında Ermənistanın təxribatı faktları yayımlandı
Kvas içən şəxs

Diqqət! Bu içkilər artıq çəkiyə səbəb olur

0
Bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

BAKI, 4 avqust — Sputnik. Şirələrin, kvasların və qazlaşdırılmış suların tərkibində çox miqdarda qlükoza var və onlar yüksək qlikemik indeksə malikdir. Bu içkiləri müntəzəm olaraq içmək mədəaltı vəz üçün böyük yük yaradır və artıq çəkiyə səbəb olur.

Sputnik Azərbaycan xəbər verir ki, bu barədə rusiyalı həkim-endokrinoloq Yekaterina İvannikova "Komsomolskaya Pravda" qəzetinə müsahibəsində deyib.

Bundan əlavə, bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

İvannikova içkilərinə dad qatmaq istəyənlərə suya təzə xiyar, nanə və ya limon əlavə etməyi və belə bir içkidən bir kiloqrama 30 millilitr həcmində istifadə etməyi məsləhət görüb.

0