Hikmət Hacıyev

"Ermənistan KTMT-ni münaqişəyə cəlb etmək istəyir"

214
(Yenilənib 15:29 11.01.2017)
Azərbaycan XİN: Münaqişə nə qədər tez həll olunarsa, bir o qədər tez regionda yaranacaq əməkdaşlıq imkanlarından erməni xalqı faydalana bilər

BAKI, 11 yan — Sputnik. ATƏT-in Minsk Qrupunun həmsədrləri tərəfləri bir-birilərini ittiham etməkdən vaz keçməyə çağırsa da, Ermənistanın xarici işlər naziri Edvard Nalbandyan həmsədrlərin bəyanatlarını şərh edərkən yenə ittihamlarla çıxış edib. Sputnik APA-ya istinadən xəbər verir ki, Ermənistan tərəfinin ittihamlarına Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev cavab verib.

"ATƏT-in Minsk Qrupu həmsədrlərinin qeyd etdiyi kimi, qarşılıqlı ittihamlardan kənar durmaq üçün hər hansı şərhlə çıxış etmək niyyətində olmamağımıza baxmayaraq, Ermənistanın xarici işlər naziri Nalbandyanın danışıqlar prosesi və həmsədrlərin son bəyanatını təhrif edən ittihamlarını cavablandırmaq məcburiyyətindəyik. Ermənistan xarici işlər nazirinin bu açıqlaması ölkəsinin uğursuz siyasətinə və təxribatlarına bəraət qazandırmaq, erməni xalqını və beynəlxalq ictimaiyyəti aldatmaq cəhdindən başqa bir şey deyil. Bu məqsədlə Edvard Nalbandyan, hətta ATƏT-in Minsk Qrupunun həmsədrlərini ittiham etməkdən çəkinmir. O, 1994-1995-ci illər üzrə atəşkəs rejimini, insidentlərin araşdırılması mexanizmlərini, Vyana və Sankt-Peterburq görüşlərini təhrif olunmuş formada təqdim edir, həmsədrlər tərəfindən Azərbaycan hərbi qulluqçusunun cəsədinin qaytarılması tələb olunsa da, bu məsələnin üzərindən riyakarcasına sükutla keçməyə çalışır".

Ermənistan tərəfinin tez-tez 1994-1995-ci illər üzrə atəşkəs rejimini xatırlatmasını isə mətbuat katibi belə cavablandırıb: "Nalbandyan 1994-1995-ci illər atəşkəs rejiminə toxunsa da, yalnız onun bir epizodunu qeyd edir. İnstitusional yaddaş pozuntusundan əziyyət çəkən Ermənistan xarici işlər nazirinə xatırlatmaq lazımdır ki, 1994-1995-ci il atəşkəs haqqında razılaşmanın xüsusi əlavəsi kimi Ermənistan qoşunlarının Azərbaycanın işğal olunmuş ərazilərindən çıxarılması barədə vaxt cədvəli hazırlanmışdı. Ermənistan xarici işlər naziri 1994-1995-ci il atəşkəs razılaşmasının məcburi qaydada yerinə yetirilməli olduğunu deyirsə, onda onun tərkib hissəsi olan vaxt cədvəlinə uyğun olaraq Ermənistan qoşunlarının Azərbaycanın işğal olunmuş ərazilərindən çıxarılması da təmin olunmalıdır. Atəşkəs rejimi Ermənistan qoşunlarının Azərbaycanın işğal olunmuş ərazilərindən çıxarılmasına və münaqişənin siyasi həllinə şərait yaratmalı olduğu halda, Ermənistan atəşkəsdən bu günə qədər sui-istifadə edir, öz işğalını gücləndirmək və davam etdirmək üçün siyasi möhtəkirlik obyektinə çevirir".

Ermənistanın XİN rəhbəri Edvard Nalbandyan növbəti dəfə insidentlərin araşdırılması mexanizmini gündəmə gətirməsini şərh edən Hikmət Hacıyev, qarşı tərəfin irəli sürdüyü iddianın məntiqsiz olduğunu bildirib: "Ermənistan xarici işlər nazirinin bu iddiası məntiqsizlik olaraq ən elementar şəkildə səbəb-nəticə kateqoriyalarına kökündən ziddir. Səbəbin həmişə nəticədən əvvəl gəldiyi hər kəsə aydın olsa da, Ermənistan xarici işlər naziri bunu hələ də başa düşə bilmir və ya başa düşmək istəmir. İnsidentlər nəticədir, səbəb isə Ermənistan qoşunlarının Azərbaycanın işğal olunmuş ərazilərində mövcudluğudur. Ermənistan qoşunlarının BMT Təhlükəsizlik Şurasının 822, 853, 874 və 884 saylı qətnamələrinin tələblərinə uyğun olaraq, Azərbaycanın işğal olunmuş ərazilərindən tam və qeyd-şərtsiz çıxarılmasından sonra insidentlərin baş verməsi və nəticə etibarilə, onların araşdırılması üçün səbəb qalmayacaq. Vyana və Sankt-Peterburqda münaqişənin həlli üzrə aparılmış substantiv müzakirələrə uyğun olaraq, insidentlərin araşdırılması kimi texniki-köməkçi məsələ Ermənistan qoşunlarının Azərbaycanın işğal olunmuş ərazilərindən çıxarılması prosesinin tərkib hissəsi olmalıdır. Ermənistan münaqişənin həllinin substantiv məsələlərindən yayınmaq üçün qəsdən diqqəti insidentlərin araşdırılması kimi məsələlərə yönəldir".

Sonuncu döyüşdə həlak olmuş Azərbaycan hərbçisinin cəsədinin təxirə salınmadan qaytarılması tələb olunsa da, Ermənistan xarici işlər naziri bu məsələyə toxunmur. H. Hacıyev Ermənistanın siyasi-hərbi rəhbərliyinin çirkin məqsədləri üçün hər cür avantüraya əl atdığını söyləyib: "29 dekabr 2016-cı ildə Ermənistanın qəsdən Ermənistan-Azərbaycan sərhədində təxribat törətdiyi tam şəkildə aydındır. Ermənistanın dərhal dezinformasiya xarakterli təbliğata başlaması və onun ardınca ermənipərəst mövqeyi ilə fərqlənən Kollektiv Təhlükəsizlik üzrə Müqavilə Təşkilatının artıq sabiq baş katibi Nikolay Bordyujanın məsuliyyətsiz açıqlaması təxribatın əvvəlcədən hazırlanmış ssenari üzrə cərəyan etdiyini bir daha sübut edir. Ermənistanın bu təhlükəli hərbi avantürasının məqsədi KTMT-ni münaqişəyə cəlb etmək, təxribat vasitəsilə danışıqlar prosesini pozmaqdır".

"Göründüyü kimi, Ermənistanın siyasi-hərbi rəhbərliyi çirkin məqsədləri üçün hər cür avantüraya və yalana əl atmağa hazırdır. Həmsədrlərin bəyanatında sırf humanitar əsaslarla, həlak olmuş Azərbaycan hərbi qulluqçusunun cəsədinin təxirə salınmadan qaytarılması tələb olunsa da, Ermənistan xarici işlər naziri bu məqamın üzərindən sükutla keçməyə çalışır. Nalbandyan ölkəsinin beynəlxalq humanitar hüquq, xüsusilə Cenevrə konvensiyalarına kökündən zidd olan qeyri-insani siyasətinə əsassız şəkildə bəraət qazandırmağa çalışır, Ermənistanın sərhəddə törətdiyi son təxribatı nəticəsində itkin düşmüş Azərbaycan hərbi qulluqçusunu, sıravi əsgəri utanmadan diversant adlandırmaqdan çəkinmir. Xüsusi təminatı, geyimi və silah-sursatı olmayan tək əsgər nə vaxtdan diversant oldu? Cenevrə konvensiyalarının tələblərini rəhbər tutaraq, həlak olmuş Azərbaycan hərbi qulluqçusu Çingiz Qurbanovun cəsədinin geri qaytarılması və ailəsinə təhvil verilməsi üçün beynəlxalq təşkilatlarla əlaqəli şəkildə zəruri tədbirlər görülür" — XİN sözçüsü bildirib.

Onun sözlərinə görə, ATƏT-in Minsk Qrupunun həmsədrləri, KTMT-nin üzv dövlətləri və beynəlxalq ictimaiyyət Ermənistanın regional sülh və təhlükəsizliyi ciddi təhdid altına qoyan və münaqişənin həlli üzrə danışıqlar prosesini pozmağa hesablanan bu təhlükəli hərbi avantüra cəhdlərini və çirkin niyyətini ciddi surətdə nəzərə almalıdır: "Vyana və Sankt-Peterburq görüşlərinin ruhuna uyğun olaraq, münaqişənin substantiv danışıqlar yolu ilə mərhələli şəkildə həll edilməsi, regionda davamlı sülh və təhlükəsizliyin bərqərar edilməsi üçün Azərbaycan tərəfi ATƏT-in Minsk Qrupunun həmsədrləri ilə birlikdə səylərini davam etdirəcək. Ermənistan regionu yeni təhlükələrə və hərbi avantüralara sürükləyən siyasətindən əl çəkməli, Azərbaycan ərazilərinin işğalına son qoymalı və münaqişənin həlli istiqamətində konstruktiv addımlar atmalıdır. Münaqişə nə qədər tez həll olunarsa, bir o qədər də tez regionda yaranacaq əməkdaşlıq imkanlarından erməni xalqı faydalana bilər".

214
Teqlər:
həmsədr, Edvard Nalbandyan, ittiham, ATƏT, Minsk Qrupu, Xarici İşlər Nazirliyi, Hikmət Hacıyev, Ermənistan, Azərbaycan
Əlaqədar
Azərbaycan XİN: "Günahkarların öz layiqli cəzalarını alacaqlarına əminik"
XİN İstanbulda törədilən terror aktını qəti şəkildə pisləyib
Azərbaycan və Qazaxıstan XİN rəhbərləri görüşüblər
XİN: Ermənistan Azərbaycan ərazilərinin anneksasiyası məqsədini güdür
Azərbaycan XİN Yerevanda planlaşdırılan tədbirlə bağlı bəyanat verdi
Azərbaycan hərbçiləri, arxiv şəkli

Müharibədə şəhid olmuş yaralanmış mədəniyyət işçilərinin ailələrinə yardım göstərilib

7
(Yenilənib 11:25 22.01.2021)
Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub.

BAKI, 22 yanvar — Sputnik. Vətən müharibəsi zamanı mədəniyyət müəssisələrində çalışan insanlar da könüllü ordu sıralarına yazılıb və onlardan 65 nəfəri səfərbərliyə cəlb olunub.

Sputnik Azərbaycan xəbər verir ki, tarixi zəfərlə başa çatan müharibədə 8 nəfər mədəniyyət işçisi şəhidlik zirvəsinə ucalıb. Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub. Ölkəmizin ərazi bütövlüyü uğrunda gedən döyüşlərdə şəhidlik zirvəsinə yüksəlmiş və yaralanmış mədəniyyət işçilərinin ailələrinə Mədəniyyət Nazirliyi və nazirliyin Həmkarlar İttifaqı tərəfindən maddi yardım göstərilib.

Şəhid ailələri və qazilərə qayğı bundan sonra da diqqətdə saxlanılacaq, bu istiqamətdə nazirlik tərəfindən layihə və tədbirlər həyata keçiriləcək.

7
Teqlər:
mədəniyyət xadimləri, müharibə, Qarabağ

Azərbaycanlının arzusu Ağdama qayıtmaq orada Qarabağ atlarını yetişdirməkdir

28
(Yenilənib 16:17 21.01.2021)
Şəmsəddin Atayevin kəndi işğal olunanda nəsli kəsilməsin deyə Qarabağ atlarını Bakıya gətirib. Ətraflı videomuzda izləyin.

Əslən Kəlbəcərdən olan Şəmsəddin Ağdamda doğulub və Qarabağ atlarını saxlamaq həvəsi də onda uşaqlıqdan yaranıb. Onun atası da 1948-ci ildən Qarabağ cinsindən atları yetişdirib. Şəmsəddin Atayevin sözlərinə görə, onların at ilxısı Ağdamın Eyvazxanbəyli kəndində olub. 1993-cü ildə kənd işğal olunandan sonra həmin Qarabağ atlarını Bakıya gətirib və Cıdır meydanında saxlamağa başlayıb.

Hazırda burada 8 baş Qarabağ atı var. Onlara qulluq göstərənlər də Şəmsəddin Atayevin qardaşı, eləcə də özünün və qardaşının övladlarıdır. Təsərrüfat sahibi deyir ki, Qarabağ atlarına xüsusi qulluq olunmalıdır. Bu atlar rənginin dəyişməməsi, sahibinə sadiqliyi və bir sıra xüsusiyyətlərinə görə də digər cinslərdən fərqlənir.

Şəmsəddin Atayevin niyyəti Eyvazxanbəyli kəndinə qayıtmaq və orada kürən Qarabağ atlarını yetişdirməkdir.

"Nəsil olaraq bizim peşəmiz budur. Tezliklə Ağdama qayıdacağıq və bu işlə məşğul olacağıq. Qarabağ atlarını Qarabağda yetişdirəcəyik tezliklə", - atların sahibi Şəmsəddin Atayev deyib.

Atayevlərin "Köhlən" adlı komandaları da var ki, bu komanda ilə yarışlarda uğur da qazanıblar.

28
İmtahan, arxiv şəkli

İmtahanda iştirak edə bilməyən şagirdlərlə bağlı vacib açıqlama

0
(Yenilənib 13:58 22.01.2021)
"Birinci yarımillikdə distant formada qiymətləndirmədə iştirak edə bilməyən şagirdlərin imtahandan keçirilməsi üçün şərait yaradılacaq".

BAKI, 22 yanvar — Sputnik. Azərbaycanda qiymətləndirmə imtahanlarında iştirak edə bilməyən şagirdlər yenidən imtahan verə biləcəklər. Sputnik Azərbaycan-ın məlumatına görə, bu barədə xüsusi karantin rejimi dövründə ölkə ərazisində fəaliyyət göstərən təhsil müəssisələrinin fəaliyyətinin təşkili ilə bağlı brifinqdə Təhsil Nazirliyinin ümumi təhsildə məzmun, tədris və qiymətləndirmə şöbəsinin müdiri Vəfa Yaqublu məlumat verib.

O bildirib ki, birinci yarımillikdə distant formada qiymətləndirmədə iştirak edə bilməyən şagirdlərin imtahandan keçirilməsi üçün şərait yaradılacaq. V.Yaqublunun sözlərinə görə, həmin şagirdlər növbəti bir ay ərzində məktəbə gəlməklə imtahandan keçə bilərlər: "Nəzərə alsaq ki, növbəti aydan məktəblərdə tədris başlanacaq, həmin şagirdlər də sosial məsafə və sıxlığı gözləməklə gəlib məktəbdə imtahan verə biləcəklər".

0
Teqlər:
məktəb, şagirdlər, imtahan, təhsil