ABŞ - Rusiya

Qərb Rusiyanın Cənubi Qafqazdakı roluna iddialıdır

62
Ekspertlər ABŞ dövlət katibinin müəmmalı "Qarabağ" bəyanatının arxasındakı məqamları şərh edirlər

BAKI, 30 sen — Sputnik. "Ermənistan-Azərbaycan, Dağlıq Qarabağ münaqişəsinin nizamlanması üçün hələlik şərait yaranmayıb". Bunu ABŞ-ın dövlət katibi Con Kerri Vaşinqtonda Aspen Elmi Tədqiqat İnstitutu və "Atlantik" həftəlik dərgisinin təşkil etdiyi 8-ci illik forumda deyib.

Professor İlham Rəhimov
© Photo : Личный архив И.Рагимова

"Müasir dünyada Ermənistan — Azərbaycan, Dağlıq Qarabağ münaqişəsi kimi bir neçə dondurulmuş münaqişə var ki, onların nizamlanması hazırda mümkünsüz görünür, çünki, hər şeydən əvvəl, liderlər buna hazır deyillər", — deyə Kerri qeyd edib.

Amma o, İsrail-Fələstin münaqişəsini bu tip münaqişələrə aid etməyib: "Bu cür münaqişələr mürəkkəbdir, lakin, insanların müəyyən kompleks qərarlar qəbul edəcəyi təqdirdə, onları keçmişdə qoymağın yollarını seyr etmək mümkündür. Mən düşünürəm ki, İsrail-Fələstin münaqişəsi bu kateqoriyaya aiddir".

Birləşmiş Ştatlar dövlət katibinin Qarabağla bağlı bəyanatını Sputnik-ə şərh edən Müsavat Partiyasının başqanı Arif Hacılı ortada bir fakt olduğunu deyib: "Fakt odur ki, Azərbaycanın qanuni torpaqları işğal edilib. Və bunu bütün dünya, o cümlədən beynəlxalq təşkilatlar da qəbul edir. Con Kerrinin "vaxt yetişməyib, liderlər hələ hazır deyil" bəyanatı göstərir ki, bu münaqişədən bəslənən güclər özləri yekun həlli istəmirlər, maraqlı deyillər".

O, əlavə edib ki, Azərbaycan tərəfi hər zaman münaqişənin həllinə hazırdır: "Kerrinin "liderlər hazır deyil" çıxışı düzgün deyil. Çünki Azərbaycan tərəfi illərdir ki, dünyanın da tanıdığı öz torpaqlarını işğaldan azad etməyə hər zaman hazırdır. Sadəcə olaraq rəsmi Bakı bu işin hüquqi yolla həllində maraqlıdır".

Politoloq Zərdüşt Əlizadə isə Sputnik-ə açıqlamasında ABŞ dövlət katibinin açıqlamalarını 3 istiqamətdən izah edib: "Kerrinin bəyanatı hadisənin zahiri tərəfini əks etdirir. Həqiqətən də Azərbaycan və Ermənistan prezidentlərinin mövqeləri münaqişənin yaxın vaxtda, qarşılıqlı güzəşt əsasında həllinə ümid vermir. Dediyim kimi, bu, zahiri cəhətin əksidir. Hadisənin daxili və daha əhəmiyyətli cəhətləri var".

"Daxili təzahürü odur ki, Dağlıq Qarabağ münaqişəsinin həllində əsas oyunçu Rusiyadır və Moskva prosesi öz nəzarətində saxlayır. Qərb isə münaqişənin həllini özünün idarə etməsini istəyir. Yəni Rusiyanın hazırda oynadığı rolu Qərb özünün oynamasını istəyir. Lakin, onların arzusu gerçəkləşməyəcək, çünki bu regionda əsas oyunçu Rusiyadır", — politoloq bildirib.

62
Teqlər:
Ermənistan-Azərbaycan, Dağlıq Qarabağ münaqişəsi, Cənubi Qafqaz, münaqişə, Con Kerri, Zərdüşt Əlizadə, Arif Hacılı
Əlaqədar
Rusiya və Fransalı nazirlər Dağlıq Qarabağ problemini müzakirə ediblər
Vladimir Putinə Qarabağla bağlı addım atmağa mane olan səbəb bəlli oldu
Mövlud Çavuşoğlu: Rusiya hazırda Qarabağ probleminin həlli üçün ciddi səylər göstərir
Vladimir Putin: Qarabağ problemi “həssas məsələ”dir
Azərbaycan və İran prezidentləri Qarabağ münaqişəsindən danışdılar

Ağdamın mina xəritəsinin Azərbaycana verilməsinə rəsmilərin reaksiyası

346
(Yenilənib 23:37 12.06.2021)
Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Ermənistana təhvil verilib.

BAKI, 12 iyun - Sputnik. Azərbaycanın Ağdam rayonunun mina xəritələrini Ermənistandan alması müqabilində 15 erməni hərbçini təhvil verməsindən sonra siyasətçilər və rəsmi şəxslər bu vacib hadisə barədə fikirlərini bildirməyə başladılar.

"Şadam ki, mənim aktiv dəstəyim və bizim strateji partnyorumuz, ABŞ Dövlət katibinin köməkçisi Filip Rikerin iştirakı ilə Azərbaycan tərəfi 15 Ermənistan vətəndaşını azad etdi, onlar öz ailələrinə Gürcüstan vasitəsilə qovuşdular", - Gücüstanın Baş naziri İrakli Qaribaşvili özünün Facebook səhifəsində yazıb.

Öz növbəsində ABŞ-ın Dövlət katibi Entoni Blinken Twitter səhifəsində qeyd edib ki, ABŞ Azərbaycanın 15 ermənini azad etməsini alqışlayır.

​"Biz Gürcüstan hökumətinə tərəflər arasında danışıqlara kömək göstərilməsində həyati vacib roluna görə təşəkkür edirik. Belə addımlar regionun xalqlarını layiq olduqları dinc gələcəyə yaxınlaşdırır", - Dövlət katibinin bəyanatında deyilir.

Rusiyanın Xarici işlər Nazirliyinin rəsmi nümayəndəsi Mariya Zaxarova özünün Telegram kanalında Azərbaycanın mina xəritələri müqabilində 15 ermənini azad etməsi xəbərini yayaraq qeyd edib: "Çoxdan gözlənilən xoş xəbər. Tərəflərin bu cür addımlarını alqışlayırıq".

Avropa İttifaqı Şurasının sədri Şarl Mişel də kənarda qalmayıb: "Azərbaycan və Ermınistanın paralel humanitar jestlərini - tutulanların buraxılmasını və minalanmış ərazilərin xəritəsinin verilməsini alqışlayıram".

O, Twitter səhifəsində vurğulayıb ki, Avropa İttifaqı bu prosesi dəstəkləyib və proqressin tezləşməsi üçün köməyini təklif etməyi dayandırmayacaq.

Gürcüstanın XİN rəhbəri David Zalkaliani qeyd edib ki, ermənilərin öz ölkələrinə qaytarılması və Azərbaycanın minalarla bağlı lazımi materiallarla təmin edilməsi Cənubi Qafqazın üç ölkəsi arasında münasibətlərin başlanğıcıdır. Bu barədə isə APA-nın yerli bürosu məlumat verib.

Gürcü nazirin sözlərinə görə, Azərbaycanın azad etdiyi ermənilər artıq Ermınistan ərazisindədirlər.

Azərbaycan 15 ermənini hansı şərtlərlə buraxdı?

Azərbaycan Xarici İşlər Nazirliyi məlumat yayaraq bildirib ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.

"Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik.

Mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti cənab İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcəkdir", - məlumatda vurğulanıb.

Ermənistan minalanmış ərazilərin xəritəsini könüllü surətdə verməkdən imtina edir

Azərbaycan tərəfi dəfələrlə Ermənistan tərəfinə və beynəlxalq təşkilatlara minalanmış ərazilərin xəritəsini almaq üçün müraciət etsə də, Ermənistan birmənalı şəkildə həmin xəritələri verməkdən imtina edib. Nəticədə atəşkəs dövründə onlarla Azərbaycan vətəndaşı minaya düşərək həlak olub və yaxud yaralanıb.

Prezident İlham Əliyev dəfələrlə bildirib ki, müharibə bitəndən sonra Ermənistan minalanmış ərazilərin xəritəsini verməkdən imtina edir. Bu da yüzlərlə insanın minaya düşərək həlak olmasına səbəb olur. Bu minaların təmizlənməsi çox vaxt aparır.

Bu yaxınlarda Rusiya xarici işlər naziri Sergey Lavrov azərbaycanlı həmkarı Ceyhun Bayramovla görüşdən sonra Bakıda keçirilən mətbuat konfransında Ermənistanın Azərbaycana minalanmış ərazilərin xəritələrini verməkdən imtina etməsi məsələsinə münasibət bildirərkən deyib ki, "Biz bütün humanitar məsələlərin, xüsusən də minalarla bağlı məsələlərin mümkün qədər operativ şəkildə və ilkin şərtlər olmadan həll edilməsinin tərəfdarıyıq".

"Bu məsələni Yerevanda müzakirə etmişik. Mənə elə gəldi ki, Ermənistan rəhbərliyi bu məsələni həll etmək lazım olduğunu anlayır. İlk addımlar atılıb və mən bu barədə Azərbaycan rəhbərliyinə məlumat vermişəm. Ümid edirik ki, bu məsələnin həlli sürətlənəcək və onun tam həlli tapılacaq”, – S.Lavrov demişdi.

Qeyd edək ki, iyunun 12-də xarici ölkələrin Azərbaycanda yeni təyin olunmuş qeyri-rezident səfirlərini qəbul edərkən Azərbaycan Prezidenti yaxın vaxtlarda mina xəritələri ilə bağlı yaxşı xəbərlərin olacağına ümid etdiyini bildirib: "Bu yaxınlarda beynəlxalq təşkilatların fəal təmasları sayəsində biz ermənilərin basdırdığı minalar haqqında müəyyən informasiyanın alınmasına yaxınlaşırıq. Ümid edirəm ki, tezliklə yaxşı xəbərlər olacaq. Lakin bu nəticələri əldə etmədən öncə heç nə söyləmək istəmirəm. Lakin Ermənistan bizə bütün minaların, basdırdıqları bütün yüz minlərlə minaların xəritəsini verməlidir. Əgər onlar bunu etməsələr, bu, bir daha bu ölkənin terrorçu xislətini nümayiş etdirəcək".

Eləcə də oxuyun:

  • Minalanmış ərazilərin xəritəsi: Nə vaxt veriləcək?

  • Beynəlxalq qurumlar mina xəritələrini ermənilərdən tələb etsin - Zamin Zeynal danışır

  • ABŞ rəsmisi Yerevanı bütün mina xəritələrini Azərbaycana verməyə çağırdı

  • Mina qurbanlarının sayı daha da arta bilər - Hafiz Səfixanov

346
Teqlər:
, Gürcüstan, ABŞ, Ermənistan, Azərbaycan, xəritə, mina, Ağdam
ANAMA əməkdaşı Qarabağda əraziləri minalardan təmzləyirlər

Azərbaycan 15 nəfəri Ermənistana təhvil verdi

1011
(Yenilənib 19:15 12.06.2021)
Azərbaycan Xarici İşlər Nazirliyi prosesin baş tutmasına görə Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edib.

BAKI, 12 - iyun- Sputnik. Əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.

Sputnik Azərbaycan bildirir ki, bu barədə Azərbaycan Xarici İşlər Nazirliyinin məlumatında deyilir.

Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik.

Mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti cənab İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcəkdir.

Ermənistan minalanmış ərazilərin xəritəsini könüllü surətdə verməkdən imtina edir

Azərbaycan tərəfi dəfələrlə Ermənistan tərəfinə və beynəlxalq təşkilatlara minalanmış ərazilərin xəritəsini almaq üçün müraciət etsə də, Ermənistan birmənalı şəkildə həmin xəritələri verməkdən imtina edib. Nəticədə atəşkəs dövründə onlarla Azərbaycan vətəndaşı minaya düşərək həlak olub və yaxud yaralanıb.

Prezident İlham Əliyev dəfələrlə bildirib ki, müharibə bitəndən sonra Ermənistan minalanmış ərazilərin xəritəsini verməkdən imtina edir. Bu da yüzlərlə insanın minaya düşərək həlak olmasına səbəb olur. Bu minaların təmizlənməsi çox vaxt aparır.

Bu yaxınlarda Rusiya xarici işlər naziri Sergey Lavrov azərbaycanlı həmkarı Ceyhun Bayramovla görüşdən sonra Bakıda keçirilən mətbuat konfransında Ermənistanın Azərbaycana minalanmış ərazilərin xəritələrini verməkdən imtina etməsi məsələsinə münasibət bildirərkən deyib ki, "Biz bütün humanitar məsələlərin, xüsusən də minalarla bağlı məsələlərin mümkün qədər operativ şəkildə və ilkin şərtlər olmadan həll edilməsinin tərəfdarıyıq".

"Bu məsələni Yerevanda müzakirə etmişik. Mənə elə gəldi ki, Ermənistan rəhbərliyi bu məsələni həll etmək lazım olduğunu anlayır. İlk addımlar atılıb və mən bu barədə Azərbaycan rəhbərliyinə məlumat vermişəm. Ümid edirik ki, bu məsələnin həlli sürətlənəcək və onun tam həlli tapılacaq”, – S.Lavrov demişdi.

Qeyd edək ki, iyunun 12-də xarici ölkələrin Azərbaycanda yeni təyin olunmuş qeyri-rezident səfirlərini qəbul edərkən Azərbaycan Prezidenti yaxın vaxtlarda mina xəritələri ilə bağlı yaxşı xəbərlərin olacağına ümid etdiyini bildirib: "Bu yaxınlarda beynəlxalq təşkilatların fəal təmasları sayəsində biz ermənilərin basdırdığı minalar haqqında müəyyən informasiyanın alınmasına yaxınlaşırıq. Ümid edirəm ki, tezliklə yaxşı xəbərlər olacaq. Lakin bu nəticələri əldə etmədən öncə heç nə söyləmək istəmirəm. Lakin Ermənistan bizə bütün minaların, basdırdıqları bütün yüz minlərlə minaların xəritəsini verməlidir. Əgər onlar bunu etməsələr, bu, bir daha bu ölkənin terrorçu xislətini nümayiş etdirəcək".

Eləcə də oxuyun:

1011
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

0
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

0