Kollektiv Təhlükəsizlik Müqavilə Təşkilatına üzv ölkələrin bayraqları

"KTMT-nin bəyanatı siyasi təxribatdır"

5453
(Yenilənib 18:00 29.12.2016)
Komitə sədrinin müavini: "Rəsmi Bakı Təşkilatın açıqlaması ilə bağlı lazımi reaksiyanı verəcək"

BAKI, 29 dek — Sputnik. Bu gün səhər saatlarında Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhəddini pozmağa cəhd göstərərkən, bölmələrimizin pusqusuna düşüb. Bu barədə Sputnik-ə Müdafiə Nazirliyinin mətbuat xidmətindən məlumat verilib.

Döyüş zamanı düşmən tərəfi canlı qüvvə sarıdan xeyli itki verərək geri çəkilməyə məcbur edilib. Hadisə nəticəsində Silahlı Qüvvələrimizin hərbi qulluqçusu əsgər Qurbanov Çingiz Salman oğlu itkin düşüb. Onun tapılması istiqamətində müvafiq tədbirlər görülür.

"Son zamanlar cəbhə xəttində nisbi sakitliyin hökm sürməsi, görünür Ermənistanı qane etmir və qarşı tərəf məqsədyönlü şəkildə, vaxtaşırı bu kimi təxribatlara əl atır", deyən Müdafiə Nazirliyi bildirir ki, əgər bundan sonra da düşmənin bu cür fəaliyyəti davam edərsə, o, daha böyük və ağır itkilərlə üzləşəcək.

Ermənistanın Tavuş əyalətində döyüş toqquşması nəticəsində Ermənistan SQ-nin 3 hərbçisi həlak olub. Həlak olanlardan biri zabitdir. Bu barədə Sputnik Ermənistan-a Ermənistan Müdafiə Nazirliyinin mətbuat katibi Arsrun Ovannisyan məlumat verib.

Erməni KİV-in məlumatına əsasən, insident nəticəsində Azərbaycanın bir hərbçisi də həlak olub. Ovannisyan, döyüş nəticəsində baş leytenant Şavarş Melikyan, sıravilər Edqar Narayan və Erik Abovyanın həlak olduğunu bildirib. Erməni tərəfi hadisənin Tavuş əyaləti Çinari (işğal olunmuş Tovuz rayonunun Çinarlı kəndi — red.) kəndi istiqamətində baş verdiyini yazıb.

Hadisə ilə bağlı, Ermənistanın da üzv olduğu Kollektiv Təhlükəsizlik Müqavilə Təşkilatının (KTMT) verdiyi bəyanat isə Azərbaycanda ciddi narahatlıq doğurub. KTMT Ermənistanın Çinari kəndi yaxınlığındakı silahlı insidenti xüsusi narahatlıqla qarşılayıb.

Millət vəkili Aydın Mirzəzadə
© Photo : REPORT
Millət vəkili Aydın Mirzəzadə

Təşkilatın baş katibi Nikolay Bordyuja, "KTMT üzvü olan ölkənin ərazisindəki belə hərəkətləri təxribat xarakterli hərəkətlər kimi qəbul edirik", deyib. Həmçinin KTMT-nin rəsmi saytında işğal edilmiş Dağlıq Qarabağ haqqında "respublika" ifadəsi işlənib.

Baş verən son hadisəni və KTMT-nin mövqeyini Sputnik-ə dəyərləndirən, Milli Məclisin Müdafiə, təhlükəsizlik və korrupsiya ilə mübarizə komitəsinin sədr müavini Aydın Mirzəzadə qeyd edib ki, baş katib Nikolay Bordyujanın söylədikləri təxribat xarakterlidir: "Məndə belə bir təəssürat yaranır ki, Nikolay Bordyuja öz postunu Ermənistandan olan şəxsə təhvil verə bilməməyin stresini keçirir".

"Burda söhbət Ermənistanın Azərbaycana qarşı olan təxribatından gedir. Düşmənin diversiya qrupunun ölkəmizə qanunsuz girməsinin qarşısı alınıb", — deputat bildirib.

Millət vəkili KTMT-nin rəsmi saytında DQ-dən "respublika" kimi bəhs edilməsi haqda isə bunları deyib: "Bu, çox böyük siyasi provokasiyadır. Ermənistandan başqa KTMT-yə daxil olan dövlətlərin hamısı Azərbaycanın ərazi bütövlüyünü dəstəkləyir. Dünya siyasi xəritəsində "Dağlıq Qarabağ" adlı dövlət yoxdur. Düşünürəm ki, Azərbaycanın rəsmi orqanları KTMT-nin bəyanatına reaksiya verəcək".

5453
Teqlər:
Kollektiv Təhlükəsizlik Müqavilə Təşkilatı, Arsrun Ovannisyan, KTMT, Nikolay Bordyuja, Tovuz, Aydın Mirzəzadə, Müdafiə Nazirliyi, Ermənistan, döyüş, Azərbaycan, təxribat
Əlaqədar
"7 hərbçimizin həlak olması barədə yayılan məlumatlar yalandır"
İtkin düşmüş hərbçimizlə bağlı araşdırma aparılır
Erməni kəşfiyyat qrupu pusquya düşdü: düşmən ağır itki verib

Şəhid anası hər dəfə oğlunun məzarına bir qızılgül gətirən naməlum qızı axtarır - video

63
(Yenilənib 15:15 19.01.2021)
44 günlük Vətən müharibəsində pay sahibi olanlardan bir də 25 yaşlı Mingəçevir şəhər sakini Ruslan Cəfərlidir. Ətraflı videomuzda izləyin.

Ruslan Cəfərli Tərtər rayonunun Suqovuşan, Talış kəndləri uğrunda gedən döyüşlərdə iştirak edib. 13 oktyabrda isə komandiri ilə birgə şəhid olub və Mingəçevir Şəhidlər xiyabanında dəfn edilib.

Doğmaları sosial şəbəkələrdə bir xanımın onun ölümünə üzülərək yazdığı “Sənə qurban olum, Ruslan, sən nə tez qara torpağa getdin?!” statusuna rast gəliblər. Bir müddət sonra isə onun məzarını ziyarətə gedəndə orada tək qızılgül görüblər. Şəhidin anası Tahirə Nağıyeva həmin gülün kim tərəfindən qoyulduğunu bilmir. Ana həmin xanımı görmək, onunla söhbətləşib bir az təsəlli tapmağı arzulayır.

Bir bacının yeganə qardaşı olan Ruslan Cəfərli ölkə başçısının sərəncamı ilə “Vətən uğrunda” medalı ilə təltif edilib.

63
Şuşa, arxiv şəkli

Şuşanın göz yaşları: 28 il sonra şəhidləri yad edir

20
(Yenilənib 15:07 20.01.2021)
Tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

BAKI, 20 yanvar — Sputnik. Şuşa şəhərində Azərbaycan Ordusunun hərbi qulluqçuları ilə 20 Yanvar faciəsinin 31-ci ildönümünə həsr olunmuş anım mərasimi keçirilib.

Müdafiə Nazirliyindən Sputnik Azərbaycan-a verilən məlumata görə, tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

Tədbirdə 20 Yanvar faciəsinin tarixi əhəmiyyətindən danışılıb, ümummilli lider Heydər Əliyev və Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyevin baş vermiş hadisələr barədə həqiqətlərin dünya ictimaiyyətinə çatdırılması istiqamətində həyata keçirdiyi siyasətin uğurları barədə ətraflı məlumat verilib.

20
Teqlər:
20 Yanvar qətliamı, 20 Yanvar faciəsi, "20 yanvar", Şuşa
Donald Tramp, arxiv şəkli

"Qayıdacam" - Tramp Evdən necə getdi - VİDEO

0
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

0
Teqlər:
tərk etmək, Ağ Ev, Donald Tramp